Fréttablaðið - 09.12.2011, Síða 47

FÖSTUDAGUR 9. DESEMBER 2011 3UNICEF ●
Hvað hafði mest áhrif á þig við að
heimsækja verkefni UNICEF með
Halldóru?
Duglegu og fallegu börnin höfðu
mest áhrif á mig. Þau fá svo litlu
að ráða um eigið líf en trúa á allt
það besta. Sum eru munaðarlaus
en önnur eiga mömmur og pabba.
Ég hitti litla stelpu sem var niður-
setningur hjá konu sem gaf henni
pening fyrir mat þegar hún fékk
að flytja aftur til pabba síns, en
stelpan var svo glöð og spennt að
hún eyddi öllum peningnum sínum
í tyggjó!
Er hægt að hjálpa bágstöddum
börnum í fátækum löndum heims?
Já, og það er ekki bara hægt,
heldur verðum við að hjálpa til!
Annars erum við bara hross með
blöðkur fyrir augunum og lokað
hjarta.
Getum við Íslendingar gert eitt-
hvað?
Já, allir Íslendingar geta orðið
heimsforeldrar. Þá borga þeir
mánaðar lega upphæð sem þeir eru
aflögufærir um og starfsfólk UNI-
CEF finnur út hvar þörfin er mest.
Áður en jarðskjálftinn reið yfir
Haítí voru þar 40 starfsmenn frá
UNICEF, en nú eru þar 160 starfs-
menn til hjálpar börnum í neyð.
Þeir vinna með innlendum hjálpar-
samtökum og eru eins og hjarta
sem pumpar hjálpinni út í ós-
æðarnar til fullt af góðu fólki sem
eru bláæðarnar og renna á milli
allra frumanna sem eru börnin. Nú
er líka vitað að best er að fara strax
til barna sem eru verst stödd því þá
berst hjálp til svo margra annarra
í leiðinni.
Hvaða börn eru verst stödd?
Börnin sem búa ekki með for-
eldrum sínum. Þau lifa í kærleiks-
lausu umhverfi og eiga sér ekki
tilverurétt nema að leggja fram
vinnu af einhverju tagi. Þessi börn
eru verst stödd vegna þess að þeim
er ekki sagt á degi hverjum að þau
séu stórkostleg gjöf og að þau megi
vera eins og þau eru. Á Haítí þarf
að breyta því hugarfari að börnum
sé betur borgið hjá vandalausum,
því það er ekki rétt. Barn þarfnast
fyrst og fremst kærleika og svo
menntunar og heilbrigðiskerfis til
að eiga möguleika á að verða sjálf-
stæður einstaklingur.
Ertu breyttur trúður eftir að
hafa séð erfiðar aðstæður barna í
fátækari löndum?
Já, ég náttúrulega græt bara, en
ég hlæ líka því þetta eru töfrabörn
og þeim finnst gott að hlæja saman.
Ég græt samt aldrei með börnun-
um því þá erum við saman í ljósinu,
hlæjum og horfum í augun á hvort
öðru. En um leið og ég labba í burtu
frá þeim fer ég að skæla, og Hall-
dóra líka því hún skilur aðstæður
barnanna betur en þau sjálf og veit
að þau eiga svo miklu betra skilið.
Hvernig þótti börnunum úti að
hitta alvöru trúð?
Þeim fannst það mjög sniðugt
og fengu sjálf að prófa, því það
er skítlétt að vera trúður. Maður
setur bara á sig rautt nef og breyt-
ir kannski röddinni, því allir eiga
innra með sér trúð sem segir allt-
af satt og er alveg sama hvort það
komi vel út eða ekki. Trúðar eru
nefnilega ekki bara trúðar heldur
sannleiksenglar sem umfram allt
vilja segja satt, en stundum þarf
maður að treysta nefinu og hlusta í
dálitla stund áður en maður heyrir
röddina í trúðnum sínum.
Hefur þig langað að taka eitt-
hvert barnanna með þér heim?
Mig langaði meira að taka að
mér einhverja mömmuna til að geta
hjálpað henni að hjálpa þeim.
Hvaða merkingu hefur rauða
nefið fyrir þig?
Rauða nefnið þýðir að lifa í
núinu og láta ekki eins og hlutirnir
séu bara eins og þeir eru. Að gráta
yfir því sem maður þarf að gráta
yfir og hlæja vegna þess sem er
fyndið.
Ef þú fengir einn dag til að láta
til þín taka á heimsvísu, hverju
myndir þú vilja breyta fyrst?
Ég vildi óska að börn heimsins
gætu lifað við aðstæðurnar sem
Barnasáttmáli Sameinuðu þjóð-
anna gerir kröfu um að öll börn
eigi að lifa við. Þá hefðum við ansi
góðar undirstöður fyrir betra líf
barna. Þetta er líka vel hægt en
tekur tíma. Við megum ekki gef-
ast upp, heldur ákveða í staðinn
að verða heimsforeldri, því það er
skítlétt.
En hvernig hugsum við best um
íslensku börnin?
Við eigum að segja þeim á hverj-
um degi að þau séu frábær og það
dýrmætasta sem við eigum. Og
þótt þau hafi það gott í samanburði
við börnin á Haítí eigum við alls
ekki að segja slíkt við þau í tíma
og ótíma. Bara gleyma því ekki að
til eru fleiri dýrmæt börn sem eru
rosalega glöð að fá aðstoð þegar
það þarf. - þlg
Trúðar eru sannleiksenglar
Barbara bregður á leik með barnahópi í Úganda. Hún segir skítlétt að vera trúður og leyfði börnunum að prófa rautt nef. Þá
spjallaði Barbara við unga grunnskólanema á Haítí. Hún segir börn sem búa ekki hjá foreldrum sínum vera verst stödd.
Trúðurinn Barbara fer aldrei að gráta fyrir framan bágstödd börn heldur hlær sem mest með þeim því það þykir þeim gott. MYND/GVA
Trúðurinn Barbara er hliðarsjálf
leikkonunnar Halldóru Geir-
harðs dóttur. Fyrir dag rauða
nefsins í fyrra heimsótti
Halldóra verkefni UNICEF í
Úganda og í ár fór hún til Haítí.
Eins og alltaf var Barbara með
í för og upplifði heimsóknirnar
með sínum einlægu og
óritskoðuð augum.
Þökkum stuðninginn