Morgunblaðið - 18.08.2010, Blaðsíða 36
MIÐVIKUDAGUR 18. ÁGÚST 230. DAGUR ÁRSINS 2010
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 350 ÁSKRIFT 3890 HELGARÁSKRIFT 2400 PDF Á MBL.IS 2200
1. Maður í haldi
2. Hryllingur á Húsavík
3. Með svipuð laun og borgarstjóri
4. Maðurinn látinn laus
»MEST LESIÐ Á mbl.is
FÓLK Í FRÉTTUM
Auður Ava Ólafsdóttir hefur verið
tilnefnd til Prix Roman du Fnac í
Frakklandi fyrir bókina sína Afleggj-
arinn en hún var einnig tilnefnd til
Bókmenntaverðlauna Norður-
landaráðs árið 2009.
Tilnefnd til Prix
Roman du Fnac
Dagskrá Menn-
ingarnætur var
kynnt í strætó-
ferð um miðborg-
ina þar sem Skúli
Gautason,
verkefnastjóri
viðburða, skýrði
frá dagskránni
sem virðist lofa
mjög góðu. Þá var borgarstjóri með
í för og hélt stutta tölu en ljóst er
að mikill kraftur leynist í Reykjavík-
urborg sem ætti að nýtast í fram-
tíðinni. »30
Borgarstjóri í strætó-
ferð um miðborgina
Ekki alls fyrir löngu tilkynnti leik-
arinn góðkunni um brotthvarf sitt af
hvíta tjaldinu og eftir að nýtt og afar
dularfullt myndskeið kom út úr heim-
ildarmynd um hann,
vilja sumir meina
að um gabb hafi
verið að ræða
og hann hafi
framið
stærsta gjörn-
ing Hollywood-
sögunnar. »29
Joaquin Phoenix virð-
ist hafa platað fólk
Á fimmtudag Norðaustanátt, 3-10 m/s, en hvassara við suðausturströndina. Víða
léttskýjað á vestanverðu landinu, en skýjað og úrkomulítið eystra. Hiti 10 til 20 stig.
Á föstudag Norðanátt og rigning eða súld, en yfirleitt þurrt sunnan- og vestanlands.
Kólnandi veður.
SPÁ KL. 12.00 Í DAG Norðaustan 8-15 m/s og fer að rigna um austanvert landið, en
bjart framan af degi suðvestantil. Hiti 10 til 20 stig, hlýjast suðvestanlands.
VEÐUR
Sænska knattspyrnufélagið
Kristianstad, sem er með
þrjá íslenska leikmenn og
einn þjálfara á launaskrá
sinni, á á hættu að þurfa að
spila í 1. deild á næstu leik-
tíð vegna fjárhagsörðug-
leika. Átta fyrrverandi
leikmenn liðsins
ætla að stefna
félaginu og fara
fram á að það
verði tekið til
gjaldþrotaskipta. »1
Íslendingafélag
í vandræðum
Ryan Giggs, hinn gamalreyndi leik-
maður Manchester United, hefur náð
þeim einstæða árangri að skora fyrir
liðið á 21 tímabili í röð í
efstu deild í ensku
knattspyrnunni. Giggs
hafði þegar skorað fyr-
ir United tvö ár í röð
áður en úrvals-
deildin var
stofnuð árið
1992. »4
Giggs hefur skorað á 21
tímabili í röð
Toppliðin þrjú í 1. deild karla í knatt-
spyrnu gerðu öll jafntefli þegar heil
umferð fór fram í gærkvöldi. Aðeins
sjö stigum munar á toppliði Leiknis
R. og Fjölni sem er í 5. sæti nú þegar
fimm umferðir eru eftir af deildinni.
Fjarðabyggð og Njarðvík virðast hins
vegar ætla að kveðja deildina en
hvorugu liðinu tókst að innbyrða sig-
ur í gærkvöldi. »2-3
Hnífjöfn barátta um
úrvalsdeildarsæti
ÍÞRÓTTIR
Hjörtur J. Guðmundsson
hjorturjg@mbl.is
„Við ætlum að vígja húsið formlega í
lok mánaðarins þannig að þetta er
bara allt að bresta á,“ segir Ingi-
björg Ösp Stefánsdóttir, fram-
kvæmdastjóri menningarhússins
Hofs á Akureyri sem verið er að
leggja lokahöndina á þessa dagana.
