Morgunblaðið - 19.05.2010, Síða 29
MORGUNBLAÐIÐ MIÐVIKUDAGUR 19. MAÍ 2010
Matthías Árni Ingimarsson
matthiasarni@mbl.is
Um næstu helgi fer fram SPOT-
tónlistarhátíðin í Danmörku, nánar
tiltekið í Árósum á Jótlandi. Hátíðin
hefur verið haldin árlega síðan 1994
og markmið hennar ávallt verið að
koma á framfæri ungum og efnileg-
um hljómsveitum frá Norðurlönd-
unum, koma á samböndum milli
hljómsveita og plötuútgefanda og
stuðla að þróun á menningarlegum
tengslanetum á milli Norður-
landanna. Fyrir ári tók íslenska tón-
listarveitan og netsamfélagið Gogo-
yoko þátt í hátíðinni og í ár verður
leikurinn endurtekinn, með tón-
leikum og námskeiðahaldi. Auk þess
mun Eldar Ástþórsson einn af að-
standendum Gogoyoko, taka þátt í
pallborðsumræðum um streymi á
tónlist í gengum netið og hvort þar
sé um góða kynningu, tapaðar
tekjur eða brot á höfundarrétti að
ræða.
Vefurinn kynntur erlendis
Eldar segir mikið vera lagt í að
kynna fyrirtækið á hátíðinni í ár.
„Þetta er mjög flott og
skemmtileg hátíð, en það er líka
ákveðin viðskiptahlið á henni. Við er-
um að fara að hitta mikið af plötuút-
gáfum og listamönnum. Kynna vef-
inn á fullu fyrir hátíðargestum og
ekki síst þá fyrir tónlistarmönnum
og fólki í tónlistargeiranum.“
Til stendur að vera með áfram-
hald af tónleikadagskránni sem var
fyrir ári, á stað í miðbænum sem
heitir LYNfabrikken. „Við vorum
þar á þakinu í fyrra og fáum vonandi
veður til þess aftur. Það var ókeypis
inn og það vakti mikla lukku hjá
gestum og tónlistarfólkinu og við
stefnum að því að endurtaka það.“
– Nú verða tólf hljómsveitir að
spila þarna, eru þær allar að nota
Gogoyoko?
„Já, þær eru allar að nota vef-
inn. Allar með tónlist til sölu og
hlustunar. Svo koma þær víða að. Til
dæmis frá Belgíu, Frakklandi, Dan-
mörku, Þýskalandi og að sjálfsögðu
Íslandi. Það er mjög gaman að setja
sama svona flottan hóp af tónlist-
arfólki sem er að nota vefinn.“
Þarf að svara spurningum
Það eru margar spurningarnar
sem brenna á fólki í tónlistargeir-
anum í dag. Hvernig er best að koma
tónlistinni í dreifingu og sölu? Er
hægt að koma í veg fyrir ólöglegt
niðurhal? Á að gera það? Geta lista-
menn skapað sér tekjur á internet-
inu?
„Okkur var svo boðið að taka
þátt í umræðu um stafræna dreif-
ingu tónlistar á netinu þar sem við
erum einn af þeim vettvöngum þar
sem fólk getur verslað og hlustað á
tónlist á netinu. Það eru margir í
þessum bransa sem eru að spá í
hver sé framtíð dreifingar á net-
inu. Ég verð þarna frá Gogo-
yoko að kynna okkur og hvað
skilur okkur að frá öðrum
verslunum og samfélögum á
netinu. Svo verða þarna til
dæmis Martin Gormsen frá KODA
sem er STEF þeirra Dana, Neel
Andersen frá Dansk Artist For-
bund, Martin Thörnkvist frá The
Swedish Model sem eru sænsk sam-
tök sem berjast fyrir því að tónlist sé
aðgengileg á netinu, ásamt fleirum.
