Fréttablaðið - 09.12.2011, Síða 50

9. DESEMBER 2011 FÖSTUDAGUR6 ● UNICEF
Skotta er fluggáfaður grallaraspói og því þremur bekkjum á
undan í skóla. Hún er með mínus níu á báðum augum og þarf
því alltaf að vera með gleraugu. Það skemmtilegasta sem hún
gerir er að leysa gátuvísur upp í rúmi og gæða sér um leið
á frosnum rækjum. Hana dreymir um að verða tannsmiður.
Uppáhaldslagið hennar er Brostu með Baggalúti.
Skjóða er hress og vinamörg. Henni finnst fátt skemmtilegra
en að vera á leikvellinum en stundum étur hún kannski aðeins
og mikið af sandi og gömlum skóm. Hún er samt að reyna að
hætta því. Hún er með loðna undirhöku eins og móðuramma
sín og er mjög stolt af því. Ef hún verður mjög spennt yfir ein-
hverju á hún það til að fá uppþembu og þá ropar hún óskap-
lega mikið – þá hlæja bestu vinir hennar, Skreppur og Skotta.
Skreppur er fjörkálfur og það er sjaldan lognmolla í kringum
hann. Hann fer allra sinna ferða á einhjóli og getur hrækt á
staura í allt að tveggja metra fjarlægð. Honum finnst sérstak-
lega gott að borða svartan mat eins og lakkrís og hjólbarða.
Enginn veit með vissu hvað kom fyrir vinstra augað á honum
en sjálfur segist hann hafa verið bitinn af krókódíl þegar hann
var á ferðalagi í Frakklandi.
Skotta, Skreppur og Skjóða eru fjörkálfar með tilgang
Einkennismerki dags rauða nefsins eru rauð nef – sem ætti svo sem ekki að koma á óvart. Nefin í ár eru hin bráðskemmtilegu Skoppa, Skreppur og Skjóða
Þau kosta 1.000 krónur og fást í Hagkaup, Bónus, Te og kaffi, MP banka, hjá skátunum og íþróttafélögum. Kynnumst þeim aðeins nánar.
SKREPPURSKJÓÐASKOTTA
Steindi leggur degi rauða
nefsins nú lið í þriðja skiptið.
Þegar er búið að taka upp
grínatriðin sem hann tekur
þátt í og því getur hann
slakað á og notið dagsins –
og svo auðvitað þáttarins
um kvöldið. Steindi deilir
hér með lesendum hvernig
líklegt er að dagurinn hans
verði – en svo skemmtilega
vill til að 9. desember er einnig
afmælisdagurinn hans.
9.0010.00
Ligg og hrýt, klóra kannski kon-
unni minni á bakinu og vona að
hún launi mér greiðann.
12.00
Þarna er ég löngu vaknaður.
Vaknaði um leið og vonbrigðin
með að fá ekkert bak-klór voru
ljós.
13.00
Ég er mættur á einhvern svaða-
legan skyndibitastað með fé-
lögum. Við stækkum allir máltíð-
irnar okkar.
14.00
Klappa ókunnugum hundi.
15.0016.30
Fer í sturtu, það eru liðnir tveir
dagar síðan ég fór seinast í sturtu
og svo var ég líka að klappa ein-
hverjum djöfulsins rakka.
17.00
Fer í mokkajakka sem ég keypti í
Þýskalandi fyrir nokkrum mán-
uðum og spegla mig. Ég spyr mig
svo hvenær það sé tímabært að
rokk‘ann.
18.00
Ég borða mat með kærustunni
minni. Sennilega höfum við salt-
kjöt með hvítri því það er uppá-
haldsmaturinn minn og ég á
afmæli í dag.
19.3000.03
Dagur rauða nefsins í opinni dag-
skrá á Stöð 2. Gerist heimsforeldri
og opna beikonbugðurnar mínar,
konan fær saltlakkrís.
00.45
Ég horfi á bregðurusl fyrir svefn-
inn eða einhverja mynd sem endar
á tölustaf. Sofna í sófanum og fæ
massívan hálsríg.
Dagur rauða nefsins
í lífi Steinda Jr.
Svo skemmtilega vill til að Steindi á afmæli í dag. Ánægjan er því tvöföld.
FRÉTTABLAÐIÐ/STEFÁN
Það er ýmislegt hægt að gera til að brjóta upp hversdaginn á
vinnustaðnum og láta gott af sér leiða á sama tíma. Hér eru
nokkrar góðar hugmyndir fyrir framtakssamt fólk.
ÁHEITASÖFNUN
Settu upp nefið og gerðu eitthvað fyndið, eitthvað eftir-
minnilegt eða jafnvel eitthvað leiðinlegt. Skiptir ekki
máli, láttu bara vinnufélagana heita á þig. Þú gætir
t.d. verið í náttfötunum í allan dag, talað eingöngu
dönsku, sippað í stað þess að ganga eða jafnvel klippt
af þér allt hárið.
VINNUHÁTÍÐ
Bjóddu upp á andlitsmálningu, kökukast, töskukast,
boltakast, kossabás, krókódílahlaup, tertuátskeppni,
grill – og rukkaðu hóflega fyrir öll herlegheitin.
BASAR
Þetta er auðvitað sígilt. Matreiddu það sem þú gerir best,
hvort sem það eru snúðar, svið eða egg og beikon. Settu
upp matarbás og leyfðu öðrum að njóta með þér gegn vægu gjaldi.
SÝNING
Ertu með sviðsbakteríu? Settu upp metnaðarfulla sýningu og sýndu hvað
þú ert góð eftirherma, uppistandari, leikari, söngvari, fingrabrúðuleikhús-
stjóri …
FJÁRÖFLUNARBÍÓ
Taktu DVD-tækið og sjónvarpið með í vinn-
una. Stilltu græjunum upp á góðum stað,
og rukkaðu fyrir bíóið. Þú getur líka selt
popp og kók, nef eða bara flögur og vatn.
MÁLARI
Dröslaðu málaragræjunum, litum og trön-
um með þér í vinnuna og teiknaðu eða
málaðu andlitsmyndir af vinnufélögunum
og seldu þeim á spottprís.
TÍSKUSÝNING
Ef þú ert upprennandi fatahönnuð-
ur gætir þú skipulagt tískusýningu.
Svo er hægt að selja fötin eftir á til
styrktar UNICEF (ef þau eru flott –
og passa).
SPILAKVÖLD
Stattu fyrir spilamóti með þátt-
tökugjaldi. Allt frá bingói til
flókinna hlutverkaleikja er
leyfilegt.
Ertu ekki að grínast?
Notaðu grín og spé til að safna fé!