Fréttablaðið - 09.12.2011, Qupperneq 16

9. desember 2011 FÖSTUDAGUR16
Föstudagsviðtaliðföstuda
gur Carlos Bronzatto, formaður Alþjóðlegra fjárfestingasamtaka
Áreiðan-
leiki í reglu-
gerðum er
lykilatriði,
sérstaklega
þar sem þið
eruð land
sem býr ekki
við stóran
markað.
A
llar þjóðir heimsins
keppast við að laða
til sín erlendar fjár-
festingar og er mikil
samkeppni þar á milli.
Síðustu árin hefur
slíkt valdið deilum hér á landi og oft
hefur verið erfitt að negla niður hver
stefna stjórnvalda er í málaflokknum.
Carlos Bronzatto er framkvæmda-
stjóri World Association of Invest-
ment Promotion Agencies (WAIPA),
sem útleggja mætti sem alþjóðasam-
tök fjárfestingarstofa. Hann segir
áreiðanleika í regluverki lykilinn að
því að laða fjárfesta að.
Bronzatto segir Ísland geta lært
margt af öðrum löndum þegar komi
að erlendum fjárfestingum. Engin
ástæða sé til þess að eyða tíma í að
reyna að finna upp hjólið. Þess í stað
geti Íslendingar byggt á reynslu ann-
arra þegar komi að kynningum á
fjárfestingarmöguleikum.
Alþjóðlegt tengslanet
WAIPA eru alþjóðasamtök fjárfest-
ingarstofa um allan heim sem hafa
tengsl sín á milli í gegnum samtökin.
Ríkisstjórnir flestra landa hafa komið
á fót slíkum stofnunum og er Íslands-
stofa dæmi um eina slíka. Bronzatto
segir WAIPA virka eins og tengslanet
á milli stofanna.
„Við erum aðallega með tengsl á
milli ríkisstofnana sem eru að reyna
að laða fjárfesta að. Einnig höfum við
tengsl við ákveðna fjárfesta sem deila
sinni reynslu með okkur um hvað það
er sem fær þá til að velja einhvern
einn stað umfram annan. Við erum
ekki mikið í því að koma fólki saman,
heldur fremur að deila reynslu og
veita ráðgjöf.“
Bronzatto segir að stofnunin vinni
einnig með alþjóðlegum stofnunum
á sviði efnahagsmála beggja megin
Atlantsála. Hann segir umhverfið að
sumu leyti ólíkt í Bandaríkjunum en
í Evrópu, en þekking á báðum mörk-
uðum sé fyrir hendi hjá WAIPA.
Ábatasöm verkefni
Bronzatto segir að þar sem Ísland sé
lítið land og fámennt ættu stjórnvöld
að einblína á ábatasöm verkefni þegar
komi að beinni erlendri fjárfestingu.
Mikilvægt sé að tengja saman marga
aðila og gott sé ef það tengist háskól-
um og rannsóknum. Ríkisstjórnin
þurfi að huga að því hvernig hægt sé
að styðja við háskóla til þróunar rann-
sóknartækja sem nýta megi í mis-
munandi geirum efnahagslífsins.
Hann segist ekki hafa kynnt sér
stöðuna á Íslandi sérstaklega en
er mjög ánægður með áform ríkis-
stjórnarinnar í málaflokknum, sem
betur verður komið að síðar. Hann
fundaði með Katrínu Júlíusdóttur
iðnaðarráðherra meðan á dvöl hans
hér á landi stóð og segir WAIPA munu
aðstoða við að kynna Ísland sem eftir-
sóknarverðan fjárfestingarkost.
„Mér sýnist að hér á landi séu aug-
ljóslega margir möguleikar á öllu sem
tengist orku. Málið snýst um hvernig
hægt er að stilla saman áhættuvægi
varðandi orkuiðnaðinn og önnur tæki-
færi. Íslendingar þurfa að leggja höf-
uðið í bleyti og finna einnig aðra kosti
sem landið getur nýtt sér.“
Sölumennska
Öll lönd vilja laða til sín erlenda fjár-
festingu og því getur samkeppnin
orðið hörð. Bronzatto segir mikilvegt
að Íslendingar skilgreini upp á hvað
þeir ætli að bjóða. Það krefjist nafla-
skoðunar og heimavinnu.
„Sum lönd, svo sem Kína og Bras-
ilía, hafa svo stóra markaði að þau
geta leyft sér að sitja og bíða fjár-
festa. Langflest þurfa hins vegar að
berjast fyrir erlendri fjárfestingu og
þar sem efnahagsástandið í heimin-
um er með þeim hætti sem raun ber
vitni hafa mörg gömul og stór mark-
aðssvæði þurft að taka þátt í sam-
keppninni. Það eru áhrif efnahags-
kreppunnar.
Íslendingar þurfa að skilgreina
hvað landið hefur upp á að bjóða sem
önnur lönd hafa ekki; hvað er einstakt
við Ísland. Annað sem er mjög mikil-
vægt er að velja hverjum á að kynna
hugmyndina. Hverjum á að selja
þetta? Það þarf að hugsa um Ísland
sem vöru, skilgreina það sem gerir
landið öðruvísi og hvaða möguleika
er aðeins að finna hér. Þetta er því
heilmikil sölumennska.
