Morgunblaðið - 18.08.2010, Blaðsíða 10
MORGUNBLAÐIÐ MIÐVIKUDAGUR 18. ÁGÚST 2010
10 Daglegt líf
Guðmundur Egill Árnason
gea@mbl.is
Huldu Hraunfjörð Péturs-dóttur, bóndakonu í Út-koti á Kjalarnesi, rithöf-undi, frístundamálara og
saumakonu, var margt til listanna
lagt en systir þessarar konu sem
saumaði, skrifaði og málaði, gaf ný-
lega út enn eina bókina eftir systur
sína. Bókin hefur að geyma sam-
ansafn af sögum úr æsku hennar, af
barngóðum hermönnum og ljúfu
Hershey’s „sjokklit“.
„Systir mín bað mig um að gefa
sögurnar sínar út rétt áður en hún
dó árið 1996. Ég gaf út fyrstu bókina
árið 2007 sem heitir Sykurmolinn og
í henni fjallar hún svolítið um
mömmu og pabba, hún fjallar um
verkamannafjölskyldu og sjúkra-
sögu hennar þegar hún brenndist
sex ára,“ segir Ólöf P. Hraunfjörð en
í nýju bókinni, Huldu-sögum, segir
systir hennar frá minningum sínum
af íslenskri fátækt og sambandinu
við herinn.
„Í þessari bók, Huldu-sögum,
segir hún frá því sem gerðist um ’28,
’29. Það er sagan Suðurpólarnir sem
er mitt uppáhald og svo fjallar hún
líka um heimsstyrjöldina. Hún fékk
reyndar verðlaun fyrir þá sögu árið
1978. Þá var Ríkisútvarpið að leita
að þeim sem gætu sagt eitthvað um
herinn og ættu einhverjar minn-
ingar. Ég sagði henni að ég ætlaði að
skrifa sögu en ég var svona sjö ára
þegar herinn var hérna þannig að ég
mundi allt öðruvísi eftir þessu en
hún. Það voru mjög margir sem tóku
þátt en þrír sem fengu verðlaun og
hún fékk fyrstu verðlaun. Sjálf fékk
ég bara viðurkenningu.
Hún Silja Aðalsteinsdóttir las
þá söguna upp fyrir útvarpið. Svo
sendi hún stundum sögur í keppni,
en ég vélritaði alltaf fyrir hana. Hún
var ógurlega dugleg og var í Bréfa-
skólanum og ætlaði sér að læra vél-
ritun en hún var með hjartagalla
þannig að hún þoldi ekki að vélrita
og kom þess vegna til mín með þetta
og ég sá gjarnan um það fyrir hana.“
Áður hefur Hulda fengið ýmis-
legt birt eftir sig, bæði stakar sögur
og tvö ritverk, Gullkistu þvotta-
kvenna og Sykurmolann.
„Ég var líka að vinna að því með
henni þegar gefin var út Gullkista
þvottakvenna, hún var líka gefin út
árið 2007 en ég var að hjálpa henni
við að setja hana inn í tölvu og svo
sótti hún um styrk hjá borginni og
talaði m.a. við Markús Örn þegar
hann var borgarstjóri og Ingibjörgu
Sólrúnu þegar hún var og fékk
styrkinn til að gefa þetta út. Það
voru svo þeir í Árbænum sem gáfu
út þessa bók. Hún kom sem sé ekki
út fyrr en eftir að hún dó og þá fór ég
að vinna í að gefa út allar sögurnar.
Huldu-sögur af
hernum og liðinni tíð
Nú getur að líta nýtt sögusafn eftir Huldu Hraunfjörð þar sem hún fjallar um árin
fyrir og eftir seinni heimsstyrjöld eins og hún upplifði tímann sjálf. Það var með
augum barnsins sem þekkti fátæktina og gamla íslenska erfiðið í árdaga velmeg-
unarinnar sem herinn átti eftir að hrinda af stað í landinu. Þeir voru barngóðir
hermennirnir en „Giv mí sjokklit“ var eina enskan sem börnin kunnu.
Stacy er þriggja barna móðir í
Bandaríkjunum sem heldur úti fjöl-
skylduvefsíðunni Kidsstuffworld-
.com. Börnin þrjú eignaðist hún á
fjórum árum og er nú heimavinnandi
húsmóðir en var áður í bandaríska
hernum.
Heimasíðan hennar er mjög inni-
haldsrík og fjölbreytt. Hún bloggar
um það sem hún gerir með börnum
sínum og gefur með því öðrum for-
eldrum hugmyndir að afþreyingu. En
hún er mjög dugleg við að gera ým-
iskonar skemmtilega hluti með
börnum sínum, hluti sem kosta lítið
og eru ánægjulegir.
Á síðunni má meðal annars finna
uppskrift að því hvernig er hægt að
gera sínar eigin gangstéttakrítar.
Það væri gaman fyrir þá sem eiga
litla krotara sem eyða krítunum
hratt að prófa að gera eigin krítar.