Þetta ætti því að verða lífleg um-
ræða og vonandi verða ekki allir
sammála um framtíðina. En þetta
eru spurningar sem allir eru að
reyna finna réttu svörin við.“
„Þarna verður líka opið
fræðslunámskeið um Gogoyoko-
vefinn og hvernig hægt er að nýta
netið til kynningar á tónlist. Farið
verður yfir þá möguleika sem vef-
urinn býður upp á og hvað sé fram-
undan. Það er verið að endurhanna
verslunarhlið vefsins núna og hún
mun fara í loftið á allra næstu dög-
um. Það er búið að bæta hana mikið
og fjölga valmöguleikum. Að sjálf-
sögðu er ennþá hægt að hlusta á alla
tónlistina ókeypis. Það hefur alltaf
verið markmið hjá fyrirtækinu að
vera sífellt að betrumbæta vefinn og
þessi síðasta uppfærsla verður sú
stærsta til þessa.“
Viðbrögðin verið frábær
Stutt er síðan opnað var fyrir
vefinn í allri Skandinavíu og segir
Eldar viðbrögðin vonum framar.
„Þetta hefur gengið virkilega
vel og viðbrögð frá listamönnum og
plötuútgáfum verið frábær. Sér-
staklega í ljósi þess að við höfum
ekki verið að leggja mikla peninga í
markaðsátök. Þetta hefur frekar
verið að berast mann frá manni og
hefur netið verið alveg ómetanlegt í
því sambandi. Það sést til dæmis
þegar listamenn eru farir að stofna
sér Facebook síður í kringum Gogo-
yoko-búðina sína. Svo eru alltaf að
bætast við notendur og listamenn.
Fyrir stuttu bættist hljómsvetin The
Knife inn hjá okkur en þau reka litla
útgáfu í Svíþjóð sem gefur út alla
þeirra tónlist. Við förum því langt á
góðu orðspori.“
Kynning Tónlistarveitan og netsamfélagið Gogoyoko kynnir stafsemi sína á SPOT tónlistarhátíðinni í ár.
Gogoyoko herjar á Árósa
Þakið Dísa spilaði fyrir gesti á LYNfabrikken fyrir ári síðan.
Grænt The Green Lives.
Eldar Ástþórsson, einn af að-
standendum Gogoyoko, segir
notkun á vefnum vera að
aukast. Í dag séu 15.000
skráðir notendur í
Skandinavíu. Um 500
plötuútgáfur og hátt í
6.000 listamenn og
hljómsveitir nýta sér
vefinn. Fyrirtækið var
stofnað árið 2007 og er
nýr vettvangur fyrir
sölu og streymi á tónlist
á netinu.
Aukin notkun
WWW.GOGOYOKO.COM
Bandaríska leikkonan Megan Fox,
sem margir kannast við úr kvik-
myndinni The Transformers, er í
ítarlegu viðtali í nýjasta tölublaði
Allure. Þar upplýsir hún lesendur
um áráttu- og þráhyggjuröskun,
sem hún ku þjást af. Fox segir
veikindin sérstaklega há sér á veit-
ingastöðum og almenningssal-
ernum. „Í hvert skiptið sem ein-
hver sturtar niður fara fjölmargar
bakteríur á flug, ég get ekki hugs-
að mér að vera á svo skítugum
stað,“ segir leikkonan pössunar-
sama.
„Mér finnst líka erfitt að fara á
veitingastaði, tilhugsunin hræðir
mig. Að leggja varir mínar upp við
eitthvað sem aðrir hafa drukkið úr
finnst mér ógeðslegt, það eru svo
margar bakteríur í munninum.“
Fox á greinilega erfitt upp-
dráttar í matarmálum, þar sem
hún kýs hvorki veitingahús né eld-
húsið heima.
„Ég elda ekki sjálf, frekar
myndi ég svelta. Ég gæti án gríns
lifað af í viku án matar.“
Erfitt að vera Megan Fox
Fox Fer að öllu með gát.
Í umfjöllun um Bíólistann í blaðinu í gær stóð að kvikmyndin Iron Man 2
hefði færst upp um eitt sæti, úr því þriðja í annað. Hið rétta er að hún fór
úr fyrsta sæti í annað. Beðist er velvirðingar á þessu.
