SunnudagsMogginn - 16.10.2011, Blaðsíða 6

6 16. október 2011
Vinnudeilan í bandaríska körfuboltanum hefur vakið
miklar umræður um það hvort leikmenn deildarinnar
fari einfaldlega á flakk og bjóði þjónustu sína liðum
utan Bandaríkjanna. Verkbann hefur nú staðið í fjóra
mánuði og liðin hafa ekki getað æft formlega þótt
auðvitað geti leikmenn gert sitt hvað til að halda
sér í formi.
Af þessum leikmannaflótta virðist hins vegar ekki
hafa orðið, í það minnsta ekki í þeim mæli sem um-
ræðan gefur til kynna. Samkvæmt dagblaðinu The
New York Times hafa um 65 NBA-leikmenn farið á
mála hjá liðum erlendis, en þeir eru langflestir nýlið-
ar, miðlungs- og jaðarleikmenn. Þá eru nokkrir er-
lendir leikmenn sem einfaldlega vildu fara heim.
Blaðið bendir á að hefði leikmaður á borð við Car-
melo Anthony, ein helsta stjarna New York Knicks,
ómengaða þörf fyrir að keppa óháð stað, lífsstíl eða
launum, gæti hann hæglega tekið næstu flugvél til
Evrópu og farið að spila. „Ég hef ekki hugsað út í
það,“ segir hann þegar hann er spurður hvort það
freisti hans að fara annað.
Í grein í The New York Times segir að lið skipað
þeim leikmönnum, sem farið hafa annað, myndi
sennilega ekki einu sinni ná því að vinna helming
leikja sinna í NBA.
Deron Williams, leikmaður New Jersey Nets, er
eini stjörnuliðsmaðurinn, sem nú spilar erlendis.
Hann er hjá Besiktas í Tyrklandi. Aðeins þrír aðrir
voru með 15 stig eða meira að meðaltali í leik, þeir
Tony Parker hjá San Antonio, Danilo Gallinari og
Wilson Chandler, báðir hjá Denver Nuggets.
Parker er sérstakt tilfelli. Hann er frá Frakklandi
og spilar nú í föðurlandi sínu. Þess utan á hann hlut
í liðinu, sem hann leikur fyrir, Asvel Villeurbanne.
Aðrir þekktir leikmenn úr NBA, sem farið hafa
annað, eru meðal annars Andrei Kirilenko frá Utah
Jazz, sem leikur nú í Rússlandi, Boris Diaw úr Char-
lotte Hornets, sem leikur nú í Frakklandi, og Meh-
met Okur úr Utah Jazz, sem kominn er til Tyrk-
lands.
Nú eru deildir víðast hvar í Evrópu komnar af
stað og erfiðara að komast að en fyrir nokkrum vik-
um. Þess utan er launamunurinn talsverður. Með-
allaun í NBA eru 5,8 milljónir dollara, en í Evrópu
getur leikmaður ekki búist við að þéna meira en 50
til 75 þúsund dollara á mánuði.
Stjörnurnar í NBA fara hvergi þrátt fyrir verkbann
Tony Parker, leikmaður San Antonio Spurs, er nú kominn í treyju franska
liðsins Asvel Villeurbanne út af verkbanninu í NBA.
Reuters
S
vo gæti farið að enginn körfubolti verði
leikinn í bandarísku NBA-deildinni í vet-
ur. Á mánudag tilkynnti David Stern, yf-
irmaður NBA, að leikir fyrstu tveggja
vikna keppnistímabilsins, sem átti að hefjast um
mánaðamótin, yrðu felldir niður. Á fimmtudag
lýsti hann síðan yfir því að hann hefði á tilfinning-
unni að næðust samningar ekki á þriðjudaginn
kemur yrði enginn NBA-körfubolti um jólin.
Deila eigenda liðanna í NBA-deildinni og leik-
manna hefur nú staðið um hríð og fjórir mánuðir
liðnir síðan sett var verkbann. Ljóst var áður en
síðasta leiktímabili lauk að fara myndi í hart.
Ágreiningurinn snýst um laun leikmanna. Eig-
endum liðanna finnst að leimenn fái of stóran
hluta af kökunni.
