SunnudagsMogginn - 16.10.2011, Blaðsíða 44

44 16. október 2011
The Collaborator eftir Gerald Seymour
bbmnn
Ástir, svik, hefndir og undirferli eru uppistaða
spennubókarinnar The Collaborator. Ungur Breti
verður ástfanginn af ítalskri stúlku, sem hann
hittir í London. Þegar hún hverfur einn daginn
ákveður hann að leita hana uppi til Ítalíu og
gengur beint í flasið á Camorra, mafíunni í Na-
polí. Í ljós kemur að stúlkan er dóttir eins helsta
mafíuforingjans í borginni og hefur ákveðið að
afhjúpa fjölskyldu sína. Það er vitaskuld ekki sérlega vel séð
þegar mafían er annars vegar og hinn grunlausi Breti verður
leiksoppur í leið fjölskyldunnar til að þagga niður í svikaranum.
lýsingin á tökum mafíunnar á borginni nokkuð trúverðug. Sá
sem vill fara ofan í saumana á vinnubrögðum Camorra í Napolí
gerði hins vegar betur í að lesa Gómorru eftir Roberto Saviano,
sem ekki er síður grípandi þótt sannsöguleg sé. En The Colla-
borator er nokkuð spennandi og heldur vel. Glæpamennirnir eru
hrottar og hinir góðu breyskir og dauðlegir.
The Manual of Detection eftir Jedediah
Berry bbbnn
Í þessari frumraun Jedediah Berry hittast Franz
Kafka og Arthur Conan Doyle. Starfsmaður stórs
leynilögreglufyrirtækis flækist í vef, sem hann
botnar ekkert í, þar sem ekki verður þverfótað
fyrir tálkvendum, töframönnum og tor-
tryggilegum tvíburum. Torræðar vísbendingar
eru á hverju strái og er ráðgátukrossgáta Sunnu-
dagsmoggans hátíð í samanburði. Enginn er sá
sem hann þykist vera og oft er ekki víst að hann
sé einu sinni sá sem hann er. Allir hafa annarlega hagsmuni.
Söguhetjan, Charles Unwin, hefur séð um að halda utan um störf
eins færasta einkaspæjara fyrirtækisins, en er nú steypt út í að
fara sjálfur á stúfana. Það gerir hann af samviskusemi þótt hann
rekist á lík á stangli. Og sjálfsögðu er hann þess fullviss að for-
frömun sín sé á misskilningi byggð. Dularfullt fjölleikahús og
stuldur á öllum vekjaraklukkum borgarinnar, sem sagan gerist í,
leika stórt hlutverk. Lesandinn er staddur á mörkum veruleikans
í speglasal fullum af reyk, en á endanum verða flækjurnar svo
yfirgengilegar að þær missa marks. Ferðalagið er þó skemmti-
legt, leynilögreglusaga er tekin og gerð að súrrealískri upplifun.
Karl Blöndal kbl@mbl.is
Erlendar bækur
25. sept. - 8. okt.
1. Gamlinginn
sem skreið
út um
gluggann -
Jonas Jonas-
son / JPV
útgáfa
2. Stóra Disney
köku- & brauðb. - Walt Disney
/ Edda
3. Órólegi maðurinn - Henning
Mankell / Mál og menning
4. Þræðir valdsins - Jóhann
Hauksson / Veröld
5. Frönsk svíta - Irène
Némirovsky / JPV útgáfa
6. Einn dagur - David Nicholls /
Bjartur
7. Flugan sem stöðvaði stríðið -
Bryndís Björgvinsdóttir /
Vaka-Helgafell
8. Ríkisfang: Ekkert - Sigríður
Víðis Jónsdóttir / Mál og
menning
9. Galdrameistarinn 12-Horfin
heimar - Margit Sandemo /
Jentas
10. Prjónað úr íslenskri ull - Ýms-
ir höfundar / Vaka-Helgafell
Frá áramótum
1. Ég man þig -
Yrsa Sigurð-
ardóttir /
Veröld
2. 10 árum
yngri á 10
vikum -
Þorbjörg
Hafsteinsdóttir / Salka
3. Gamlinginn sem skreið út um
gluggann - Jonas Jonasson /
JPV útgáfa
4. Einn dagur - David Nicholls /
Bjartur
5. Bollakökur Rikku - Friðrika
Hjördís Geirsdóttir / Vaka-
Helgafell
6. Djöflastjarnan - Jo Nesbø /
Undirheimar
7. Betri næring - betra líf -
Kolbrún Björnsdóttir / Veröld
8. Ljósa - Kristín Steinsdóttir /
Vaka-Helgafell
9. Frelsarinn - Jo Nesbø /
Uppheimar
10. Léttir réttir Hagkaups -
Friðrika Hjördís Geirsdóttir /
Hagkaup
Bóksölulisti
Lesbókbækur
Skannaðu
kóðann til að
lesa
Listinn er byggður á upplýsingum frá
Bókabúð Máls og menningar, Bóka-
búðinni Eskju, Bókabúðinni Hamra-
borg, Bókabúðinni Iðu, Bókabúðinni
við höfnina Stykkishólmi, Bóksölu-
stúdenta, Bónus, Hagkaupum,
Kaupási, N1, Office 1, Pennanum-
Eymundssyni og Samkaupum. Rann-
sóknasetur verslunarinnar annast
söfnun upplýsinga fyrir hönd Félags
íslenskra bókaútgefenda.
