Morgunblaðið - 01.12.2010, Blaðsíða 4

4 FRÉTTIRInnlent
MORGUNBLAÐIÐ MIÐVIKUDAGUR 1. DESEMBER 2010
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti
vidsk@mbl.is Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is
Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Prentun Landsprent ehf.
Nú er tími til að gefa
...og líka þiggja.
Skráðu þig á americanexpress.is og fáðu tvöfalda
Vildarpunkta Icelandair af allri veltu fram að jólum!
Jólabónus
American Express
FRÉTTASKÝRING
Kristján Jónsson
kjon@mbl.is
Besti flokkurinn og Samfylkingin
lögðu fram fjárhagsáætlun fyrir
2011 til fyrri umræðu á borgar-
stjórnarfundi í gær og segja þeir að
mánaðarleg útgjöld hjá meðalfjöl-
skyldu muni aukast um allt að 4.100
krónur. Í yfirlýsingu frá Sjálfstæðis-
flokknum segir hins vegar að barna-
fjölskyldur þurfi að auka útgjöld sín
um 8.000-12.000 kr. á mánuði. Jón
Gnarr borgarstjóri sagði í ræðu sinni
að loka hefði þurft fimm milljarða
króna gati vegna minni tekna og
aukins kostnaðar og taka hefði þurft
erfiðar ákvarðanir.
„Það er óhugsandi að hagræða um
fimm milljarða án þess að það bitni á
einhverjum,“ sagði borgarstjóri. En
áhersla hefði verið lögð á að verja
sérstaklega velferðarþjónustuna.
Fjárhagsaðstoð verður hækkuð frá
áramótum og segir borgarstjórnar-
meirihlutinn að farin sé „blönduð
leið, hagræðing í rekstri, hækkun
þjónustugjalda og útsvarshækkun“.
Ný útgjöld
Þótt borgarstjóri ræði um fimm
milljarða gat sem þurfi að loka er at-
hyglisvert að 65% af því gati eru til
komin vegna þess sem nefnt er einu
nafni „kostnaðarauki“. Þar er í
reynd um að ræða ný útgjöld sem
efnt er til þótt skorið sé niður á öðr-
um sviðum. Sjálfstæðismenn hafa
m.a. andmælt fyrirhugaðri hækkun
á fjárhagsaðstoð, skynsamlegra sé
að beita forvirkum aðferðum til að
draga úr atvinnuleysi. Með einhliða
hækkun aðstoðarinnar sé verið að
gera það hagkvæmara að vera at-
vinnulaus en á lágum launum.
Álögur og samdráttur
Dagur B. Eggertsson, formaður
borgarráðs, sagði útsvar hækka úr
13,03% í 13,20%, fasteignaskatt úr
0,214% í 0,225% og lóðaleigu úr
0,08% í 0,165%. Í umræðum um fjár-
hagsáætlunina í borgarstjórn fyrr
um daginn harmaði Sóley Tómas-
dóttir, fulltrúi VG, niðurstöðuna.
„Þessi staðreynd – að hér stendur til
að skilja eftir 0,08% ónýtt útsvar en
auka jaðarskatta svo um munar –
gerir það að verkum að við Vinstri
græn teljum grunnhugmyndafræð-
ina óásættanlega.“
Hanna Birna Kristjánsdóttir, leið-
togi borgarstjórnarflokks sjálfstæð-
ismanna, minnti á kosningaloforð
borgarstjóra um að skattar yrðu
ekki hækkaðir. „Hér er farin leið
sem flest lönd í kringum okkur vilja
ekki fara sökum þess að hún hægir
enn frekar á umsvifum í samfélaginu
og lengir kreppuna,“ sagði Hanna
Birna. „Þau lönd sem eru að ná ár-
angri hafa einbeitt sér að því að auka
tekjur og minnka álögur á íbúa til
þess að koma hagkerfinu af stað.
