Morgunblaðið - 01.06.2010, Qupperneq 12

STANGVEIÐI
Einar Falur Ingólfsson
efi@mbl.is
Veiði hófst um helgina á urr-
iðasvæðunum ofan við stíflu í Laxá í
Þingeyjarsýslu. Veiðimenn í Mý-
vatnssveitinni höfðu veitt afar vel
fyrstu fimm vaktirnar en heldur ró-
legra var í Laxárdal. Í Mývatns-
sveitinni höfðu um 350 fiskar verið
færðir til bókar eftir morgunvaktina
í gær.
„Veðrið er búið að vera dásam-
legt. Það byrjaði að hlýna hér fyrir
norðan um leið og við komum. Að-
stæður til veiða hafa verið full-
komnar og veiðin alveg glæsileg,“
sagði Gunnar Örlygsson sem var við
veiðar í Mývatnssveitinni ásamt
bræðrum sínum Sturlu og Teiti og
vöskum hópi Suðurnesjamanna.
„Fyrsta daginn veiddust hátt í 200
fiskar og morgunvaktin áðan var
líka mjög lífleg en nú er hér tuttugu
stiga hiti í forsælu,“ sagði Gunnar
eftir hádegið í gær.
„Megnið af fiskinum sem við er-
um búnir að fá er milli 50 og 60 cm
og hann er ágætlega haldinn. Ég var
í morgun með Sturlu bróður í Hól-
kotsflóa og hann setti þar í 58 cm
fisk sem við tókum í reyk. Slægður
viktaði hann 2,7 kg. Var rígvænn og
fór lengst niður á undirlínu.“
Gunnar sagði alla veiðimenn hafa
verið í fiski og flestir veiðistaðir séu
inni. „Litlu vikin eru að gefa fisk og
líka ómerktir staðir hér og þar.
Fyrstu vaktirnar fannst okkur veið-
in vera betri ofar í ánni en eftir því
sem hefur hlýnað hafa svæðin neðar
komið öflug inn, eins og Skriðuflói
og Vörðuflói. Veiðimenn sem fóru
Hamarsmegin að veiða í Hólkotsflóa
í gærkvöldi lentu í mokveiði. Mér
skilst að þeir hafi sett í einhverja 30
fiska, flesta 50 til 60 cm langa.“
Hann sagði nokkra fiska yfir 60
cm hafa verið færða til bókar.
„Þetta hefur verið frábær opnun,
eins góð og við gátum óskað okkur.“
Rólegra í Laxárdal
Að sögn Valgarðs Ragnarssonar,
sem hefur verið í opnunarhollinu
neðar í Laxá, í Laxárdal, undanfarin
ár, er heldur rólegra þar.
„Þessi opnun er í rólegri kant-
inum. Við félagarnir, sem erum með
þrjár stanganna, erum komnir með
milli þrjátíu og fjörutíu urriða eftir
fimm vaktir og búnir að missa
slatta,“ sagði Valgarð í hléinu í gær.
„Þetta er líklega aðeins rólegra en
síðustu ár, ég gæti trúað því að líf-
ríkið væri aðeins seinna af stað hér.
Það er minna af hnöttóttum fiskum.
En flugan kviknaði á síðustu vökt-
unum og þá hafa verið að koma inn
veiðistaðir þar sem menn urðu ekki
varir fyrst.“
Sem dæmi um veiðistaði sem hafa
gefið vel nefndi hann Ferju- flóa og
Varastaðahólma.
„Þetta eru allt hörku
fiskar. Sá stærsti 65
cm og enginn und-
ir 50,“ sagði Val-
garð.
Aðstæður fullkomnar
og veiðin glæsileg
 Um 350 veiddust á fyrstu fimm vöktunum í Mývatnssveit
Ljósmynd/Gunnar Örlygsson
Góð veiði Gunnar Oddsson var lukkulegur með einn hinna vænu urriða sem
hann veiddi í blíðunni í Mývatnssveitinni í gærmorgun.
12 FréttirINNLENT
MORGUNBLAÐIÐ ÞRIÐJUDAGUR 1. JÚNÍ 2010
Stangaveiðifélag Reykjavíkur
www.svfr.is – Sími 568 6050
Úrval veiðileyfa…
laxveiði
silungsveiði
…fyrir alla
0000
 

  




  
  


    
    
