Morgunblaðið - 19.05.2010, Síða 4
4 FréttirINNLENT
MORGUNBLAÐIÐ MIÐVIKUDAGUR 19. MAÍ 2010
Nú eru 136 þátttakendur í Hekluskógaverkefninu og fá þeir birki- og
reyniviðarplöntur í styrk til að gróðursetja í lönd sín, auk þess sem ýmsir
hópar heimsækja Heklusanda í maí og júní til að gróðursetja tré og græða
land. Hreinn Óskarsson verkefnisstjóri segir samstarfið vera frábært og
sama fólkið komi ár eftir ár. Byrjað var að gróðursetja í byrjun mánaðar-
ins en í vor er stefnt að því að gróðursetja rúmlega 210 þúsund plöntur í
Hekluskógum, mest birki en einnig um 10 þúsund reyniviðarplöntur. Fjár-
veitingar til verkefnisins minnkuðu um 8% frá síðasta ári og nema 23,6
milljónum króna í ár.
Hreinn segir það hafa verið óraunverulegt að vinna við gróðursetningu
síðustu daga með mökkinn frá gosinu í Eyjafjallajökli í austri og Heklu í
næsta nágrenni. Hann segist ekki hafa áhyggjur af gróðri á Heklusöndum
meðan öskufall er ekki meira þar en raun ber vitni og toppar plantnanna
standi vel upp úr. Þvert á móti geti skógurinn heft öskufok. aij@mbl.is
Frábært samstarf við fjölmarga hópa
Setja niður 210 þúsund
plöntur í Hekluskógum
Ljósmynd/Hreinn Óskarsson
Samtaka Jakob Þór Guðbjartsson og Embla Rut Jakobsdóttir, fimm ára,
við vinnu nyrst í Vaðöldu um helgina. Gróðursetning í svartan sandinn virð-
ist ærið verkefni en árangur síðasta árs jók Slóðavinum ásmegin.
Andri Karl
andri@mbl.is
Samþykkt hefur verið að veita sér-
stökum saksóknara aukafjárveitingu
upp á 470 milljónir króna í ár, s.s. til
að standa straum af útþenslu emb-
ættisins. Meginþungi rannsókn-
arinnar verður á þessu ári og því
næsta. Þetta kom fram á ríkisstjórn-
arfundi í gærmorgun.
Hugmyndir um styrkingu rétt-
arkerfisins voru ræddar á fundi rík-
isstjórnarinnar. Að sögn Jóhönnu
Sigurðardóttur, forsætisráðherra,
verður þremur ráðuneytisstjórum
falið að meta nauðsynlegar fjárveit-
ingar til þess að styrkja stöðu og
sjálfstæði dómstólanna, einkum
Hæstaréttar, í ljósi aukins mála-
fjölda.
Hvað varðar sérstakan saksókn-
ara liggur fyrir minnisblað um fjár-
þörf embættisins. „Það sem liggur
til grundvallar ákvörðun um fjár-
magn, er að rannsókn, ákæru-
meðferð og saksókn verði lokið í árs-
lok 2014,“ sagði Jóhanna og að
embættið hætti þá starfsemi sinni.
Í samræmi við þetta hefur rík-
isstjórnin samþykkt 470 milljón
króna aukafjárveitingu fyrir árið í ár
og viðbætur við það sem áður hafði
verið ákveðið fyrir árin 2011 og 2012,
um 965 milljónir króna hvort árið.
„Heildarfjárveitingar fyrir árin 2011
og 2012 verða 1.280 milljónir króna
hvort árið. Þá koma viðbætur árin
2013 og 2014.“
Jóhanna benti þó á, að upphæð-
irnar yrðu endurskoðaðar á hverju
ári og þá einnig hvort áætlunin
stæðist. Í dag stefnir þó í, að ríkið
leggi tæpa fimm milljarða króna í
rannsókn sérstaks saksóknara.
Rannsókn lokið
fyrir árið 2015 og
embættið aflagt
Fimm milljarðar í
fjárveitingar til
sérstaks saksóknara
Morgunblaðið/Árni Sæberg
Gríðarlegt magn Starfsmenn sér-
staks saksóknara koma með gögn.
Slitastjórn Glitnis er að láta lög-
fræðinga skoða fyrir sig hvort dóm-
ur sem fellur í New York, í skaða-
bótamáli slitastjórnarinnar gegn
nokkrum fyrrverandi stjórnendum
og hluthöfum í
Glitni, geti orðið
aðfararhæfur í
Bretlandi.
Falli málið í New
York slitastjórn-
inni í vil eignast
hún kröfur á hend-
ur hinum stefndu
sem nema hund-
ruðum milljarða
króna. Fyrir liggur
hins vegar að þeir
eiga ekki mjög verðmiklar eignir hér
á landi, miðað við kyrrsetningar sem
skattayfirvöld hafa þegar látið fram-
kvæma. Aðspurð hvort slitastjórnin
telji að hinir stefndu eigi nógu mikl-
ar eignir í Bandaríkjunum til að
standa undir málskostnaðinum segir
Steinunn Guðbjartsdóttir, formaður
slitastjórnarinnar, það ekki mark-
miðið að koma út á núlli, heldur að
bæta raunverulega stöðu þrotabús
Glitnis.
Hún tjáir sig ekki um hvort Jón
Ásgeir Jóhannesson hafi skilað
eignalista vegna kyrrsetningar
bresks dómstóls á eigum hans.