Síðan þarf að skoða hina hliðina,
hvaða fjárfestar passa að þeim verk-
efnum sem hér standa til boða og
hvernig er best að selja þeim verk-
efnin.
Fjárfestar koma ekki af sjálfu
sér, það þarf að kynna þeim mögu-
leikana.“
Haldið að sér höndum
Efnahagskreppan hefur gert það að
verkum að mun erfiðara er að kynna
fjárfestum möguleg verkefni. Bron-
zatto segir hins vegar að kreppan
skapi einnig ákveðin tækifæri.
„Það er mun erfiðara að laða að sér
fjárfesta, þar sem fyrirtæki sitja á
strák sínum. Menn passa upp á fjár-
muni sína og bíða þess sem verða vill
í þróun efnahagsmála. Að sumu leyti
er þetta hins vegar rétti tíminn þar
sem fyrirtæki sitja á miklum fjár-
munum og góð verkefni gætu því
fengið stuðning. Á móti vinnur að
fyrirtæki eru treg til að fjárfesta nú
um stundir.
Þetta er hins vegar rétti tíminn til
að greina stöðuna, til að skilgreina í
hvaða geirum Íslendingar vilja laða
að sér fjárfestingu og upp á hvað
Fjárfestar koma ekki af sjálfu sér
Gagnrýnt hefur verið að skýrar reglur um erlendar fjárfestingar skorti og oft og tíðum er vísað til mála Huangs og Magma í því sam-
hengi. Carlos Bronzatto, formaður Alþjóðlegra fjárfestingarsamtaka, sagði Kolbeini Óttarssyni Proppé frá mikilvægi áreiðanleika.
CARLOS BRONZATTO Mikilvægt er að regluverk sé áreiðanlegt og komi ekki aftan að fjárfestum. Þegar erlendir aðiilar velja verkefni til að festa fé sitt í huga þeir meðal
annars að því. FRÉTTABLAÐIÐ/GVA
Brunzatto segir orkuauðlindir vera viðkvæmt málefni í öllum löndum og mörg
lönd setji reglur um eignarákvæði á þeim. Hann segir að svo lengi sem reglurnar
séu skýrar og ljóst sé hvað megi og hvað ekki sé engin hætta við að fá útlendinga
í verkefnafjármögnun. Tryggja þurfi að eignarhald auðlindanna sé áfram hjá
Íslendingum.
„Þannig skapast tækifæri þegar ekki eru til fjármunir til að þróa ákveðin verkefni
til að fá erlenda fjárfesta með. Þetta er svipað og að eiga bolta. Boltinn tilheyrir
Íslandi, en til hvers að eiga bolta ef maður ætlar ekki að spila með hann? Svo lengi
sem reglum stjórnvalda er fylgt og svo lengi sem það er skýrt að orkuauðlindir
tilheyra þjóðinni er allt í lagi. Þannig er það í öðrum löndum. Hins vegar verður að
tryggja að reglurnar um það séu skýrar.“
Auðlindir í eigu þjóðarinnar
landið hefur að bjóða. Kreppunni mun
ljúka um síðir og þá er um að gera að
vera tilbúinn. Því þarf þessi grunn-
vinna að hafa farið fram.“
Áreiðanleiki er lykilatriði
Íslandsstofa og Viðskiptaráð stóðu
fyrir málþingi á þriðjudag um erlend-
ar fjárfestingar. Þar kom fram að
mikið skorti á að reglur hér á landi
væru skýrar og það fældi erlenda
fjárfesta frá.
Iðnaðarráðherra og efnahags- og
viðskiptaráðherra hafa lagt fram
frumvarp á Alþingi sem á að bæta úr
þessu. Meðal þess sem þar er að finna
er stofnun fjárfestingarstofu, sem á
að fylgjast með málaflokknum. Bron-
zatto segir gríðarlega mikilvægt að
fjárfestar viti að hverju þeir gangi
varðandi lög og reglur.
„Áreiðanleiki í reglugerðum er
lykilatriði, sérstaklega þar sem þið
eruð land sem býr ekki við stóran
markað. Ég er því mjög ánægður með
að ríkisstjórnin sé að stíga skref í þá
átt að skýra regluverkið. Lítil hag-
kerfi hafa ekki efni á að vera með
óskýrt regluverk og því er löngu tíma-
bært að þetta sé að gerast.
Þegar fjárfestar taka ákvörðun
um það hvar þeir eigi að festa fé sitt
vilja þeir búa við öryggi. Það er mjög
slæmt þegar ákvarðanir einstaka
stjórnmálamanna breyta hlutunum,
sérstaklega á tímum þegar það verður
æ mikilvægara að laða fjárfesta að.
Það er mjög mikilvægt að pólitíkin
þvælist ekki fyrir og vinni ekki með.
Hluti af vinnu fjárfestingarstofa er
að auðvelda við að finna fjárfesta og
semja við þá. Það er hluti af því sem
margar ríkisstjórnir gera. Ég vona að
þetta fari að gerast hér núna.“