Nú hefur verið tekin sú ákvörðun í
Reykjavík að fara leið ríkisstjórnar-
innar og reyna að skattleggja sig út
úr kreppunni.“
Velferðin sögð í fyrirrúmi
 Jón Gnarr segir fimm milljarða króna hagræðingu erfiða og hún hljóti að bitna á einhverjum
 Hanna Birna Kristjánsdóttir telur meirihlutann ætla að „skattleggja sig út úr kreppunni“
Álögur hækka í Reykjavík
Skatttekjur Áætlun 2010 í mkr. Áætlun 2011 í mkr.
Fasteignaskattur á íbúðum 2.600 2.446
Fasteignaskattur af atvinnuhúsnæði 7.000 6.804
Fasteignaskattur opinberar byggingar 1.790 1.755
Lóðarleiga íbúðir 130 253
Lóðarleiga atvinnuhús & opinb. húsn. 680 609
Fasteignagjöld alls, mkr. 12.200 11.867
*15%meðaltal
Fjölskylda 1
Fullorðnir: 1 Mánaðartekjur f. skatta: 300.000
Börn: 2 [ á leiksóla: 1, í grunnskóla: 1, á frístundaheimili: 1 ]
Fasteignamat húsnæðis og lóðar: 20.000.000 | Fasteignamat lóðar*: 3.000.000
Greitt á ári 2010 2011
Útsvar 469.080 475.200
Fasteignaskattur íbúðir 47.251 45.000
Lóðarleiga 2.650 4.950
Leikskólagjöld 146.484 154.320
Skólamatur 45.000 49.500
Frístundaheimili 75.285 90.342
Útjgöld alls
2010 785.750
2011 819.312
Hækkun á mánuði:
2.797 kr.
Fjölskylda 2
Fullorðnir: 2 Mánaðartekjur f. skatta: 600.000
Börn: 2 [ á leiksóla: 1, í grunnskóla: 1, á frístundaheimili: 1 ]
Fasteignamat húsnæðis og lóðar: 20.000.000 | Fasteignamat lóðar*: 3.000.000
Greitt á ári 2010 2011
Útsvar 938.160 950.400
Fasteignaskattur íbúðir 47.251 45.000
Lóðarleiga 2.650 4.950
Leikskólagjöld 247.860 261.121
Skólamatur 45.000 49.500
Frístundaheimili 75.285 90.342
Útjgöld alls
2010 1.356.206
2011 1.401.313
Hækkun á mánuði:
3.759 kr.
Fjölskylda 3
Fullorðnir: 2 Mánaðartekjur f. skatta: 800.000
Börn: 2 [ á leiksóla: 1, í grunnskóla: 1, á frístundaheimili: 1 ]
Fasteignamat húsnæðis og lóðar: 20.000.000 | Fasteignamat lóðar*: 3.000.000
Greitt á ári 2010 2011
Útsvar 1.250.880 1.267.200
Fasteignaskattur íbúðir 47.251 45.000
Lóðarleiga 2.650 4.950
Leikskólagjöld 247.860 261.121
Skólamatur 45.000 49.500
Frístundaheimili 75.285 90.342
Útjgöld alls
2010 1.668.926
2011 1.718.113
Hækkun á mánuði:
4.099 kr.
samkvæmt fjárhagsáætlun
Morgunblaðið/Eggert
Saman Fulltrúar meirihlutans kynna fjárhagsáætlunina í Ráðhúsinu í gær.
Gylfi Arnbjörnsson, forseti Alþýðu-
sambands Íslands, var staddur í út-
löndum í gær og vildi því ekki tjá sig
að svo stöddu um skattahækkanirn-
ar í Reykjavík og áhrif þeirra. Sig-
urður Bessason, formaður Eflingar
stéttarfélags, segir of snemmt að
meta hvaða áhrif þær geti haft á
kröfur í kjarasamningunum.
„En auðvitað minnka ráðstöfunar-
tekjur fólks við skattahækkanir og
það er hætta á að það hafi síðan áhrif
yfir í samfélagið með samdrætti,“
segir Sigurður. „Þá höfum við nátt-
úrulega áhyggjur af störfum.“ Hann
segir að sama sé hvar menn hækki
og hve lítið, allt hafi þetta sín áhrif á
kjör fólks. En menn hafi ekki séð
neinar tölur ennþá um það hvaða
áhrif þetta muni
hafa á vísitöluna.
