Morgunblaðið - 30.07.2010, Page 31

Menning 31FRÉTTIR
MORGUNBLAÐIÐ FÖSTUDAGUR 30. JÚLÍ 2010
Á morgun verður efnt til
málþings að Nýp á Skarðs-
strönd við Breiðafjörð í til-
efni þess að 175 ár eru lið-
in frá fæðingu skáldsins
Matthíasar Jochumssonar,
en hann fæddist að Skóg-
um í Þorskafirði þann 11.
nóvember 1835. Kristján
Árnason, þýðandi og bók-
menntafræðingur, mun
fjalla um þýðingar og skáld-
skap Matthíasar og Þórunn Erlu-Valdimars-
dóttir rithöfundur mun fjalla um æviferil
skáldsins og bernsku. Umræður hefjast að
loknum erindum. Málþingið hefst klukkan 15
og lýkur klukkan 17.
Málþing
Málþing um Matt-
hías Jochumsson
Kristján
Árnason
Á morgun verða níundu og síð-
ustu tónleikarnir í sumar-
tónleikaröð veitingahússins
Jómfrúarinnar haldnir en það
er djassfrömuðurinn Sigurður
Flosason sem hefur haft veg og
vanda af henni í sumar. Það
verður tríó Ragnheiðar Grön-
dal sem slær botninn í röðina
og á dagskránni er fjölbreytt
úrval djassstandarda. Tríóið
skipa auk Ragnheiðar þeir
Guðmundur Pétursson gítarleikari og Þórður
Högnason, kontrabassi og líklegt er að einhverjir
gestir kíki í heimsókn. Tónleikarnir hefjast kl. 15
og standa til kl. 17. Leikið er utandyra á Jómfrú-
artorginu og aðgangur er ókeypis.
Tónleikar
Lokatónleikar
á Jómfrúnni
Ragnheiður
Gröndal
Út er komin Ragnarsbók,
fræðirit um mannréttindi sem
Mannréttindaskrifstofa Ís-
lands og Hið íslenska bók-
menntafélag í samvinnu við
Háskólann á Akureyri og Há-
skólann í Reykjavík gefa út til
heiðurs Ragnari Aðalsteins-
syni hæstaréttarlögmanni. Í
Ragnarsbók er að finna rit-
gerðir á sviðum tengdum
þjóðarétti, mannréttindum og
réttarríkinu eftir innlenda og erlenda fræðimenn.
„Hluti greinanna byggist á erindum sem flutt
voru á Ragnarsstefnu sem félagsvísinda- og laga-
deild Háskólans á Akureyri stóðu fyrir í tilefni af-
mælis Ragnars árið 2006,“ segir í tilkynningu.
Bækur
Nýtt fræðirit
um mannréttindi
Ragnar
Aðalsteinsson
Næstkomandi sunnudag ætlar píanóleikarinn
Ólafur Elíasson að spila á vikulegum stofu-
tónleikum á Gljúfrasteini en hann segir tón-
leikana marka upphaf langs ferðalags.
„Ég ætla næstu fjögur árin að reyna að spila
allar 48 prelúdíur og fúgur Bachs, sem pían-
istar kalla oft „Gamla testamentið“. Bach
samdi þær í tveimur lotum 1720 og 1742 og
þær innihalda eiginlega allt það besta sem bar-
okktíminn hafði upp á að bjóða.“ Ólafur segir
Bach hafa samið þessi verk á þeim tíma þegar
menn voru að átta sig á því að jafna stillingu
hljómborða, þannig að hægt væri að spila verk
í hvaða tóntegund sem er. Báðar bækurnar
innihalda eina prelúdíu og eina fúgu í öllum 24
tóntegundunum og Ólafur segir enn fremur að
mikillar fjölbreytni gæti í verkunum „Þetta
eru allt frá léttum dönsum og upp í túlkanir á
krossgöngu Krists og allt þar á milli.“
Þetta er ekki í fyrsta skipti sem Ólafur tekst
á við verkefni að þessari stærðargráðu. „Ég
var langt kominn með að hljóðrita alla sjö
hljómborðskonserta Bachs með hljómsveit,
var búinn með fjóra og ætlaði að taka restina
upp í sumar. Svo skall kreppan á og þá voru
engir peningar til, svo ég ákvað að setja það á
ís og demba mér í fúgurnar, en þá þarf ég bara
að hugsa um sjálfan mig,“ segir hann og bætir
því við að hann hyggist spila eina fúgu á mán-
uði sem þýðir þrjá tíma í æfingar á dag.
