Morgunblaðið - 19.05.2010, Page 28

28 MenningFÓLK
MORGUNBLAÐIÐ MIÐVIKUDAGUR 19. MAÍ 2010
 Í nýjasta þætti The Simpsons
sjást reiðir mótmælendur við ,,The
National Bank Of Iceland“ en
fram til ársins 2006 var það nafn
Landsbankans á ensku. Óvíst er
hvort handritshöfundar eigi þó við
Seðlabankann þar sem merki hans,
landvættirnar fjórar, sést í glugga
sem öskuillir mótmælendur brjóta.
Seðlabankinn eða
Landsbankinn?
Fólk
,,Það er mikill heiður að fá að spila með svona
hljóðfæraleikurum. Ég kem úr þessum bílskúrs-
armi tónlistarinnar. Þar sem menn þurfa alltaf
að æfa í mánuð áður en þeir halda eina tónleika.
Þessir menn skrifa niður hljómaganginn og ég
er eini maðurinn sem ruglast í mínum eigin lög-
um. Svo er stórskemmtilegt hvernig flutningur
hjá þeim er breytilegur, það er alltaf eitthvað
nýtt í hvert sinn sem við flytjum lögin,“ segir
Birgir Örn Steinarsson, betur þekktur sem Biggi
í Maus. Biggi og Tómas R. Einarsson hafa unnið
að því síðustu vikur að endurútsetja lög sín með
þeim Ómari Guðjónssyni gítarleikara, Helga
Svavari Helgasyni trommuleikara og Jóni Val
Guðmundssyni. „Það er rosa gott að hafa Jón
Val með, því hann spilar á öll hljóðfæri. Hann
getur spilað á gítar í einu lagi, trommur í því
næsta og sungið með í senn.“
Tónleikarnir eru hluti af tónleikaröðinni
Fuglabúrið sem er skipulögð í samstarfi FTT og
Reykjavík Grapevine, leitast við að brúa kyn-
slóðabilið á milli ólíkra listamanna. „FTT höfðu
samband við mig og báðu mig um að velja mér
einhvern gamlan. KK kom fyrst til greina en ég
vildi gera eitthvað allt öðruvísi. Svo ég setti mig
í samband við Tómas R. sem tók vel í þetta. Hann
er fyrrverandi kennari minn, ég lærði hjá honum
í gamla daga. Þegar ég hringdi í hann kannaðist
hann samt ekkert við tónlistina mína,“ segir
Biggi og hlær. Tónleikarnir verða í kvöld kl. 21 á
Café Rósenberg. jonas@mbl.is
„Hann kannaðist ekki við tónlistina mína“
Morgunblaðið/Árni Sæberg
Tónlistarmennirnir Birgir, Ómar, Jón Valur, Helgi Svavar og Tómas R. með hljóðfærin í gær.
 Biggi í Maus og Tómas
R. í Fuglabúrinu í kvöld
 Leikstjórinn Reynir Lyngdal
hefur nýlokið við að leikstýra aug-
lýsingum fyrir Merrild-kaffi með
Karli Berndsen í aðalhlutverki.
Mun Reyni hafa þótt mikið til leik-
hæfileika Karls koma, en Karl stýr-
ir þáttunum Nýtt útlit á Skjá einum.
Karl leikur sjálfan sig í auglýsing-
unum „Hann er snillingur og nátt-
úrutalent,“ mun Reynir hafa sagt
um frammistöðu Karls í tökunum.
Karl hefur vakið athygli fyrir
hæfileika sína hvað varðar að
breyta útliti karla og kvenna á sjón-
varpsskjánum. Meðfylgjandi mynd
er frá tökum á auglýsingunum fyrir
Merrild.
Karl Berndsen „snill-
ingur og náttúrutalent“
 Bergur Ebbi Benediktsson, tón-
listarmaður og ljóðskáld, kynnti í
gær ljóðabók sína, Tími hnyttn-
innar, í verslun Eymundsson við
Skólavörðustíg. Í bókinni er að
finna erindi til okkar tíma, skilaboð
sem eru í senn bjartsýn, ísmeygileg
og fjörug – en algjörlega laus við
hnyttni, eins og segir í tölvupósti
vegna útgáfunnar.
Bergur Ebbi gefur út
ljóðabók án hnyttni
 Latibær og Reykjanesbær gerðu
með sér samning í liðinni viku um
varðveislu sviðsmyndar og leik-
muna úr Latabæ föstudaginn sl. í
1.200 fermetra húsnæði á Fitjum í
Reykjanesbæ. Samningurinn felur í
sér að settur verði upp leikjagarður
þar sem sviðsmyndirnar skipa stórt
hlutverk. Myndin sýnir Guðmund
Magnason, frkv.stj. Latabæjar,
Baldur, bæjarstjóra Latabæjar og
kollega hans í Reykjanesbæ, Árna
Sigfússon, kampakáta eftir und-
irritun samningsins.
Leikjagarður með
sviðsmynd Latabæjar
Matthías Árni Ingimarsson
matthiasarni@mbl.is
„Eigandi símans er upptekinn í augnablikinu, vin-
samlegast bíðið“, fyrst á finnsku svo sænsku og að
lokum ensku, heyrðist stuttu eftir að langt síma-
númer var stimplað inn. Það gerist ekki oft að of-
anritaður hringir til Finnlands, þannig að þessi
stutta tungumálakennsla reynist mjög skemmti-
leg upplifun. Stuttu seinna svaraði finnski harm-
ónikkuleikarinn Kimmo Pohjonen, en hann mun
halda tónleika á Listahátíð í Reykjavík föstudag-
inn næstkomandi á Nasa við Austurvöll.
