Morgunblaðið - 18.08.2010, Blaðsíða 4
4 FréttirINNLENT
MORGUNBLAÐIÐ MIÐVIKUDAGUR 18. ÁGÚST 2010
Skúli Á. Sigurðsson
skulias@mbl.is
„Þetta eru töluvert stórar ákvarðan-
ir og aðgerðir sem eru í fjárlögun-
um,“ segir Nökkvi Bragason, skrif-
stofustjóri í fjármálaráðuneytinu,
um fjárlög fyrir árið 2011. „Við erum
að reka ríkissjóð með gríðarlegum
halla og þurfum að vinda ofan af
því.“
Vinna við fjárlögin er að sögn
Nökkva langt á veg komin og hefur
gengið vel.
Í fjárlögunum er gert ráð fyrir
minni halla en á fjárlögum 2010 og að
svonefndur frumhalli ríkissjóðs
verði orðinn jákvæður. Í frumhall-
anum felast útgjöld og tekjur að
undanskildum vaxtajöfnuði en hann
hefur verið mjög óhagstæður. Er
þetta í samræmi við samstarfsáætl-
un við Alþjóðagjaldeyrissjóðinn en
með henni er ætlunin að vinna bug á
fjárlagahallanum. Stefnt er að því að
afgangur verði á fjárlögum árið
2013.
„Þá verður orðinn umtalsverður
afgangur á frumjöfnuðinum sem
dugar til að yfirvinna þennan óhag-
stæða vaxtajöfnuð líka,“ segir
Nökkvi en ætlunin er að þá skili
ríkissjóður tíu milljarða króna af-
gangi. Þá segir hann að færi skapist
til að grynnka á skuldum ríkisins.
Nánari upplýsingar segir Nökkvi
að verði ekki gefnar að svo stöddu;
þeirra sé ekki að vænta fyrr en fjár-
lögin hafa verið lögð fyrir Alþingi.
„Það er hefðin að þingið fái fyrst í
hendur frumvarpið og allar upplýs-
ingar sem það er reist á,“ segir hann.
Verður það strax og þingið tekur til
starfa í byrjun október að loknu
sumarleyfi.
Fyrir liggur að miðað er við að
skera niður um 9% í almennum
rekstri og rekstri stjórnsýslu- og
eftirlitsstofnana.
Hjá Ríkisútvarpinu er viðmiðið á
bilinu 9-10% en í heilbrigðiskerfinu,
framhaldsskólum og hjá lögreglu-
embættum er miðað við 5%.
„Nú er þetta bara í ráðuneytunum
og svo skilar fjármálaráðuneytið
þessu inn í þingið,“ segir Guðbjartur
Hannesson, formaður fjárlaganefnd-
ar Alþingis. Nefndin fær frumvarp
til fjárlaga fyrir árið 2011 til umfjöll-
unar þegar það hefur verið lagt fyrir
Alþingi.
„Við höfum verið að skoða tillögur
um breytingar á því hvernig staðið
er að fjárlagagerðinni,“ segir Guð-
bjartur og bætir við að hluti nefndar-
innar muni sitja fund um þær í dag.
„Við ætlum að fara í eftirlitshlut-
verkið okkar í næstu viku, skoða
stöðuna fyrstu sex mánuðina og fara
yfir þjóðarspána og ýmsar forsendur
fjárlaga [fyrir árið 2010],“ segir Guð-
bjartur en hann segir nákvæmt
skipulag ekki liggja fyrir.
Sviptingar á fjárlögum 2011
Vinda ofan af miklum fjárlagahalla Stefnt að 10 milljarða afgangi árið 2013
Fjárlaganefnd Alþingis athugar tillögur um breytt vinnubrögð við gerð fjárlaga
„Við ætlum í eftir-
litshlutverkið okk-
ar í næstu viku,“
segir Guðbjartur
Hannesson
Keppt var í fyrsta skipti um Thoroddsen-
bikarinn í árlegri lendingakeppni smáflugvéla á
Sandskeiði í gær og varð Arnar Þór Emilsson
hlutskarpastur með 35 stig. Í öðru sæti varð Þór-
hallur Óskarsson, sem flaug einni af þrem fis-
vélum keppninnar, hann var með 40 stig og Höð-
ur Guðlaugsson varð þriðji með 56 stig. Keppnin
var haldin til minningar um Atla heitinn Thor-
oddsen sem lést í fyrra langt um aldur fram en
Atli var hátt skrifaður í flugheiminum. Eftir
lendingakeppnina sýndi faðir Atla, Björn Thor-
oddsen, listflug.
Lendingakeppni á Sandskeiði
Morgunblaðið/Jakob Fannar
Guðmundur Sv. Hermannsson
gummi@mbl.is
Niðurstaða DNA-rannsóknar á lífsýnum úr Bobby Fischer
og filippseyskrar stúlku, Jinky Young, er að Fischer sé
ekki faðir stúlkunnar. Því hefur barnsfaðernismálið verið
fellt niður en enn er deilt um hver eigi að erfa Fischer,
systursynir hans eða meint eiginkona Fischers, Myoko
Watai.
