Morgunblaðið - 10.12.2010, Blaðsíða 12

12 FRÉTTIRInnlent
MORGUNBLAÐIÐ FÖSTUDAGUR 10. DESEMBER 2010
BAKSVIÐ
Andri Karl
andri@mbl.is
„Starfsfólkið hefur verið að gantast
með það hér að það vildi óska þess að
desembermánuður væri bara búinn.
Og það er ekki oft sem fólk óskar
þess að missa af jólunum og hátíð-
arhöldunum. Þannig að þetta hefur
sannarlega tekið á starfsmannahóp-
inn,“ segir Sigríður Kristjánsdóttir,
framkvæmdastjóri svæðisskrifstofu
málefna fatlaðra á Reykjanesi, og
vísar til þess að starfsfólk vilji fá
ýmsa hluti á hreint sem tengjast
flutningi málefna fatlaðra til sveitar-
félaganna.
Taka ber fram að allar starfsein-
ingar fara beint yfir til sveitarfélaga
og starfsfólk þar heldur sömu laun-
um – og stéttarfélagi. Svæðisskrif-
stofurnar sjálfar verða hins vegar
lagðar niður með þeim störfum sem
þar er að finna. Starfsfólk hefur þó
ekki enn fengið uppsagnarbréf, enda
ekki búið að samþykkja frumvarp til
laga um flutninginn. „Stjórnsýslu-
lega séð geta þeir ekki sagt okkur
upp fyrr en búið er að samþykkja
lögin, en við héldum að um leið og
fyrsta samkomulagið var undirritað
hefði verið hægt að gera samninga
við starfsfólk,“ segir Sigríður og vís-
ar til 7. greinar samkomulagsins
milli ríkisins og Sambands íslenskra
sveitarfélaga. Í greininni segir að
sveitarfélögin muni leitast við að
bjóða starfsmönnum skrifstofanna í
umsýslu og ráðgjöf störf.
Landslag misjafnt
eftir svæðum
Landslagið er raunar misjafnt eft-
ir skrifstofum, sem eru sex, þ.e. í
Reykjavík, á Reykjanesi, Vestur-
landi, Vestfjörðum, Austurlandi og
Suðurlandi. Þannig hefur tveimur af
fjórum starfsmönnum á skrifstof-
unni á Vestfjörðum verið boðið starf.
Á Vesturlandi hefur hins vegar að-
eins einum af þremur ráðgjöfum ver-
ið boðið starf en engu skrifstofufólki.
Og á Reykjanesi hafa þrír af nítján
starfsmönnum fengið munnlegt lof-
orð um starf en ekkert skriflegt. Þar
hefur fólk hins vegar verið hvatt til
að sækja um þau störf sem verða
auglýst.
Svo virðist sem engri skrifstofu sé
hægt að loka um áramót því tölu-
verður frágangur er eftir. Laufey
Jónsdóttir, framkvæmdastjóri skrif-
stofunnar á Suðurlandi, segir víst að
starfsmenn vinni uppsagnarfrest eða
hluta af honum. „Það þarf að ganga
frá skrifstofunum, öllum skjölum og
senda upplýsingar.“
Magnús Þorgrímsson, fram-
kvæmdastjóri skrifstofunnar á Vest-
urlandi, tekur undir það, að ganga
þurfi frá. Hann segir stöðuna hins
vegar mjög óþægilega. „Við þyrftum
líklega nokkra mánuði til að gera
þetta sómasamlega, en við vitum
ekkert hvað við höfum langan tíma
og höfum verið að keyra okkur út
undanfarið.“
Sigríður segist telja að ráðuneytið
sé að leggja drög að því hverjir eigi
að halda áfram vinnu eftir lokunina.
„og það er þá jafnvel í höndum fram-
kvæmdastjóranna að ákveða. En
fólki finnst þetta vissulega óþægi-
legt. Það veit ekki hvort það verður
látið hætta 1. janúar eða gert að
vinna í þrjá mánuði í frágangsmál-
um. Það er þessi óvissa sem hefur
verið í langan tíma og nú er komið
vel inn í desember.“
Óviðunandi óvissa
Þeir sem helst hafa verið ráðnir
eða lofað störfum hjá sveitarfélög-
unum eru ráðgjafar svæðisskrifstof-
anna. Þeir eru þó margir hverjir
einnig í óvissu. „Þeir eru að sinna
fólki um allt Vesturland og kannski
með mál í gangi sem þeir vita ekki
hvort þeir getur haldið áfram með
eftir áramót. Hvort þeim verði yf-
irleitt sinnt áfram. Gagnvart skjól-
stæðingum sem við veitum þjónustu
er þetta mjög óþægilegt,“ segir
Magnús en líkt og áður segir hefur
einum af þremur ráðgjöfum verið
lofað starfi. „Víst hefur verið ámálg-
að við þau eitt og annað. Að ámálga
er bara allt annað en að hafa hlutina í
hendi. Fólk veit ekki hvað felst í
þessu. Þessi óvissa er óviðunandi.“
Laufey segir það sína skoðun að
ráðgjafarþjónustan hefði átt að
fylgja með í samningnum. „Starfs-
menn á einingunum fara yfir á
óbreyttum launum en það er ekki
sjálfgefið með ráðgjafana.“
Allir framkvæmdastjórarnir
missa vinnu sína en tóku fram að það
væri eðlilegur fórnarkostnaður. Um
væri að ræða mikið framfaraskref og
auðvelt að fórna sér fyrir góðan mál-
stað.