   
   !
 " ! ###$
 $
%
  

&  '   ###$
  
 ''(
  ###$
  Enn fjölgar þeim veiðisvæð-
um þar sem handhöfum
Veiðikortsins stendur til boða
að egna fyrir fisk. Í sumar
verður korthöfum heimilt að
veiða í öllum vötnunum í
Svínadal þegar Eyrarvatn
norðanvert og Geitabergs-
vatn bætast við. Þór-
isstaðavatn hefur verið þátt-
takandi í Veiðikortinu
frá upphafi.
Bannað er
að veiða í ám
og lækjum á
svæðinu. Veiði-
menn skrá sig til
veiða á Þórisstöðum;
heimasíðan þar er
www.thorisstadir.is.
Geitabergs-
og Eyrarvötn
FJÖLGAR Á VEIÐIKORTINU
FRÉTTASKÝRING
Egil Ólafsson
egol@mbl.is
Framboð sem stutt hafa virkjanir í
Þjórsá sigruðu með talsverðum yf-
irburðum í Flóahreppi og Skeiða- og
Gnúpverjahreppi. Í báðum sveitar-
félögunum komu fram framboð sem
lögðu áherslu á að áform um virkj-
anir yrðu lögð til hliðar, en þau náðu
ekki þeim árangri sem þau vonuð-
ustu eftir.
Í Skeiða- og Gnúpverjahreppi
fékk K-listi hreinan meirihluta og
þrjá fulltrúa. N-listi, sem er á móti
virkjunum, fékk 26,4% og einn
mann. Í Flóahreppi vann R-listi mik-
inn sigur, fékk 72,4% atkvæða og
fjóra menn. T-listi, sem er á móti
virkjun, fékk 27,6% og einn mann.
Flóahreppur lét á síðasta kjör-
tímabili vinna aðalskipulag þar sem
gert var ráð fyrir Urriðafossvirkjun.
Allgóð samstaða var um málið í
sveitarstjórn, en virkjunin er hins
vegar umdeild bæði innan og utan
sveitarfélagsins. Fyrir kosningarnar
sameinuðust þeir listar sem voru í
sveitarstjórn um nýtt framboð, R-
lista. Jafnframt kom fram nýtt fram-
boð, T-listi, sem lagði áherslu á að
ekki yrði farið í þessa virkjun.
Aðalsteinn Sveinsson, oddviti R-
listans, segir að virkjanamál hafi
verið ofarlega á baugi í kosningabar-
áttunni enda það mál sem helst olli
deilum í sveitarfélaginu. Hann segir
að vilji íbúa í Flóahreppi sé skýr
hvað varðar afstöðu til þessa máls.
Umhverfisráðherra neitaði að
staðfesta aðalskipulag Flóahrepps
vegna formgalla og í framhaldinu
var skipulagið auglýst að nýju. All-
margar athugasemdir bárust.
Oddur Bjarnason, er oddviti N-
listans, í Skeiða- og Gnúpverja-
hrepp. Hann segir að listinn sé á
móti virkjunum í Þjórsá og hafi lagt
áherslu á það í kosningunum. Hann
segist hafa vonast eftir meiri stuðn-
ingi, en segir að ekki megi túlka nið-
urstöðuna þannig að úrslitin endur-
spegli stöðu andstæðinga virkjunar í
sveitarfélaginu því að fleiri mál spili
inn í afstöðu manna. Hann segir að
staða andstæðinga virkjunar sé
sterkari eftir kosningar. Nú eigi þeir
fulltrúa í sveitarstjórn og geti komið
sínum sjónarmiðum að og fengið að-
gang að upplýsingum.
Virkjanasinnar með sterka stöðu
 Í Flóahreppi og Skeiða- og Gnúpverjahreppi komu fram framboðslistar sem lögðu áherslu á að hætt
yrði við virkjanir í Þjórsá  Þeir náðu ekki þeim árangri sem forystumenn þeirra vonuðust eftir
Morgunblaðið/RAX
Þjórsá Virkjanamál voru ofarlega á baugi í kosningabaráttunni í sveitarfélögum sem liggja að Þjórsá.
Kosningaúrslit
» Í Skeiða- og Gnúpverja-
hreppi fékk K-listi farsælla
framfarasinna hreinan meiri-
hluta og þrjá fulltrúa.
» Í Flóahreppi vann R-listi
um ráðdeild, raunsæi og rétt-
sýni mikinn sigur. Fékk
72,4% atkvæða og fjóra
menn. T-listi, Tákn um traust,
fékk 27,6% fylgi og einn
mann.
» Í Ásahreppi var óhlut-
bundin kosning, en þar hefur
alltaf verið nokkuð góð sam-
staða um að styðja virkjanir.
» Í Rangárþingi ytra urðu
sviptingar í kosningunum, en
þar voru virkjanamálin ekki
ofarlega á blaði.