Ólafur segir það mikinn heiður og viðeig-
andi að hefja verkefnið á Gljúfrasteini en fúg-
ur Bachs voru uppáhaldstónlist Halldórs Lax-
ness. „Ég er mikill aðdáandi Laxness og las
mikið eftir hann í framhaldsskóla. Þetta eru
þær nótur sem voru oftast á píanóinu hjá hon-
um og það veitir mér mikinn innblástur að
byrja þetta verkefni á þessum stað.“
Tónleikarnir hefjast kl. 16.
holmfridur@mbl.is
Nóturnar á píanói skáldsins
 Ólafur Elíasson heldur tónleika á Gljúfrasteini
 Ætlar að spila 48 fúgur Bachs á fjórum árum
Morgunblaðið/Heiddi
Fúgur Ólafur segir það mikinn heiður og viðeigandi að hefja ferðalagið á Glúfrasteini.
Um þessar mundir vinnur bókaút-
gáfan Crymogea að heildarskrá yf-
ir verk Birgis Andréssonar. Hug-
myndin er sú að skrá og ljósmynda
öll verk Birgis en þar sem ekki
liggja fyrir heimildir um öll verkin
né hvar þau eru niðurkomin biðlar
útgáfan til þeirra sem þekkja til að
hafa samband.
„Birgir Andrésson var og er ótví-
rætt í hópi kunnustu íslensku lista-
manna samtímans á alþjóðavett-
vangi,“ segir í tilkynningu frá
útgáfunni. Þeir sem geta veitt upp-
lýsingar um verkin eða hvar þau
eru niður kominn eru vinsamlegast
beðnir að senda tölvupóst á net-
fangið audur@crymogea.is eða
hringja í síma 511-0910.
Átt þú verk
eftir Birgi?
Rithöfundurinn
Stieg Larsson er
fyrsti rithöfund-
urinn hvers bæk-
ur hafa selst í
meira en milljón
rafrænum ein-
tökum á bóka-
vefnum Amazon í
Bandaríkjunum.
Þétt á hæla hans
koma höfundur Twilight-bókanna,
Stephenie Meyer, og spennusagna-
höfundurinn James Patterson. Lars-
son lést árið 2004 áður en bækurnar
hans þrjár um Lisbeth Salander og
Mikael Bloomkvist voru gefnar út
en þær sitja nú allar þrjár á toppi
Kindle-listans á Amazon.
Fyrir skömmu tilkynntu forsvars-
menn vefsíðunnar að síðastliðna
þrjá mánuði hefðu selst 143 Kindle-
rafbækur fyrir hverjar 100 harð-
spjaldabækur. Ekki var gefið upp
hver hlutföllin væru þegar kæmi að
kiljum en stofnandi síðunnar, Jeff
Bezos, ítrekaði að þrátt fyrir að raf-
bækurnar seldust betur en harð-
spjaldabækur þá væru þær síð-
arnefndu enn að sækja í sig veðrið
og því væri ástæðulaust að óttast
dauða bókarinnar.