Stacy fjallar um uppeldi og má
líka finna ráðleggingar um hvernig á
að ná sem bestum ljósmyndum af
ungabörnum eða venja barnið sitt á
bókalestur. Það eru líka hugmyndir
að því hvernig má innrétta barna-
herbergi, það eru auðvitað upp-
skriftir að mat og kökum sem eru
góð fyrir börn og Stacy hvetur líka
til umhverfisvæns lífstíls.
Vefsíðan www.kidsstuffworld.com
Reuters
Börn Það má gera ýmislegt skemmtilegt með börnum sínum.
Dugleg og hugmyndarík móðir
Hattar og annarskonar höfuðföt
hafa verið móðins í dálítinn tíma.
Sumarið er kannski ekki tími
höfuðfata nema stráhatta sem hafa
einmitt sést heilmikið í sumar. Nú
fer tími hlýrri klæðaburðar að
renna upp og ekki gleyma að hatt-
ar fara einstaklega vel með kápum,
jökkum og treflum. Eini ókosturinn
við að bera hatt á Íslandi er rokið
sem hér lætur oft á sér kræla en
þá er bara að kunna að halda hatt-
inum á höfðinu án þess að missa
„kúlið“.
Hattar hefðu miklu fyrr mátt
komast aftur í tísku, þeir gefa þeim
sem þá bera ákveðinn virðu-
leikablæ. Konur og karlar með
hatta verða glæsilegri og virðulegri
og ekki er verra að geta tekið ofan.
Þeir sem finna sig ekki í hatta-
deildinni geta fengið sér pottlok,
alpahúfu eða hefðbundna prjóna-
húfu, það gengur allt saman upp.
Kynjaskipting í höfuðfötum er líka
alveg liðin, konur mega láta sjá sig
með pípuhatta, derhúfur eða kúlu-
hatta rétt eins og karlmenn. Það
fer öllum vel að ganga með hatt
svo endilega látið verða af því.
Endilega …
… fáið ykkur
höfuðfat
Hattakona Fyrirsætan Kate Moss
lætur oft sjá sig með hatt á höfði.
Grímur - vináttufélag heldur íbúahátíð á
Lynghagaleikvellinum í Vesturbæ
Reykjavíkur í dag. Grímur er vináttufélag
íbúa í Vesturbænum sem standa fyrir
endurbótum á leikvellinum við Lyng-
haga. Félagið hyggst stuðla að aukinni
notkun vallarins, að breyta honum í
hverfisgarð með þátttöku íbúa og ná-
granna á öllum aldri.
„Við byrjuðum á þessu verkefni í fyrra
og stilltum því upp til þriggja ára. Þetta
er annað árið sem við höldum íbúahátíð
og erum við að fagna tilvist garðsins
með henni,“ segir Ólafur Mathiesen, for-
maður Gríms.
Fólk mætir með nesti
„Íbúarnir tóku fljótt við sér í fyrra og
garðurinn er allur orðinn annar. Þeir
taka þátt í að huga að garðinum og hafa
fengið það á tilfinninguna að framlagi
þeirra sé vel tekið. Jafnframt hafa borg-
arstarfsmennirnir tekið við sér og svæð-
inu er orðið sinnt ágætlega.
Í haust fengum við ný ljós á einn
lampann og í vor fengum við tvö nestis-
borð með bekkjum og það hefur al-
gjörlega umbylt viðveru barnafólksins á
staðnum. Svo er fólk farið að koma hing-
að með nesti á hverjum degi, bæði há-
skólanemar og foreldrar. Eldra fólkið í
kringum okkur er líka að taka að sér
ákveðin beð og það eykur þeirra viðveru
á svæðinu,“ segir Ólafur um breyting-
arnar á vellinum eftir að Grímur tók
hann í fóstur.
Breyta svæðinu í hverfisgarð
Spurður hvort upphaflegt markmið
hafi gengið eftir þetta fyrsta ár jánkar
Ólafur því.
„Við stilltum þessu upp sem þriggja
ára verkefni, núna erum við komin í
gegnum fyrstu þröskuldana. Á Face-
book-síðunni okkar settum við það sem
markmið að þetta yrði skilgreint sem
hverfisgarður eftir árin þrjú. Þá verði
hægt að koma þangað, setjast niður á
bekk og horfa á aðra labba um eins og
maður gerir í borgum,“ segir Ólafur.
Íbúahátíðin fer fram í dag, á afmælis-
degi Reykjavíkurborgar, og hefst kl. 18.
Jón Gnarr borgarstjóri og Gísli Marteinn
Baldursson, formaður hverfaráðs Vest-
urbæjar, flytja ávarp, boðið verður upp á
skemmtiatriði og veitingar fyrir alla ald-
urshópa. Allir eru velkomnir.
ingveldur@mbl.is
Fjölskyldan
Íbúar breyta leikvelli í hverfisgarð
Morgunblaðið/Árni Sæberg
Hverfahátíð Frá fyrstu hátíðinni á Lynghagaleikvellinum í fyrra.
Hulda Hraunfjörð Höfundur er sjálf sögumaður þar sem við kynnumst
mörgu forvitnilegu frá tímabili sem hverfur með hennar kynslóð.