Morgunblaðið - 25.02.2010, Side 22

22 Umræðan
MORGUNBLAÐIÐ FIMMTUDAGUR 25. FEBRÚAR 2010
NÚ ER stór hluti ís-
lenskrar alþýðu illa
staddur og fáir til
hjálpar. Á ég að gæta
bróður míns? segja
þeir samfylkingarmenn
um uppboð heimila,
réttlætið verður þó
fram að ganga og frá
félögum þeirra í rík-
isstjórn heyrist ekkert.
Hver um annan þveran
hafa þeir þó átt stóran þátt í því
ástandi sem nú er að ganga frá ham-
ingju og heill tugþúsunda Íslenskra
barnafjölskyldna. Það hafa verið
gerðar ráðstafanir, en þær sem mest
lá á hafa eingöngu beinst að ríka
manninum og hans handbendum.
Þessar ráðstafanir halda af-
brotamönnum sem tekið hafa þátt í
efnahagsfölsunum banka og fyr-
irtækja ríka mannsins í hálaunuðum
störfum sínum áfram, þær sjá til
þess að efnað fólk fær greitt að fullu
út úr hávaxtasjóðum sem þó eðli sínu
samkvæmt voru áhættufjárfesting.
Enginn af ríkismönnunum eða
stjórnmálamönnum þeim er þeir
keyptu hafa misst eigur sínar né
munu þeir missa þær þótt svo að þeir
ættu að vera fremstir í röðinni eftir
skaða þann sem þessir gjörspilltu
menn hafa valdið.
Dómstólar Íslands eru orðnir
framrétt hönd þessara glæpamanna
gegn saklausri alþýðu Íslands sem
ekkert hefur til saka unnið annað en
að vera venjulegur þegn með hefð-
bundnar neysluvenjur. Íslensk al-
þýða er leidd fyrir dóm og af henni
eru dæmdar eigur hennar og ef hún
fær einhverja lausn þá er það bundið
því að eftirlitsmaður fylgist með
hverri krónu sem inn kemur og sá
getur hlutast til um fjármál viðkom-
andi um ókomin ár. Eru ríki mað-
urinn og þjónar hans
undir þetta seldir? Nei,
þeir fara ekki einu sinni
á vanskilaskrá þrátt
fyrir að hafa fengið
(rænt) milljarða, þús-
undir milljóna út á
brosið eingöngu og
brosið, glottið, nær á
milli eyrnanna ennþá.
En því þarf að
breyta. Við getum, Ís-
lendingar, með sam-
takamætti þeim sem í
þjóðinni býr hreinsað
brosið af vörum þeirra og losað okk-
ur við sérhvern þann sem þátt átti í
stærsta efnahagsafbroti Íslandssög-
unnar og snúið okkur að því að hjálpa
þeim sem þarfnast okkar meir en ríki
maðurinn sem ekkert gott gefur af
sér. Engin barnafjölskylda fari úr
íbúð sinni vegna glæpa ríka manns-
ins, nóg er til af peningum til að
hjálpa þeim og við eigum að gæta að
okkar minnstu bræðrum, svo hefur
Drottinn sjálfur sagt okkur að gera.
Ef núverandi stjórnvöld taka ekki
til hendinni og snúa sér til réttra að-
ila með viðeigandi hjálp og hætta yf-
irlýsingum eins og þeim að rétt-
arkerfið þurfi að hafa sinn framgang
þá losum við okkur við þessa aðila
sem hafa sýnt of mikinn áhuga á end-
urreisn fyrri félaga sinna (Skoðið
listann yfir stofnfjáreigendur
SPRON). Dómstólar Íslands eiga að
dæma þá sem eru raunverulega sekir
og svipta þá eigum sínum, stjórn-
málamenn þá sem leyfðu þennan
hrunadans sem ekki er af náttúrunn-
ar völdum heldur manna, og þá sem
auðguðust af glæpum þeirra. Fjöl-
margar fjölskyldur hafa þegar orðið
fyrir óbætanlegum skaða andlega og
efnalega og misst alla trú á réttlæti
eftir þá svokölluðu réttlætismeðferð
sem þær hafa verið beittar. Þján-
ingaganga feðra og mæðra frá bönk-
um til dómstóla til að leita lausna er
óbærileg og hin kuldalega meðferð
sem þar er beitt gegn þeim er nánast
djöfulleg. Hvernig fólk fáum við út úr
þessari píslargöngu, fólk fullt af
elsku eða fólk fyllt hatri til lands og
þjóðar, hvað heldur þú. Framtíð Ís-
lands er að veði, sálarheill tugþús-
unda er í húfi og eðlileg tilvera
barnanna okkar.