M
eðal gesta á síðustu bókmenntahátíð
var breski rithöfundurinn Matt Ha-
ig, en bók hans, Radley-fjölskyldan,
kom einmitt út á íslensku fyrir
skemmstu. Sú er vampírusaga, en þó allt öðruvísi
en þær vampírusögur sem menn hafa helst verið
að lesa undanfarið, ekki síst fyrir það að í henni
blandast saman harmur og hráslagaleg kímni.
Matt Haig sló í gegn með bókinni The Last Fa-
mily in England fyrir nokkrum árum, en í henni
endurskrifar hann sem skáldsögu leikrit Williams
Shakespeares um Hinrik fjórða, lætur það gerast í
ensku úthverfi og hefur hunda í öllum hlut-
verkum. Hugmyndin virðist kannski fáránleg við
fyrstu sýn, en eins og Haig lýsti því í spjalli fyrir
stuttu er öðru nær. „Ég var búinn að vinna lengi
að langri skáldsögu um fjölskyldu í upplausn og
byggði hana á samtölum fjölskyldumeðlima við
sálfræðing. Svo áttaði ég mig á því að þar sem
hundur er á heimilinu er kominn einhver sem
trúað er fyrir öllu sem þar fer úrskeiðis, ekki
ósvipað því sem er með sálfræðinga. Það blasti því
við að gera hund að aðalpersónu sögunnar, sem
síðan þróaðist út í það að hafa allar persónur
hunda og síðan fannst mér söguþráðurinn vera
svo líkur þeim sem notaður er leikritinu um Hin-
rik IV. að ég ákvað að fara alla leið.“
The Last Family in England kom út 2004 og var
vel tekið, seldist metsölu, og næstu bók, The Dead
Fathers Club, var líka vel tekið. Hún gerist í New-
ark-on-Trent, þar sem Haig ólst upp, og segir frá
ungum pilti, Philip Noble, sem missti föður sinn á
sviplegan hátt. Þegar föðurbróðir Nobles fer að
gera sér dælt við móður hans birtist draugur föð-
urins, segist hafa verið myrtur og krefst þess að
piltur hefni fyrir morðið með því að drepa frænd-
ann. Eins og allir sjá er hér rakinn söguþráður
annars Shakespeare-leikrits, Hamlets, og Haig
segist hafa séð það fyrir sér að hann myndi geta
skrifað upp úr Shakespeare það sem eftir lifði.
Annað kom þó á daginn og næsta bók hans, The
Possession of Mr Cave, varð allt annars eðlis:
„Hún segir frá föður sem vill tryggja öryggi dóttur
sinna, en sú löngum snýst snemma upp í þrá-
hyggju sem eitrar líf hans og hennar. Þetta er
drungaleg bók og endar illa, því miður,“ segir
hann og hlær við. Segir síðan að slæmur endir geti
líka verið jákvæður þegar upp er staðið, það skipti
mestu að hann sé heiðarlegur.
Eftir svo myrka og drungalega bók sneri Haig
sér að barnabókum, The Runaway Troll kom út
2008. Hann segir það hafa verið einkar skemmti-
legt að skrifa fyrir börn, sem geri aðrar kröfur til
höfunda og hann hyggist skrifa til skiptis fyrir
fullorðna og börn framvegis. Barnabókum hans
hefur líka verið vel tekið og þær hlotið ýmsar við-
urkenningar, en á eftir The Runaway Troll kom
Shadow Forest og svo kemur To Be A Cat út eftir
áramót.
Heimsókn Matts Haigs hingað til lands um dag-
inn var öðrum þræði til að kynna skáldsöguna
The Radleys sem kom út á Bretlandi á síðasta ári
og á íslensku í sumar undir heitinu Radley-
fjölskyldan. Eins og getið er í upphafi segir bókin
frá vampírum, en hún er þó óvenjuleg vamp-
írubók. Fjölskyldan sem um ræðir býr í enskum
smábæ, hjón með tvö börn á unglingsaldri. Ung-
lingarnir eru þróttlitlir, fölir og ljósfælnir, sí-
þreyttir á daginn og þurfa að gæta þess að nota
sterkustu gerð af sólarvörn. Fljótlega kemur í ljós
að Radley-fjölskyldan er vampírufjölskylda í af-
neitun, svo mikilli afneitun reyndar að börnin
vita ekki einu sinni að þau eru vampírur.
Haig segir að bókin hafi kviknað út frá einfaldri
spurningu; hvernig ætli það væri að komast að
því sem fullorðinn að maður sé vampíra? „Mig
langaði líka að segja sögu af fjölskyldu sem er
venjuleg þó hún sé óvenjuleg, fjölskyldu sem þarf
að glíma við sömu tilfinningaflækjur og vand-
ræðaleg fjölskyldusamskipti og hin dæmigerða
breska fjölskylda. Víst eru foreldarnir að reyna að
gera það sem þeir telja best fyrir börnin, en um
leið eru þeir að gera börnunum mjög illt með því
að koma í veg fyrir að þau fái það blóð sem þau
þarfnast,“ segir Haig og tekur undir það að hann
sé enn að fást við foreldravandamál sem verða að
unglingavandamálum, samanber The Possession
of Mr Cave.
Matt Haig spyr spurningarinnar, hvernig ætli það væri að komast að því sem fullorðinn að maður sé vampíra.
Venjuleg óvenju-
leg fjölskylda
Breski rithöfundurinn Matt Haig er þekktur fyrir skáld-
sögur sem sækja innblástur í Shakespeare-leikrit. Hann
fæst þó við sitthvað fleira, eins sannast á nýlegri bók um
vampírufjölskyldu í afneitun.
Árni Matthíasson arnim@mbl.is