„Hættan er sú
að þetta sé að
gerast mjög víða í
samfélaginu,
hvort sem er hjá
ríkinu eða sveit-
arfélögunum. Allt
er þetta skattfé
tekið úr sömu
buddunni og hefur áhrif á afkomu
fólks. Og síðan inn í samfélagið með
auknum samdrætti.“
Viðskipti og öll athafnasemi
minnki þegar álögur hækki, alls
staðar dragi úr veltunni.
„Að vísu tala þeir um að þeir muni
reyna að verja störfin eins og hægt
er. Auðvitað fögnum við sérhverri
yfirlýsingu um að það sé reynt.“
– En hefði átt að fara varlegar í
þessar hækkanir?
„Nú er verið að kynna fjárhags-
áætlun og borgarstjórnin á væntan-
lega eftir að ræða tillöguna frekar.
En við hefðum viljað að farið væri
vægar í allar skattahækkanir. Sér-
staklega núna þegar við erum að
fara inn í veturinn, að menn hugsi
frekar um það hvernig þeir geti eflt
atvinnulífið til að koma skattstofn-
unum aftur í gang. Ef eina leiðin fyr-
ir okkur er sú að fara í gegnum nið-
urskurð aftur og aftur og síðan
skattahækkanir þá förum við bara
mjög hratt niður spíralinn.“
kjon@mbl.is
„Allt er þetta skattfé
tekið úr sömu buddunni“
 Formaður Eflingar óttast áhrif hækkana í Reykjavík
Sigurður Bessason
Sjálfstæðismenn í borgarstjórn eru mjög ósammála út-
reikningum meirihlutans á því hvernig hækkanirnar
muni koma niður á almenningi. Segja þeir að barna-
fjölskyldur muni þurfa að taka á sig 100-150 þúsund
króna útgjaldaaukningu á ári, 8.000-12.000 kr. á mán-
uði. Um sé að ræða sögulega háar hækkanir á álögum á
borgarbúa, þrátt fyrir góða stöðu borgarsjóðs. Lækkun
sem fasteignaeigendur hefðu átt að njóta vegna lækk-
andi fasteignamats sé þurrkuð út með því að hækka
fasteignaskatta og lóðagjöld. Systkinaafsláttur í leik-
skólum fari úr 100% í 75%. Einnig hækki sorphirða um
10% og fjöldi annarra liða eins og skólamáltíðir, sund,
ferðir í fjölskyldu- og húsdýragarðinn, menningarkort
og sumarnámskeið fyrir börn.
Sjálfstæðismenn taka m.a. dæmi af fjölskyldu með
alls 700 þúsund króna tekjur á mánuði, tvö börn í leik-
skóla og eitt í grunnskóla. Fasteignamat íbúðarinnar er
24 milljónir og lóðaverð hennar 3,6 milljónir.
Leikskólagjöldin hækka á næsta ári úr kr. 227.205 í
kr. 239.360, skólamáltíðir úr 52.500 í 57.750, sorp-
hirða úr 16.300 í 21.300. Fasteignaskattar lækka að
vísu úr kr. 51.360 í 48.600 en lóðaskattur hækkar hins
vegar úr 2.880 í 5.346. Útsvar hækkar úr kr. 1.050.739
í 1.064.448, gjöld til Orkuveitunnar úr 105.600 í
134.400. Gjöld vegna frístunda fara úr kr. 87.833 í
105.399 og síðdegishressing fer úr kr. 22.575 í 27.090.
Samanlögð útgjaldahækkun fjölskyldunnar á næsta ári
er því 165.322 krónur.
Meðalfjölskylda borgi 165.000 krónum meira
NIÐURSTAÐA SJÁLFSTÆÐISMANNA ALLT ÖNNUR EN MEIRIHLUTANS