Leiðrétt
Járnkarlinn var í 1. sæti
568 8000 – borgarleikhus.is – midasala@borgarleikhus.is
Gauragangur (Stóra svið)
Fös 21/5 kl. 20:00 Sun 30/5 kl. 20:00 Fös 11/6 kl. 20:00
Lau 22/5 kl. 20:00 Fös 4/6 kl. 20:00 Lau 12/6 kl. 20:00
Fös 28/5 kl. 20:00 Lau 5/6 kl. 20:00
Eftir Ólaf Hauk Símonarson - tónlist Nýdönsk
Dúfurnar (Nýja sviðið)
Fös 21/5 kl. 20:00 Sun 30/5 kl. 20:00 Lau 5/6 kl. 20:00
Lau 22/5 kl. 20:00 Fim 3/6 kl. 20:00 Fös 11/6 kl. 20:00
Fös 28/5 kl. 20:00 Fös 4/6 kl. 20:00 Lau 12/6 kl. 20:00
Faust (Stóra svið)
Fim 20/5 kl. 20:00 Fim 27/5 kl. 20:00 Lau 29/5 kl. 16:00 Síðasta sýn
í samvinnu Borgarleikhússins og Vesturports. Sýningum líkur 27. maí
Rómeó og Júlía Vesturports (Stóra svið )
Mán 24/5 kl. 20:00 k.3. Sun 6/6 kl. 20:00 k.6. Fös 18/6 kl. 20:00 aukas
Mið 26/5 kl. 20:00 k.4. Þri 8/6 kl. 20:00 aukas Lau 19/6 kl. 20:00 Ný aukas
Þri 1/6 kl. 20:00 aukas Mið 9/6 kl. 20:00 aukas Sun 20/6 kl. 20:00 Ný aukas
Mið 2/6 kl. 20:00 k.5. Sun 13/6 kl. 20:00 aukas
Í samvinnu Borgarleikhússins og Vesturports.
Rómeó og Júlía – nýjar sýningar í sölu
Nánar á Borgarleikhus.is
ÞJÓÐLEIKHÚSI
SÍMI: 551 1200 • WWW.LEIKHUSID.IS
Ð
Fíasól (Kúlan)
Lau 22/5 kl. 13:00 Lau 12/6 kl. 13:00 Sun 13/6 kl. 13:00
Lau 22/5 kl. 15:00 Lau 12/6 kl. 15:00 Sun 13/6 kl. 15:00
Fíasól kemur afur í haust!
Hænuungarnir (Kassinn)
Fös 10/9 kl. 20:00 Fös 17/9 kl. 20:00 Fös 24/9 kl. 20:00
Lau 11/9 kl. 20:00 Lau 18/9 kl. 20:00 Lau 25/9 kl. 20:00
Sun 12/9 kl. 20:00 Sun 19/9 kl. 20:00 Sun 26/9 kl. 20:00
Fim 16/9 kl. 20:00 Fim 23/9 kl. 20:00
Haustsýningar komnar í sölu!
Íslandsklukkan (Stóra sviðið)
Mið 19/5 kl. 19:00 Aukas. Fim 3/6 kl. 19:00 Aukas. Fös 11/6 kl. 19:00 Aukas.
Fös 21/5 kl. 19:00 Fös 4/6 kl. 19:00 Lau 12/6 kl. 19:00 Aukas.
Lau 22/5 kl. 19:00 Lau 5/6 kl. 19:00
Sun 30/5 kl. 19:00 Fim 10/6 kl. 19:00 Aukas.
Ath. sýningarnar hefjast kl. 19:00
Af ástum manns og hrærivélar (Kassinn)
Mið 19/5 kl. 20:00 Fors. Lau 22/5 kl. 20:00 Fim 3/6 kl. 20:00
Fim 20/5 kl. 20:00 Frums. Fim 27/5 kl. 20:00 Fös 4/6 kl. 20:00
Fös 21/5 kl. 20:00 Fös 28/5 kl. 20:00 Lau 5/6 kl. 20:00
Sýningin er samstarfsverkefni Þjóðleikhússins og Listahátíðar í Reykjavík
Bræður (Stóra sviðið)
Fim 27/5 kl. 20:00 Fös 28/5 kl. 20:00
Sýningin er á dagskrá Listahátíðar í Reykjavík.
Herra Pottur og ungfrú Lok (Kúlan)
Lau 29/5 kl. 13:00 Sun 30/5 kl. 15:00 Lau 5/6 kl. 15:00
Lau 29/5 kl. 15:00 Fim 3/6 kl. 17:00 á frönsku Sun 6/6 kl. 13:00
Sun 30/5 kl. 13:00 Lau 5/6 kl. 13:00 Sun 6/6 kl. 15:00
Sýningin er á dagskrá Listahátíðar í Reykjavík