Skoða að-
fararhæfi
í Bretlandi
Gefa ekki upp hvort
eignalista var skilað
„Við leitum
allra leiða til
að endur-
heimta fé.“
Þeim fækkar sem
bera mikið traust
til Alþingis en
10,5% segjast
bera mikið traust
til þess nú, borið
saman við
18,0% í könnun
MMR á trausti á
stofnunum frá því
í september 2009.
Nú bera 51,8%
mikið traust til Ríkisútvarpsins en
hlutfallið var 64,2% 2009.
Þeim fjölgar lítillega sem segjast
bera lítið traust til ríkisstjórn-
arinnar, 58,9% segjast bera lítið
traust til hennar nú en hlutfallið var
54,8% í september 2009. Tæp 54%
segjast bera lítið traust til stjórn-
arandstöðunnar.
Bankakerfið situr enn á botninum,
aðeins 4,6% segjast bera mikið
traust til þess, 77,8% aðspurðra van-
treysta því.
Treysta
ekki Alþingi
Alþingi Traustið
fer minnkandi.
Sigurður Einarsson, fyrrverandi
stjórnarformaður Kaupþings, hef-
ur kært úrskurð Héraðsdóms
Reykjavíkur um alþjóðlega hand-
tökuskipun á hendur sér, til
Hæstaréttar. Hann freistar þess
þannig að fá henni aflétt. Telur
hann handtökuskipunina hafa ver-
ið óþarfa og miklu harkalegri við-
brögð en nauðsynlegt hafi verið
miðað við aðstæður.
Líklegt er talið að úrskurður
Hæstaréttar muni liggja fyrir í dag
eða á morgun. Gestur Jónsson,
lögmaður Sigurðar, segir í samtali
við Morgunblaðið að úrskurður
héraðsdóms hafi verið kveðinn
upp án vitneskju Sigurðar. Hann
hafi fyrst heyrt af málinu í fjöl-
miðlum og ekki fengið endurrit af
úrskurðinum fyrr en á fimmtudeg-
inum 13. maí, tveimur dögum síð-
ar. Úrskurðurinn hafi þá strax ver-
ið kærður.
„Það eru heimildir til þess að
slíkt sé gert. Auðvitað hefði hér-
aðsdómur aldrei gert það án þess
að til þess væri lagaheimild. Við
teljum hins vegar að
skilyrðin í lagaheim-
ildinni séu ekki
uppfyllt. Það þarf
að vera einhver rík
nauðsyn til
þess, sem við
teljum að
hafi alls
ekki ver-
ið,“ segir
Gestur.
Úrskurður í dag eða á morgun
SIGURÐUR EINARSSON KÆRÐI HANDTÖKUSKIPUNINA
„Ég vil leggja mitt af mörkum í því
að byggja upp traust á stjórnmálum
á ný,“ segir Ólöf Nordal, alþingis-
maður Sjálfstæðisflokksins, sem hef-
ur ákveðið að bjóða sig fram í sæti
varaformanns Sjálfstæðisflokksins á
landsfundi sem fer fram í lok júní.
Ólöf var fyrst kjörin á þing fyrir
Norðausturkjördæmi árið 2007, en
var á síðasta ári kjörin þingmaður
Reykjavíkurkjördæmis suður. Ólöf
sagði það dýrmæta reynslu að hafa
verið þingmaður Norðausturkjör-
dæmis.
Ólöf sagði að síðustu tvö ár hefðu
verið mikill breytingatími í sögu
Sjálfstæðisflokksins. „Flokkurinn
galt afhroð í síðustu kosningum.
Ráðherrar hafa vikið af þingi og
miklar breyting-
ar orðið á þing-
flokknum. Við er-
um með nýjan
formann. Engu
að síður er það
svo, og það á við
stjórnmál al-
mennt, að það
virðist hafa orðið
rof á milli stjórn-
málastéttarinnar
og borgaranna í þessu landi. Þetta
birtist með þeim hætti að það er eins
og stjórnmálin séu ekki hluti af
þessu þjóðfélagi. Ég er mjög hugsi
yfir þessu og tel að við stjórnmála-
menn þurfum að breyta okkar vinnu-
brögðum. Þjóðfélagið þarf líka að
átta sig á því að langan tíma tekur að
komast út úr afleiðingum hrunsins.
Þessi ríkisstjórn er bráðum eins
og hálfs árs gömul, en það eru engin
merki um að stjórnarskiptin hafi
breytt neinu varðandi traust á
stjórnmálamönnum.“
Ólöf sagðist ekki telja að það væri
tímabært fyrir Ísland að ganga í
Evrópusambandið. „Það er mikill
órói á Íslandi og í ESB og því held ég
að það sé skynsamlegt fyrir okkur
Íslendinga að skoða þessi mál í miklu
meiri ró heldur en núna er gert. Það
ætti að vera meginmarkmið okkar að
ná okkar efnahagslífi á þann stað að
við uppfyllum Maastricht-skilyrðin
vegna þess að það er skynsamlegt að
gera það.“ egol@mbl.is
Ólöf Nordal gefur kost á
sér í sæti varaformanns
Segir nauðsynlegt að byggja upp traust á stjórnmálum á ný
Ólöf Nordal
Nóatúni 4 · Sími 520 3000
www.sminor.is
A
T
A
R
N
A
Siemens þvottavélar,
þurrkarar og
uppþvottavélar
á tilboðsverði.
Hreint & klárt
í maí