SunnudagsMogginn - 13.02.2011, Blaðsíða 40

Ef þig langar til að koma elskunni þinni á óvart á Valentínusardaginn er um að gera að
nota hugmyndaflugið. Hér eru þrjár hugmyndir að öðruvísi útfærslu á matarboði. Þær
taka smá tíma en er ekki betra að gera hlutina með stæl, ella gera þá ekki?
Frönsk veisla í tjaldi
Þú getur ferðast til annars lands með elskuna þína en samt verið heima í stofu. Eld-
aðu mat frá því heimshorni sem ykkur líkar best og skreyttu umhverfið í
stíl. Svo er ekkert verra ef þú getur kynnt matinn á viðeigandi tungu-
máli, eða slegið fram nokkrum góðum setningum. Leggðu þig
alla/n fram og þetta ætti að verða skemmtilegt kvöld. Önn-
ur hugmynd er sú að fara í útilegu. Já, veðrið um
miðjan vetur er kannski ekki ákjósanlegt en
það er alveg hægt að græja tjald innandyra.
Við munum t.d. flest eftir teppatjöldunum
góðu sem við bjuggum til á milli stóla sem
börn. Hafðu nóg af þægilegum púðum og
teppum við höndina og útbúðu góðan mat.
Það hljómar kannski undarlega að skipta um
umhverfi á þennan hátt en getur um leið verið
mjög spennandi og rómantískt. Nú ef veðrið er
ljómandi gott er ekkert því til fyrirstöðu að fara
í lautarferð með troðfulla körfu af góðu nesti.
Passið ykkur bara að hafa hlýtt teppi til að
sitja á og heitan drykk á brúsa. Eftir lautarferð-
ina er góð hugmynd að skella sér í heitan pott
til að hlýja sér aðeins.
Rómantísk inni-útilega
Pakkaðu niður
góðgæti fyrir
rómantíska
lautarferð.
40 13. febrúar 2011
Lífsstíll
Þ
á er hann alveg að skella á dagurinn sem enginn
fær umflúið. Eða hvað? Blóma-, konfekt- og
gjafasalar kætast og bleikir ástarpeningar renna
í kassann. Pör leiðast um allan bæinn ljómandi
af hamingju á meðan þeir einhleypu draga sængina upp
yfir haus og vona að dagurinn hverfi. Eða fara á barinn og
drekkja saman sorgum sínum, tala
ófallega um ástina, sem er hvort sem er
löngu dauð, og yrkja harmaljóð fram
undir morgun. En hvaða dagur skyldi
þetta eiginlega vera sem setur allt
svona á annan endann í samfélaginu? Í
það minnsta má ímynda sér það á
þennan hátt. Jú, Valentínusardagurinn
ógurlegi er upprunninn. Bandarísk
þvæla og auglýsingamennska segja
sumir, rómantískur dagur sem lífgar
upp á veturinn segja aðrir. Fólk virðist
hafa mjög svo misjafnar skoðanir á þessum ágæta degi en
mikilvægast er nú kannski bara að æsa sig ekkert yfir
þessu. Við eigum vissulega okkar bóndadag og konudag.
Okkar íslensku daga þar sem bóndi og frú leggja sig fram
við að vera sæt og góð hvort við annað. Mörgum finnst
þetta bara alveg nóg og því sé algjör óþarfi að bæta Val-
entínusardeginum við. Enda heyrði maður lítið af þess-
um degi hér á landi fyrr en fyrir kannski um fimm árum.
Síðan þá er auglýst hitt og þetta sem gefa má og gera á
þessum degi og fólk hvatt til að gera eitthvað fallegt fyrir
elskuna sína á Valentínusardaginn. Nú bjó ég í Englandi
um tíma og vandist því þar í nokkur ár að fá sendan
glaðning á þessum degi, súkkulaði eða eitthvert dúllerí.
Það var vissulega notalegt og ég mat það mikils á þeim
tíma. Nú bý ég hins vegar á Íslandi og þar af leiðandi
finnst mér okkar dagar hér mikilvæg-
ari en þessi. Um leið er ég samt ekki að
segja að á konudeginum ætlist ég til að
fá gefins hvaðeina sem mig langar í.
