Fréttablaðið - 22.11.2011, Blaðsíða 46

22. nóvember 2011 ÞRIÐJUDAGUR34
BESTI BITINN Í BÆNUM
Bíll trommuleikarans Einars
Scheving er kominn í leitirnar
en honum var stolið á dögunum
eins og Fréttablaðið greindi frá
á föstudag. Strax sama dag fékk
Einar símtal þar sem hann var
látinn vita af bílnum.
„Þetta var fólk sem var á
göngutúr í götunni sinni í Skerja-
firði. Það hafði séð blaðið um
morguninn,“ segir Einar, sem
var að vonum himinlifandi yfir
fregnunum.
Bíllinn var í góðu ásigkomulagi.
Geislaspilara hafði verið stolið úr
honum og klinki, auk kassa með
kertum sem sonur hans hafði
verið að selja fyrir drengjakór
Reykjavíkur. Trommudót og 25
kynningareintök af nýjustu plötu
hans Land míns föður lágu aftur
á móti ósnert í bílnum. „Það er
greinilega enginn áhugi fyrir
þessari tónlist á þeim bænum.
Þetta eru ekki smekkmenn á tón-
list en ætla samt að hafa það kósý
yfir hátíðarnar með drengjakór-
skertunum,“ segir Einar, sem
getur núna brosað út í annað eftir
að hafa fengið bílinn til baka.
Spurður hvort fólkið sem benti
honum á bílinn fái fundarlaun
eins og hann var búinn að lofa
segir trymbillinn: „Þetta gerð-
ist svo hratt að maður átti eftir
að útfæra fundarlaunin en maður
gerir eitthvað gott fyrir þau.“
- fb
Þjófar ekki smekkmenn á tónlist
ÁNÆGÐUR Trommuleikarinn Einar
Scheving er himinlifandi yfir því að hafa
fengið bílinn sinn til baka.
FRÉTTABLAÐIÐ/STEFÁN
„Þetta er alveg frábært tækifæri
fyrir mig,“ segir Halldóra Eydís
Jónsdóttir skóhönnuður.
Halldóra heldur til New York í
næstu viku með sína fyrstu skólínu.
Þar mun hún taka þátt í stórri sýn-
ingu á vegum Fashion Footwear
Association of New York ásamt
fjölda þekktra hönnuða. „Ég átti
ekkert endilega von á að ég myndi
komast inn því samkeppnin er hörð.
Ég fór í gegnum langt umsóknar-
ferli og hef núna verið samþykkt inn
í félagið sem er mikil viðurkenning.
Sýningin er hugsuð sem vettvangur
fyrir verslanir, fjölmiðla og stílista
annars vegar og hönnuði hins vegar
til að mynda tengsl. Ég stefni að því
að koma skónum mínum í verslanir
erlendis þannig að þetta er risastórt
tækifæri.“
Halldóra er 27 ára Mývetningur
sem segist hafa elskað skó allt frá
barnæsku þegar hún horfði á glæsi-
lega skó ömmu sinnar. Hún útskrif-
aðist frá London College of Fashion
fyrir rúmu ári og ákvað að henda
sér strax út í djúpu laugina með því
að framleiða sína eigin línu. Hall-
dóra notar nær eingöngu íslenskt
hráefni í skóna sína og segir það
vekja mikla athygli erlendis. „Ég
sýndi línuna mína á Boston Fashion
Week um daginn og fékk flott
viðbrögð sem ég var mjög ánægð
með. Þar var mikið rætt um hráefn-
ið í skónum mínum sem er til dæmis
roð, íslenskt lambaleður og hross-
hár.“ Halldóra sækir ekki eingöngu
hráefni í íslenska náttúru heldur
líka innblástur. Hún segir hana vera
þátt í því sem til þarf til að komast
af innan hönnunarheimsins. „Við
erum heppin að vera frá Íslandi
af því að náttúran og allt sem er í
kringum okkur er svo mikill inn-
blástur og við eigum frábær hráefni
til að nýta. Annars held ég að það
sem þurfi til sé að vera einstakur,
duglegur, jákvæður og óhræddur
við að láta bara vaða.“
Íslenskur skóhönnuður sýnir í New York
SKÓSJÚK Halldóra Eydís sér um hluta
framleiðslunnar sjálf, og handsaumar til
dæmis hrosshár á skóna.