Harmónikkan þótti ekki flott hljóðfæri
Pohjonen er frá smábænum Viila í Finnlandi
þar sem hann byrjaði að læra á harmónikkuna að-
eins tíu ára gamall.
– Hvers vegna valdir þú harmónikkuna?
„Þetta byrjaði þannig að hann faðir minn var
harmónikkuleikari og ég var víst svo góður strák-
ur að þegar hann bað mig um að spila með sér þá
sló ég til. Svo var harmónikkufélag í bænum sem
ég er frá og ég byrjaði að spila með þeim árið 1974.
Þar voru bara eldri karlar og svo ég. Ég veit ekki
hvort harmónikkan er orðin töff hljóðfæri í dag, en
í þá daga þótti hún það sko ekki í Finnlandi.
– Hafði þessi tími áhrif á tónlistina sem þú leik-
ur núna?
„Lengi vel var ég í hljómsveit sem spilaði hefð-
bundna þjóðlagatónlist. Ég fór að læra klassíska
tónlist og stefnan var tekin á að verða klassískur
harmónikkuleikari. Fljótlega varð ég leiður á því
og ákvað að nú færi ég bara að spila mína eigin
tegund af tónlist á harmónikkuna og þá opnaðist
heimur raftónlistarinnar fyrir mér.“
Best að aðrir lýsi tónlistinni
– Það getur verið erfitt að lýsa tónlist þinni,
hvernig gerir þú það sjálfur?
„Ég vil sjálfur ekki gera það. Tónlistin mín
verður til í spuna og þá er ég ekkert að flokka
hana. Auðvitað eru finnsk áhrif hjá mér vegna
þess hve lengi ég hef spilað finnska tónlist. Þetta
er spurning sem ég fæ oft, en ég vil frekar leyfa
áhorfendunum að ákveða hvernig tónlist þetta er.
Ég hef spilað á allskonar tónlistarhátíðum, allt frá
rokk- til djasshátíða þannig að tónlistin virðist
vera að höfða til mismunandi hópa.“
Mikil upplifun er að sjá Pohjonen spila og segir
hann að það skipti hann mestu máli að vera ein-
beittur á tónleikum. Þannig kemst hann inn í tón-
listina og nær að gleyma því sem er í kringum
hann.
– Þú talar um að vera inni í tónlistinni, hvaða
tónlist hefur áhrif á þig?
„Það er margt. Það getur verið finnsk þjóðlaga-
og raftónlist. Þessa dagana er það raftónlist og þar
eru íslenskir listamenn eins og Kira Kira, múm,
Valgeir Sigurðsson og Apparat Organ Quartet.
Það er ótrúlegt úrvalið af góðu íslensku tónlist-
arfólki.“
– Fyrir fáeinum vikum spilaðir þú með Kronos-
kvartettinum, hvernig byrjaði ykkar samstarf?
„David Harrington úr Kronos fékk diskinn
minn og hafði samband við mig. Hugmyndin að
semja fyrir strengjakvartett heillaði mig mikið.
Ég fékk til liðs við mig Samuli Kosminen sem
trommar með múm og við sömdum saman verk
fyrir Kronos og unnum stóran hluta þess á Íslandi
með Valgeiri Sigurðssyni.“
Mexíkó, Ísland og Kína
– Síðustu tónleikar þínir voru í Mexíkó og þeir
næstu á eftir Íslandi verða í Kína. Breytast við-
brögð fólks eftir löndum?
„Viðbrögðin geta að sjálfsögðu verið mismun-
andi eins og áhorfendurnir. En oftast eru þau
mjög svipuð, sama hversu langt er á milli land-
anna. Það sem áhorfendur um allan heim eiga
kannski mest sameiginlegt er stöðluð ímynd
harmónikkuleiks og hvernig sú tónlist eigi að
hljóma. Svo spila ég tónlist sem fólk býst ekki við
og það er gaman þegar fólk kemur til mín eftir
tónleika og segir að ég hafi komið því mjög á
óvart.“
– Margir Íslendingar eru kannski með ákveðna
hugmynd um harmónikkutónlist, hvernig held-
urðu að þér verði tekið á föstudaginn?
„Ætli það verði ekki svipað og í Mexíkó fyrir
stuttu. Þar er löng hefð fyrir harmónikkuleik og
ég var að spila fyrir 5000 manns, margir voru hefð-
bundnir harmónikkuleikarar. Það kom mér því
nokkuð á óvart hversu vel tónlistinni var tekið.
Þegar ég byrjaði að spila þessa tónlist þá fannst
mér eins og fólk skildi hana ekki alveg en eftir því
sem ég spila meira finnst mér fólk hafa opnast og
samþykkja að það má alveg gera öðruvísi hluti
með harmónikku en tíðkast hefur.“
Allt hægt á harmónikkuna
 Harmónikkuleikarinn Kimmo Pohjonen kemur fram á Listahátíð í Reykjavík á
föstudaginn  Næstu tónleikar verða á heimsýningunni í Shanghæ í Kína
Ljósmynd/Kalle Björklid
Innlifun „Eftir því sem ég spila meira finnst mér fólk hafa opnast og samþykkja að það má alveg gera öðruvísi hluti með harmónikku en tíðkast hefur.“