Bakaríisferð eftir snúð myndi alveg
duga mér svo lengi sem honum fylgdi
gott knús. En mér finnst líka að fólk
megi bara sjálft velja sér dag til að gera
eitthvað fallegt fyrir sinn heittelskaða
eða -elskuðu. Það þarf ekki að fela í sér
mikla viðhöfn eða skipulag heldur er
best ef rómantíkin felst í hversdeg-
inum. Samt má fólk alveg missa sig eins mikið og það vill.
Kaupa 18 rauðar rósir og haug af súkkulaði á Valentínus-
ardaginn. Sumir finna sig í slíku og aðrir í einhverju öðru.
Verum glöð yfir því að vera ekki öll eins og leyfum þeim
sem vilja að njóta dagsins. Hér má líka skjóta inn í að
hans má vel njóta einn eða með vinum yfir kertaljósi.
Hvað sem þið kjósið að gera er í það minnsta algjör óþarfi
að breytast í Valentínusar-fýlupoka. Það hjálpar engum
að sitja með skeifu úti í horni.
Bleikur
rómans
Valentínusardagurinn er næst-
komandi mánudag. Þá skellur
ástaralda yfir heiminn en ekki
eru allir sammála um hvort
fagna eigi deginum hérlendis.
María Ólafsdóttir maria@mbl.is
Sumir nota Valentínusardaginn til að gifta sig, jafnvel í lest eins og þessi brúðhjón í Kína.
AP
’
Fólk virðist hafa
mjög svo mis-
jafnar skoðanir
á þessum ágæta degi
en mikilvægast er nú
kannski bara að æsa
sig ekkert yfir þessu.
Á Valentínusardaginn er vel við hæfi að horfa á nokkrar
vel valdar, rómantískar kvikmyndir með nóg af poppi og
nammi í skál. Kvikmyndin Valentinés Day, sem sýnd
var í kvikmyndahúsum í fyrra, myndi t.d. smellpassa. Í
myndinni segir frá upplifun bæði einhleypra og para í
Los Angeles af Valentínusardeginum og öllum þeim
væntingum og pressu sem honum geta fylgt. Í kvik-
myndinni leika meðal annars Jessica Alba, Ashton
Kutcher og Bradley Cooper. Annars eru það náttúrlega
Love Actually eða Wimbledon. Rómantískar gaman-
myndir sem klikka varla.
Rómantískt í tækinu
Persóna Ashton Kutcher sýnir rómantískar hliðar.
Valentínusardagurinn er hald-
inn hátíðlegur á messudegi
heilags Valentínusar 14. febr-
úar ár hvert. Áður en dagurinn
var kenndur við Valentínus var
hann haldinn til heiðurs róm-
verska frjósemisguðinum Lu-
percusi. Í þá daga var slátrað
geit og drukkið vín auk þess
sem menn hlupu um bæinn
útataðir í blóði. Sagan segir
að eftir að þáverandi keisari
Rómar hafði bannað hjóna-
bönd, hafi dagurinn verið eign-
aður prestinum Valentínusi.
Hann var hálshöggvinn þennan dag fyrir að gefa saman
ung pör sem mátti ekki gefa saman. Sú hefð að senda
sínum heittelskaða eða sinni heittelskuðu gjafir og Val-
entínusarkort á uppruna sinn í Bretlandi, Frakklandi og
Bandaríkjunum. Í öðrum löndum gilda hins vegar aðrar
hefðir og sums staðar er dagurinn helgaður vináttu í
stað ástar. Í löndum þar sem ekki er löng hefð fyrir því
að halda Valentínusardaginn hátíðlegan hafa banda-
rískir siðir gjarnan fylgt þegar venjan er tekin upp. Upp-
runalega var hefðin sú að senda bréf eða kort til sinnar
heittelskuðu sem hefur í dag skapað sölu á um miljarði
Valentínusarkorta á ári hverju.
Allt fyrir ástina
Margir senda elsk-
unni sinni blóm á Val-
entínusardaginn.