Hátt í fimm þúsund manns geta
nú varpað öndinni léttar eftir að
Meistaramánuðinum lauk á sunnu-
daginn. Um árlegt lífsstílsátak er að
ræða þar sem þátttakendur hætta
öllu sukki í einn mánuð. Átakið
fékk sérlega góðar viðtökur í ár og
skráðu þúsundir
manna sig til
leiks, þó svo
að eflaust hafi
einhverjir
tekið þátt
af meiri alvöru en aðrir. Á meðal
þátttakenda voru Diljá Ámunda-
dóttir borgarfulltrúi og Ómar R.
Valdimarsson laganemi og blaða-
maður. Næsta föstudags-
kvöld verður svo
haldinn fögn-
uður í miðborg
Reykjavíkur þar
sem menn geta
borið saman
bækur sínar
og skellt um
leið í sig lang-
þráðum bjór og
hamborgara. - fb
FRÉTTIR AF FÓLKI
„Rosalega misjafnt en ég fer
einu sinni til tvisvar í viku
og kaupi Bláfjallabrauð, ost
og kókómjólk handa okkur í
vinnunni.“
Bragi Brynjarsson, sölumaður og stuðn-
ingsmaður Liverpool.
„Ef ég kjafta frá því um hvað
myndin er þá getur fólk allt eins
sleppt því að koma,“ segir Reyn-
ir Lyngdal leikstjóri. Um miðjan
desember hefjast tökur á nýrri
kvikmynd undir leikstjórn Reyn-
is sem hefur hlotið vinnutitilinn
Frost. Myndin verður væntanlega
fyrsti íslenski vísindaskáldsögu-
tryllirinn og er gerð eftir handriti
Jóns Atla Jónassonar. Björn Thors
og Anna Gunndís Guðmundsdótt-
ir fara með aðalhlutverkið í mynd-
inni, en hún verður að mestu leyti
tekin uppi á Langjökli.
Reynir kemur inn í kvikmynd-
ina með tiltölulega skömmum
fyrirvara sem leikstjóri þótt
hann og handritshöfundurinn
Jón Atli hafi verið að bralla ýmis-
legt saman að undanförnu. Leik-
stjórinn segir þetta vera ákaflega
spennandi verkefni, þeir séu búnir
að skoða aðstæður uppi á jökli en
tökudagarnir þar verði væntan-
lega á bilinu tíu til fimmtán. „Auð-
vitað er þetta eins klikkað og það
getur orðið og ekkert ósvipað því
að ráða sig á dall. Ég vona bara að
Canada Goose-úlpan haldi á mér
hita. Maður verður allavega veður-
barinn yfir jólamatnum. En það
er líka hugmyndafræðin á bak við
myndina, að vera eins „extreme“
og mögulegt er, ögra okkur og
koma okkur í þær aðstæður sem
myndin gerist í.“ Þrátt fyrir að
tökurnar fari fram í aðdraganda
jólanna á Reynir von á því að halda
jólin heima í faðmi fjölskyldunnar.
Anna Gunndís er næstum
nýflutt til landsins eftir að hafa
búið í Baskahéraði Spánar og lært
þar á brimbretti. Hún leikur eitt
aðalhlutverkanna í Svörtu kóm-
edíunni hjá Leikfélagi Akureyrar
og er núna búin að landa aðalhlut-
verki í nýrri íslenskri kvikmynd.
„Þetta er auðvitað bara fyrst og
fremst geðveikt og magnað og
ég er jafnvel að fara upp á jökul
með flugbjörgunarsveitinni í vik-
unni til að undirbúa mig sem best,“
segir Anna og bætir því við að það
verði sérstaklega gaman að leika
á móti Birni Thors, hann sé í sér-
stöku uppáhaldi. „Ég er bara ofsa-
lega þakklát að fá að stökkva inn í
stóra mynd með góðu fólki.“
freyrgigja@frettabladid.is
REYNIR LYNGDAL: CANADA GOOSE HELDUR Á MANNI HITA
Gera fyrsta íslenska
vísindaskáldsögutryllinn
ERFIÐAR AÐSTÆÐUR Tökur hefjast á vísindaskáldsögutryllinum Frosti um miðjan desember. Þær fara fyrst fram í höfuðborginni
og svo uppi á jökli eftir áramót. Aðalhlutverkin verða í höndunum á Birni Thors og Önnu Gunndísi en leikstjóri verður Reynir
Lyngdal. FRÉTTABLAÐIÐ/GVA