Þórður Bogason, lögmaður stúlkunnar, staðfesti að rétt-
armeinadeild Landspítalans hefði sent lögmönnum sem
koma að málinu þann úrskurð sinn að Jinky Young gæti
ekki verið dóttir Fischers.
Marilyn Young, sem býr á Filippseyjum, hélt því fram
að hún hefði eignast barn með Fischer árið 2001. Hæsti-
réttur féllst á kröfu hennar um að tekið yrði lífsýni úr Fisc-
her til að fá úr því skorið hvort þetta væri rétt.
Fram hefur komið að Jinky heimsótti Fischer eftir að
hann kom til Íslands. Meðal gagna, sem lögð voru fyrir
dómstóla á Íslandi, var mynd af Young, Jinky og Fischer
uppi í rúmi árið 2004 og póstkort til Jinky frá Fischer en á
kortið er skrifað „Daddy“. Mæðgurnar heimsóttu Fischer
hér á landi árið 2005.
Deilur um hver sé lögmætur erfingi Fischers eru enn til
meðferðar í Héraðsdómi Reykjavíkur og verður næst rétt-
að í málinu í næsta mánuði.
Í desember í fyrra felldi Hæstiréttur úr gildi úrskurð
Héraðsdóms Reykjavíkur um að ekki þyrftu að fara fram
opinber skipti á dánarbúi Fischers. Féllst Hæstiréttur þar
með á kröfu systursona Fischer um að opinber skipti færu
fram og er niðurstaða Hæstaréttar byggð á því að ekki hafi
verið lögð fram fullnægjandi sönnun um að Fischer og
Myoko Watai hafi gengið í hjónaband. Watai hefur ekki
orðið við kröfu dómstólsins að leggja fram fullnægjandi
gögn sem staðfesta giftingu hennar og Fischers.
Fischer er ekki faðir Jinky
Gröf Fischers Deilur um hver sé lögmætur erfingi
Fischers eru til meðferðar í Héraðsdómi Reykjavı́kur.
Ekki er ljóst hver kemur
til með að erfa Bobby Fischer
Skrifstofa borgar-
stjóra hefur aug-
lýst starf „teymis-
stjóra í þjónustu-
og gæðamálum“
laust til umsókn-
ar. Um er að ræða
nýtt starf en að
sögn Regínu Ás-
valdsdóttur skrif-
stofustjóra stend-
ur yfir endurskipulagning á
skrifstofunni.
„Það er starfsmaður að hætta og
staða að losna og við notum því tæki-
færið til að gera breytingar og efla
gæðastarf á skrifstofunni,“ segir
Regína. Ekki verði því ráðið í stað
þess sem hættir en í staðinn ráðið í
starf teymisstjóra. Regína útilokar
ekki frekari breytingar á skrifstof-
unni.
Tíu á skrifstofu borgarstjóra
Tíu stöðugildi eru á skrifstofu
borgarstjóra fyrir utan borgarstjóra
og aðstoðarmann hans en að sögn
Regínu hefur þeim fækkað á árinu.
Meðal verkefna teymisstjórans verða
þróun og mótun gæðastefnu fyrir
skrifstofu borgarstjóra, skipulagning
dagskrár borgarstjóra, greining er-
inda sem skrifstofunni berast, und-
irbúningur viðburða, m.a. vegna mót-
töku í Höfða, ásamt ýmsum
rekstrarmálum að því er segir á vef
Reykjavíkurborgar. Umsókn-
arfrestur um starfið er til 26. ágúst.
Nýtt starf
hjá borg-
arstjóra
Jón Gnarr
Hluti af endurskipu-
lagningu Ráðhússins
www.noatun.is
Nóatúni
Nýttu þér nóttina í
Verslanir Nóatúns eru
opnar allan sólarhringinn
Kona sem slasaðist við hellaskoðun
við Miklafell í Eldhrauni í gær
reyndist tvíhálsbrotin, að sögn lög-
reglu en ekki var vitað nánar um
líðan hennar. Þyrla Landhelgis-
gæslunnar sótti konuna en hún
hafði dottið í helli og slasast á höfði.
Ítalskur ferðamaður, sem velti
bíl í Skaftártungu í gær, reyndist
einnig vera tvíhálsbrotinn. Hann
hlaut auk þess höfuðáverka.
Þá varð bílvelta á þjóðvegi 1
skammt fyrir austan Kirkjubæjar-
klaustur um hálffjögurleytið í gær.
Stór jeppi með lokaða flutnings-
kerru aftan í lenti í lausamöl úti í
kanti og valt en ökumaður slasaðist
lítið.
Tveir ferðamenn
illa slasaðir og jeppi
með kerru valt