Stieg Larsson
Milljón
e-bækur
seldar
Stieg Larsson sölu-
hæstur á Amazon
Að lokum var sú
ákvörðun tekin að sjá
til, fylgjast með veðrinu 34
»
Hólmfríður Gísladóttir
holmfridur@mbl.is
Fiðluleikarinn Gunnhildur Daða-
dóttir hlaut í gær 600 þúsund króna
styrk úr Minningarsjóði Jean
Pierre Jacquillat, sem var að-
alstjórnandi Sinfóníuhljómsveitar
Íslands á árunum 1980-1986. Það
var Örn Jóhannsson sem afhenti
Gunnhildi styrkinn við hátíðlega at-
höfn í Listasafni Sigurjóns. „Þetta
er náttúrulega bara rosalegur heið-
ur að hafa verið valin,“ sagði Gunn-
hildur í gær en alls bárust 14 um-
sóknir um styrkinn í ár.
Gunnhildur er búin að vera í
stanslausu fiðlunámi frá því hún
var innrituð í Tónlistarskóla ís-
lenska Suzuki-sambandsins fimm
ára gömul. „Svo fór ég í Tónlistar-
skólann í Reykjavík og lauk þar
áttunda stigi og fór svo í Listahá-
skólann.“ Meðan á náminu í
Listaháskólanum stóð fór hún eina
önn til Finnlands í skiptinám og
sneri útskrifuð þangað aftur í dip-
lómanám. Þaðan hélt hún til
Bandaríkjanna og lauk mast-
ersnámi í „music performance“ frá
University of Illinois og í haust
hyggst hún svo enn á ný halda til
Ameríku í nám.
Reynslunni ríkari
„Þetta er alltaf bara spurning um
að komast til góðra kennara og
spila með nýju fólki og íslenski tón-
listarheimurinn er bara svo lítill.
Maður verður víðsýnni og lærir
meira á því að vera lengur úti, held
ég, sérstaklega ef maður vill mynda
einhver tengsl og koma svo heim
aftur. Þá er maður reynslunni rík-
ari,“ segir hún og bætir því við að
ástandið hér heima fyrir sé ekkert
sérstaklega hagstætt í dag. „Mig
langar að koma heim að vinna. En
það eru ekkert of mörg störf í boði
hérna heima í augnablikinu og eins
og í öllum greinum þá held ég að
fólk bara reyni að læra eins lengi
og það getur þangað til það fær
starf.“
Gunnhildur segir það vissulega
rétt að tónlistarfólk á Íslandi þurfi
að vera duglegt við að skapa sér
tækifæri. „Maður þarf að koma sér
á framfæri og halda tónleika. Og
þetta er svo lítið samfélag að það er
dálítið orðsporið sem gildir, það er
ekkert verið að sækja um hitt og
þetta heldur er þetta þannig að
maður kynnist þeim sem maður
spilar með og endar kannski þannig
í einhverjum hópum.“
Gunnhildi langar í framtíðinni að
spila í sinfóníuhljómsveit og hyggur
einnig á Suzuki-kennaranám með
skólanum þar sem hún hefur áhuga
á kennslu. Hún segir að styrkurinn
muni hjálpa heilmikið til. „Þetta
léttir undir. Það er alls ekki ódýrt
að vera í námi í Ameríku, skóla-
gjöldin eru oft alveg himinhá.
Þannig að auk þess að vera mikill
heiður þá hjálpar þetta heilmikið.“
Það er orðsporið sem gildir
 Hlaut styrk úr
sjóði Jean Pierre
Jacquillat
Morgunblaðið/Ómar
Styrkur Örn Jóhannsson afhendir Gunnhildi styrkinn við hátíðlega athöfn.
„Ég ætlaði aldrei að verða fiðlu-
leikari, það var aldrei neinn
draumur. Ég hélt nú einhvern
tímann að ég yrði slökkviliðs-
maður,“ segir Gunnhildur um
framtíðardraumana.
„Það var ekki fyrr en ég byrj-
aði í Listaháskólanum að ég
hugsaði svona, „Já, fyrst ég er
komin í háskólanám þá hlýtur að
vera einhver alvara í þessu.““
FIÐLAN
Draumarnir