Fyrir nokkrum mánuðum settu eigendurnir
fram tillögu um að leikmenn fengju ekki meira en
40 prósent af tekjum deildarinnar og samningar í
gildi yrðu lækkaðir um 15% auk þess sem sett yrði
45 milljóna dollara þak á tekjur hvers einstaks
leikmanns.
Nú vilja eigendurnir gefa til kynna að þeir bjóði
helmingaskipti. Hluti leikmanna vill hins vegar
ekki fara niður fyrir 52 prósenta hlut af heildinni.
Fyrirkomulagið í NBA er að mörgu leyti und-
arlegt. Segja má að í deildinni ríki sósíalismi að því
leyti að þak hefur verið sett á hámarkslaun sem
greiða má leikmannahópi hvers liðs. Að auki fá
þau liðin með lakasta árangurinn að velja fyrst
þegar kemur að nýliðavalinu. Ólíkt því sem gerist
víðast hvar annars staðar getur ekkert lið fallið.
Mikil velta fylgir körfuboltanum, en engu að
síður eru mörg liðanna í NBA-deildinni í fjárhags-
kröggum. Þeim gengur illa að halda sig undir
launaþakinu og sum lið ákveða einfaldlega að fara
upp úr því þótt það kosti að þau þurfi að greiða
jafnháa upphæð og þeir fara fram yfir til NBA.
Leikmenn halda því fram að eigendurnir séu eins
og fíklar sem ekki geti hamið sig og vilji fá hjálp frá
leikmönnum til að setja sig í spennitreyju svo að
þeir borgi þeim ekki of há laun.
Þetta er ekki í fyrsta skipti sem verkbann er sett
í NBA. Tímabilið 1998 til 1999 fór að stórum hluta í
súginn. Þeirri deilu lyktaði með því að reyndir
leikmenn, sem voru að nálgast lok ferilsins, gáfu
eftir og sættu sig við samkomulag sem mörgum
yngri mönnum þótti óviðunandi. Samningamenn
leikmanna vilja ekki að sú saga endurtaki sig.
Leikir í NBA hafa mikla þýðingu í þeim borgum,
sem eru með lið. Talið er að til dæmis hver leikur
sem leikinn er í Garðinum í Boston skapi tekjur
upp á 1,85 milljónir dollara þegar allt er talið,
miðar á leikinn, ferðir, matur, drykkur, treyjur og
húfur. 18 þúsund manns koma á hvern leik og lið-
ið á 41 heimaleik. Það tap verður ekki auðveldlega
unnið upp.
Nú hefur sáttasemjari verið fenginn til að hjálpa
til. David Stern kveðst telja að takist honum ekki
að miðla málum muni kergjan í deilunni aukast og
líkur á samkomulagi minnka. Nú er staðan þannig
að leikmönnum eru tryggð 57 prósent af tekjum
deildarinnar. Eigendurnir vilja að leikmenn fari
niður í 47 prósent. Á mánudag og þriðjudag verð-
ur reynt til þrautar að ná samkomulagi. Takist það
ekki fer að verða tvísýnt um næsta tímabil í NBA-
deildinni.
Eigendur í NBA
vilja spennitreyju
Tveimur vikum aflýst og
komandi tímabil í uppnámi
Það gæti orðið bið á því að Dirk Nowitzki sjáist leika listir sínar í treyju
Dallas Mavericks ef verkbann í NBA dregst á langinn.
Reuters
Howard Stern, yfirmaður NBA, aflýsti fyrstu tveim-
ur vikum leiktímabilsins í körfubolta á mánudag.
Reuters
Vikuspegill
Karl Blöndal kbl@mbl.is
Tímabilið 1998 til 1999 var
einnig sett verkbann í NBA.
Það stóð í rúmlega 200 daga
og var 424 leikjum aflýst. 725
leikir voru leiknir. Verkbannið
hafði mikil efnahagsleg áhrif í
þeim borgum sem eru með lið
í deildinni. Leiktímabilinu lykt-
aði með því að San Antonio
Spurs vann sinn fyrsta meist-
aratitil.
Verkbannið
1998 til 1999