Við sjáum margan úlfinn auðgast á
því ástandi sem nú ríkir, í gegnum
skilanefndir streyma fjármunir sem
þurfa miklu betri aðgæslu, ráðstaf-
anir banka beina fjármunum og eign-
um aftur til hinna seku án nokkurra
afskipta stjórnvalda. Ráðningar nú-
verandi stjórnvalda á kúlulánafólki
sem tók þátt í efnahagsfölsunum eru
ótrúlega grófar, á sama tíma og
nauðsynlegt er að hreinsa til svo að
sátt komist á í þjóðfélaginu. Áður en
langt um líður munu glæpir ríka
mannsins og þjóna hans verða enn
augljósari og hvað þá gerist er nokk-
uð ljóst. Íslendingar hljóta að krefj-
ast réttláts uppgjörs við þessa aðila
sem hafa steypt svo mörgum í glötun
í glórulausri græðgi í völd og fjár-
muni. Megi dómstólum landsins
verða beitt gegn þeim… Og ríki mað-
urinn hóf upp augu sín í helju.
Guð fyrirgefi og frelsi hina ís-
lensku þjóð.
Framrétt hönd glæpamanna
Eftir Sigþór
Guðmundsson »Dómstólar Íslands
eru orðnir framrétt
hönd þessara glæpa-
manna gegn saklausri
alþýðu Íslands sem ekk-
ert hefur til saka unnið
annað en að vera venju-
legur þegn með hefð-
bundnar neysluvenjur.
Sigþór Guðmundsson
Höfundur er sölumaður.
Í LJÓSI mannlegs
veruleika erum við
mennirnir eins og strá
í vindi sem blaktir um
stund en visnar svo og
verður að engu. Eða
eins og sandkorn á
strönd sem treðst
undir í átroðningi dag-
anna. En í augum
Guðs erum við eins og
dýrmætar perlur sem
hafa í sér fólgin eilífð-
arverðmæti sem ekkert fær afmáð
eða eytt, jafnvel ekki sjálfur dauð-
inn.
Eðlilegt að efast
Allir mestu trúmenn sögunnar,
þar með taldir lærisveinar Jesú
Krists, voru jafnframt efasemda-
menn. Þótt þeir vildu í einlægni
trúa, þá efuðust þeir, glímdu við til-
vistarspurningar, sjálfan sig og
Guð. Þeim fannst þeir ekki fá þau
svör sem þeir vildu og oft var
kannski fátt um svör. Þeir glímdu
og efuðust og jafnvel afneituðu þeir
meistara sínum þegar á reyndi og
veðrin gerðust hvað hörðust.
En Jesús kallaði þá engu að síður,
þrátt fyrir hvernig þeir voru og
brugðust við, til að vera vottar sínir
og erindrekar, lifandi steinar í
kirkju sinni hér á jörð. Og hefur
vitnisburður þeirra lifað og borist
mann fram af manni í tvöþúsund ár,
allt fram á okkar tíma.
Það er ofur eðlilegt að efast því
að oft finnst okkur Guð hafa yfirgef-
ið okkur. Einkum þegar við upp-
lifum áföll eða verðum fyrir von-
brigðum. Hann heyri ekki og skilji
ekki eða sé bara alveg sama. Ef
hann er þá til!
Minnumst þess að hann kom
sjálfur inn í þennan heim við illan
leik í syni sínum Jesú Kristi. Hann
fékk óblíðar viðtökur og var hund-
eltur af yfirvöldum allt frá fyrstu tíð
af því hann þótti ógna þeim og ögra
tíðarandanum. Að lokum var hann
líflátinn aðeins 33 ára að aldri eftir
að hafa mátt þola einelti og háð,
pyntingar og ofbeldi.
Á ögurstundu hrópaði hann út í
loftið þar sem hann hékk á kross-
inum: Guð minn! Guð minn! Hví
hefur þú yfirgefið mig.
Já og hví skyldum við ekki mega
taka undir með honum? Honum sem
hafnað var í þessari veröld, var
hrakinn, hrjáður og útskúfaður.
Þeir sem spyrja, glíma og efast
án þess að útliloka, þeir
styrkja trúna svo hún
dýpkar og þroskast,
vex og eflist og tekur
að skjóta rótum á
bjargi lífsins sem ekki
bifast. Trúin er nefni-
lega sterkust þegar við
leitum, spyrjum og
glímum, sýnum áhuga
og jafnvel efumst án
þess að sleppa takinu.
Trú þeirra hins vegar
sem eru trúgjarnir og
hlaupa eftir eyrnakon-
fekti á hverjum tíma og kaupa allt
hrátt að ókönnuðu máli á útsölu, er
rótlaus, byggð á sandi og á það til
að hrynja við minnstu ágjöf.
Björgunarvesti lífsins
Þú sem orðið hefur fyrir von-
brigðum, misst ástvin eða upplifað
annars konar áföll, haltu dauðahaldi
í frelsarann þinn, Jesú Krist. Hann
er það björgunarvesti sem Guð af
kærleika sínum gaf okkur svo við
kæmumst af. Hann býðst til þess að
leiða þig, vera með þér alla daga í
gegnum þykkt og þunnt, vaka yfir
þér og bera þig þegar þú getur ekki
sjálfur gengið. Hann er í senn
mannlegur Guð og guðlegur maður,
sem reis upp frá dauðum og tileink-
aði þér sigur lífsins svo þú fengir lif-
að að eilífu. Hann kom til að færa
þér auðlegð himnanna og sælu ei-
lífðar. Hann sagði m.a.: „Í heim-
inum hafið þér þrenging. En verið
hughraust. því ég hef sigrað heim-
inn.“ „Sá sem trúir á mig, mun lifa
þótt hann deyi.“
Já, Hann lifir! Og þú munt lifa!