Starfsfólk á svæðisskrifstofum um
málefni fatlaðra lifir í mikilli óvissu
Morgunblaðið/Kristinn Ingvarss
Fatlaðir Ekki er hægt að ganga út af svæðisskrifstofum málefna fatlaðra 1. janúar. Ganga þarf frá lausum endum.
 Skrifstofufólk veit ekki hvað gerist um áramót þegar málaflokkurinn á að færast til sveitarfélaganna
Frumvarp til laga um breytingu á
lögum um málefni fatlaðra var
rætt í félags- og trygginga-
málanefnd Alþingis í gærmorgun.
Fyrsta umræða hefur þegar farið
fram og tók hún um tvær klukku-
stundir.
Enn eiga eftir að fara fram önn-
ur og þriðja umræða um frum-
varpið og óvíst hvenær málið
kemst á dagskrá. Hins vegar er
ljóst að málið verður að afgreiða
fyrir jólafrí Al-
þingis enda
eiga lögin að
taka gildi 1. jan-
úar nk.
Ólafur Þór
Gunnarsson
nefndarmaður
segir góðan
gang í vinnunni
og yfirgnæfandi líkur á að málið
fái afgreiðslu Alþingis fyrir jól.
Gengur vel og ætti að klárast
RÆTT Í FÉLAGSMÁLANEFND ALÞINGIS Í GÆRMORGUN
Ólafur Þór
Framkvæmda- og eignasvið Reykja-
víkur hefur frestað framkvæmdum
við göngu- og hjólastíg neðan við
Grundarhverfi á Kjalarnesi. Það
leggur áherslu á að ákvarðanir um
framhald lagningar stígsins „verði
teknar í samráði við Hverfisráð og
Íbúasamtök Kjalarness. Þar til sú
ákvörðun liggur fyrir hefur fram-
kvæmdum verið frestað,“ sagði í til-
kynningu sviðsins í gær.
Íbúar sem búa næst fyrirhuguðum
göngustíg voru ósáttir við hæð og út-
lit stígsins og skrifuðu 34 undir mót-
mæli sem skilað var fyrr í vikunni.
Ámundi V. Brynjólfsson, skrif-
stofustjóri framkvæmda- og eigna-
sviðs, sagði að göngustígur hefði ver-
ið teiknaður meðfram ströndinni á
þessum slóðum og má sjá hann á
deiliskipulagi frá 1998. Þar er ekki
tilgreint hvernig stígurinn verði
uppbyggður. Orkuveita Reykjavíkur
fór síðan í fráveituframkvæmdir á
Kjalarnesi og var lagður bráða-
birgðavegur meðfram ströndinni
þannig að malarlagi var sturtað ofan
á tún. Hverfisráð Kjalarness óskaði
eftir því í bókun 4. nóvember 2009 að
bráðabirgðavegurinn yrði ekki fjar-
lægður eftir fráveituframkvæmdirn-
ar fyrr en kannað hefði verið hvort
nýta mætti hann sem göngustíg.
Rætt var um málið á fundi ráðsins
23. september sl. og greint frá
óánægju íbúa varðandi stíginn.
Ámundi sagði að framkvæmdasvið
hefði ekki verið sérlega ginnkeypt
fyrir því að nýta vinnuveginn undir
göngustíg. Venjulega sé stígstæðið
grafið upp og fyllt í það og stígurinn
lagaður að landinu. Þegar verktaki
mætti til vinnu við stíggerðina átt-
uðu íbúar sig á því að bæta þurfti möl
í bráðabirgðaveginn og hækka hann
upp.
Ásgeir Harðarson, formaður
Íbúasamtaka Kjalarness, segir að
flestir séu óhressir með þá lausn að
gera upphækkaðan göngustíg. Með
upphækkuninni verði stígurinn svo
hár að fólk horfi af honum niður í
stofurnar hjá íbúum sem næst búa.
Ásgeir kvaðst vona að malarfyll-
ingin yrði hreinsuð upp og að gerður
yrði stígur sem falli vel að landinu.
Hann segir að Kjalnesingar vilji fá
göngustíga. gudni@mbl.is
Framkvæmdum við
göngustíg frestað
Íbúar á Kjalarnesi
ósáttir við hæð og
legu göngustígs
Morgunblaðið/Árni Sæberg
Stígurinn Íbúar við Esjugrund voru óánægðir með hvað stígurinn yrði
áberandi og sendu inn mótmæli. Framkvæmdinni hefur nú verið frestað.
Í tilefni opnunar á sýningarrými okkar
í Sóltúni 20 verðum við með opið hús
laugardaginn 11. des. kl. 12-16.
Hönnuður innréttinganna Valgerður Á. Sveinsdóttir
innanhússarkitekt fhi verður á staðnum.
Eldhúsval
Sóltúni 20 - 105 Reykjavík - sími 561 4770
Opið hús