Fyrsta skóflustungan að húsinu
var tekin 15. júlí árið 2006. Upphaf
verksins má rekja til ársins 1999
þegar ákveðið var að reist yrði eitt
slíkt menningarhús í hverjum lands-
fjórðungi og er Hof fyrsta húsið sem
lokið er við af þeim.
Góðir gestir við vígslu
Þriggja daga opnunarhátíð verður
dagana 27. til 29. ágúst nk. en sjálf
vígsla menningarhússins Hofs fer
fram 28. ágúst. Viðstaddir vígsluna
verða margir góðir gestir, þ.á m.
Ólafur Ragnar Grímsson, forseti Ís-
lands, Katrín Jakobsdóttir, mennta-
málaráðherra, og Steingrímur J.
Sigfússon, fjármálaráðherra.
„Síðan mun Sinfóníuhljómsveit
Norðurlands spila nýtt verk sem
Hafliði Hallgrímsson samdi sér-
staklega vegna þessa tilefnis og
nefnist Hymnos. Svo ætlar Kristján
Jóhannsson að koma og syngja fyrir
okkur í tilefni af þessum tímamótum
auk þess sem fleiri frábærir lista-
menn munu koma fram,“ segir Ingi-
björg.
Þá verður opið hús að kvöldi
vígsludagsins þar sem gestir og
gangandi geta komið og skoðað
bygginguna.
Táknrænt upphaf
„Síðan tökum við smá forskot á
sæluna á föstudagskvöldinu. Þá ætl-
ar listakonan Lay Low að koma
fram á tónleikum með nemendum úr
Tónlistarskólanum á Akureyri og
Tónlistarskóla Eyjafjarðar og fleiri
góðum gestum og við bjóðum öllu
ungu fólki 20 ára og yngri á þá tón-
leika,“ segir Ingibjörg.
Áhersla á fjölbreytnina
Hún segir að hugmyndin sé að það
verði táknrænt að opnunarhátíðin
hefjist á atburði þar sem ungir lista-
menn eru á sviðinu og ungir áhorf-
endur í salnum og þannig send skýr
skilaboð um að menningarhúsið sé
fyrir alla aldurshópa.
„Við höfum haft það að leiðarljósi
að fjölbreytileikinn sé í fyrirrúmi.
Við verðum með þónokkuð mikið af
viðburðum sem höfða til barna og
unglinga og sem eru hugsaðir fyrir
fjölskylduna. Þannig að ég trúi því
að allir geti fundið eitthvað við sitt
hæfi í dagskránni okkar.“
Menningarhúsið Hof fyrir alla
Menningarhús
vígt á Akureyri í
lok mánaðarins
Ljósmynd / Menningarhúsið Hof
Hof Menningarhúsið Hof á Akureyri verður formlega vígt 28. ágúst nk. við hátíðlega athöfn að viðstöddum ýmsum
góðum gestum. Þá mun Kristján Jóhannsson syngja og Sinfóníuhljómsveit Norðurlands flytja frumsamið verk.
Hvenær hófst vinna við byggingu
menningarhússins Hofs?
Fyrsta skóflustungan að menning-
arhúsinu var tekin 15. júlí árið 2006
en skrifað var undir samninga um
að það yrði reist árið 2003. Upphaf
málsins má þó rekja aftur til ársins
1999 þegar upphaflega var tekin
ákvörðun um byggingu eins slíks
menningarhúss í hverjum lands-
fjórðungi.
Fyrir hvaða starfsemi verður
menningarhúsið?
Stefnt er að því að margbreytileg
starfsemi fari fram í menningarhús-
inu sem höfði til sem flestra aldurs-
hópa. Er lögð áhersla á að sem
flestir geti fundið eitthvað sem
höfði til sín í dagskrá hússins, full-
orðnir, börn og unglingar. Þá munu
Tónlistarskólinn á Akureyri, Akur-
eyrarstofa, Leikfélag Akureyrar og
Sinfóníuhljómsveit Norðurlands
hafa aðsetur í húsinu.
Hvar á Akureyri er menningar-
húsið?
Menningarhúsið stendur á uppfyll-
ingu sunnan Strandgötu og austan
Glerárgötu eða m.ö.o. við miðbæ
Akureyrar.
Spurt & svarað