Leyfum þeirri von að móta hug-
arfar okkar, afstöðu til lífsins og
veru alla. Höldum dauðahaldi í hann
sem heitið hefur því að sleppa ekki
takinu af okkur og vera með okkur
alla daga allt til enda veraldar og
getur séð til þess að við munum lífi
halda þrátt fyrir allt.
Trúin og efinn
Eftir Sigurbjörn
Þorkelsson
Sigurbjörn
Þorkelsson
»Haltu dauðahaldi í
frelsarann þinn,
Jesú Krist. Hann er það
björgunarvesti sem Guð
af kærleika sínum gaf
þér svo þú kæmist af.
Höfundur er rithöfundur og
f.v. framkvæmdastjóri Laugarnes-
kirkju, KFUM & KFUK
og Gídeonfélagsins á Íslandi.
MORGUNBLAÐIÐ birtir alla
útgáfudaga aðsendar umræðu-
greinar frá lesendum. Blaðið
áskilur sér rétt til að hafna grein-
um, stytta texta í samráði við höf-
unda og ákveða hvort grein birtist
í umræðunni, í bréfum til blaðsins
eða á vefnum mbl.is. Blaðið birtir
ekki greinar, sem eru skrifaðar
fyrst og fremst til að kynna starf-
semi einstakra stofnana, fyr-
irtækja eða samtaka eða til að
kynna viðburði, svo sem fundi og
ráðstefnur.
Innsendikerfið
Þeir sem þurfa að senda Morg-
unblaðinu greinar eru vinsamlega
beðnir að nota innsendikerfi
blaðsins. Formið er undir liðnum
„Senda inn efni“ ofarlega á for-
síðu mbl.is. Einnig er hægt að slá
inn slóðina www.mbl.is/senda-
grein
Ekki er lengur tekið við grein-
um sem sendar eru í tölvupósti.
Í fyrsta skipti sem formið er
notað þarf notandinn að nýskrá
sig inn í kerfið, en næst þegar
kerfið er notað er nóg að slá inn
netfang og lykilorð og er þá not-
andasvæðið virkt.
Ekki er hægt að senda inn
lengri grein en sem nemur þeirri
hámarkslengd sem gefin er upp
fyrir hvern efnisþátt en boðið er
upp á birtingu lengri greina á
vefnum.
Nánari upplýsingar gefur
starfsfólk greinadeildar.
Móttaka aðsendra greina
–– Meira fyrir lesendur
PANTAÐU AUGLÝSINGAPLÁSS
Best er að panta sem fyrst til að
tryggja sér góðan stað í blaðinu!
.
Í miðri kreppu eru Íslendingar að
uppgötva á nýjan leik gæði innlendrar
framleiðslu.
Hvar sem litið er má finna spennandi
nýjar lausnir, vandaða smíði og framúr-
skarandi hönnun.
Viðskiptablað Morgunblaðsins skoðar
það besta, snjallasta og djarfasta í
íslenskri framleiðslu í veglegu sérblaði
um þekkinguna og þrautsegjuna í
Íslensku atvinnulífi fimmtudaginn
4. mars.
MEÐAL EFNIS:
Hvað eru fyrirtækin að gera og
hvað hafa þau að bjóða?
Hvernig hindranir þarf að fást
við og hvaða möguleikar eru í
stöðunni?
Hverjir eru styrkleikar
íslenskrar framleiðslu og hvað
ber framtíðin í skauti sér?
Hvaða forskot hefur íslensk
framleiðsla á erlendum
mörkuðum í dag?
ÍSLENSKT ER BEST
LANDBÚNAÐUR - HANNYRÐIR - HANDVERK - VEITINGAR - HNOSSGÆTI - FISKIÐNAÐUR LYF - LÆKNINGAR
VÉLAR - TÆKIFATNAÐUR - SKARTGRIPIR - AUKAHLUTIR - MENNING - LISTIR - VERSLUN - ÞJÓNUSTA
FERÐAÞJÓNUSTA - FJÖLMIÐLAR - ÚTGÁFA - TÖLVUR - TÆKNI - HÚSGÖGN - HEIMILI - FRÆÐI - RANNSÓKNIR
PÖNTUNARTÍMI AUGLÝSINGA:
Fyrir kl. 16, mánudaginn 1. mars.
NÁNARI UPPLÝSINGAR GEFUR:
Sigríður Hvönn Karlsdóttir
Sími: 569 1134
sigridurh@mbl.is
VIÐSKIPTABLAÐ