Morgunblaðið - 18.12.2010, Síða 24

Setja þarf framfærsluviðmið, auka
upplýsingaflæði og aðgengi að frek-
ari menntun. Þetta eru lykilskilaboð
fundar með þjóðfundarsniði sem
haldinn var í tilefni Evrópuárs gegn
fátækt og félagslegri einangrun.
„Niðurstaða fundarins var meðal
annars sú að það skipti máli að hlúa
að einstaklingnum og allt verklag
verði einfaldað,“ segir Bjarni Snæ-
björn Jónsson stjórnunarráðgjafi
sem kynnti niðurstöður fundarins í
Ráðhúsinu í gær. Hjálpa þyrfti þeim
sem fastir væru í viðjum fátæktar að
koma undir sig fótum og auka hvetj-
andi umræðu um málaflokkinn.
Markmiðið væri ekki að komast á
bætur heldur að allir nytu hæfileika
sinna. Lokaráðstefna Evrópuársins
fór fram í Ráðhúsi Reykjavíkur í
gær þar sem verkefni ársins voru
kynnt.
„Evrópuárinu lýkur senn en bar-
áttunni gegn fátækt og félagslegri
einangrun er síður en svo lokið. Mik-
ilvægur grunnur hefur hins vegar
verið lagður með þessu átaki þar
sem fjölda verkefna hefur verið ýtt
úr vör,“ sagði Guðbjartur Hann-
esson, félags- og trygginga-
málaráðherra. Hann sagði mik-
ilvægt að halda baráttunni áfram
þrátt fyrir að Evrópuárinu lyki senn.
Atvinnuleysi og heilsufar
Efnahagskreppan undanfarin ár
hefur haft áhrif á andlega líðan at-
vinnulausra í landinu. Þetta er ein
meginniðurstaða rannsóknar sem
Ása Guðbjörg Ásgeirsdóttir, dokt-
orsnemi í lýðheilsuvísindum við Há-
skóla Íslands, vann í tengslum við
verkefnið Evrópuár gegn fátækt og
félagslegri einangrun. Í rannsókn-
inni voru skoðuð tengsl atvinnuleys-
is í kjölfar kreppunnar og heilsu og
líðunar. Skoðað var sérstaklega
hvaða áhrif félagslegur stuðningur
og heilsutengd hegðun hafi á þetta
samband.
Ása bar meðal annars saman tvo
hópa fólks. Annars vegar fólk með
fasta vinnu árin 2007 og 2009 hins
vegar fólk sem hafði vinnu árið 2007
en hafði misst vinnuna árið 2009. At-
hygli vekur að helmingur hópsins
sem hafði misst vinnuna var aðeins
með grunnskólapróf. Atvinnulausir
einstaklingar stunda síður líkams-
rækt og eru líklegri til að vera reyk-
ingamenn. Margir telja sig búa við
Allir fái notið
hæfileika sinna
 Auka þarf námsmöguleika fátæks
fólks og þeirra sem eru án atvinnu
meira álag í einkalífinu og segjast
finna fyrir slakari félagsstöðu.
„Atvinnulaust fólk upplifir sig í
ákveðinni biðstöðu, þar sem skiptast
á miklar væntingar og vonbrigði í
kjölfar atvinnuumsókna,“ segir Ása.
Viðbrögð við þessu sé gjarnan reiði
út í stjórnvöld.
Ása sagði mikilvægt að auka
möguleika atvinnulausra til að
mennta sig. Einnig þyrfti nauðsyn-
lega að hækka lágmarkslaun því of
lítill munur væri á lægstu launum og
bótum. Slíkt væri ekki nægilega
hvetjandi umhverfi fyrir atvinnu-
lausa. hjaltigeir@mbl.is
Morgunblaðið/aðsent
Evrópuár Niðurstöðurnar voru
kynntar í Ráðhúsinu í gær.
Evrópuár
» Árið 2010 var Evrópuár
gegn fátækt og félagslegri ein-
angrun.
» Alls 21 verkefni og rann-
sóknir fengu styrk í tengslum
við Evrópuárið.
» Niðurstöður verkefnisins
voru kynntar í Ráðhúsinu í gær.
» Setja þarf framfærslu-
viðmið, auka upplýsingaflæði
og aðgengi að frekari menntun
24 FRÉTTIRInnlent
MORGUNBLAÐIÐ LAUGARDAGUR 18. DESEMBER 2010
Björn Jóhann Björnsson
bjb@mbl.is
Stóru bankarnir þrír; Landsbankinn,
Íslandsbanki og Arion banki, verja
um 110 milljónum króna á ári til góð-
gerðarsamtaka og líknarfélaga og
enn hærri fjárhæðum ef styrkir til
menningarmála, íþrótta og mennta-
mála eru teknir með í reikninginn.
Viðskiptavinum Landsbanka og
Íslandsbanka gefst færi á að styrkja
góðgerðarsamtök með reglulegum
framlögum gegnum heimabankana.
Þannig eru á lista hjá Landsbank-
anum 85 félög og samtök hvers kon-
ar. Að sögn Kristjáns Kristjánsson-
ar, upplýsingafulltrúa Lands-
bankans, hafa frá árinu 2006 um 5
milljónir króna komið á ári til félag-
anna með þessum hætti. Alls ver
bankinn um 40 milljónum króna á ári
til góðgerðarfélaga og hjálparstofn-
ana og má þar m.a. nefna framlög til
félaga á borð við Sjónarhól, Félag
heyrnarlausra og Umhyggju. Þá
söfnuðu starfsmenn Landsbankans
um sex milljónum króna til jólaað-
stoðar í þessum mánuði. Framlög
bankans til mennta- og menningar-
mála eru ekki með í fyrrnefndum töl-
um en Kristján segir þau skipta tug-
um milljóna króna.
Arion banki hefur styrkt ýmis góð-
gerðarsamtök um 19,4 milljónir
króna á árinu. Stærsti einstaki styrk-
urinn var veittur Mæðrastyrksnefnd
upp á fimm milljónir króna. Einnig
hefur starfsfólk lagt sitt af mörkum
við hin ýmsu styrktarverkefni eins
og Mottumars þar sem starfsmenn
söfnuðu veglegri fjárhæð, segir Iða
Brá Benediktsdóttir upplýsinga-
fulltrúi. Um 200 starfsmenn bankans
eru liðsaukar Rauða kross Íslands og
fóru m.a. 103 starfsmenn í hreinsun-
arverkefni tengd gosinu í Eyjafjalla-
jökli. Starfsfólk Arion banka tekur
nú þátt í söfnun Mæðrastyrksnefnd-
ar þar sem pökkum er safnað undir
jólatré og þeim síðar dreift á góða
staði. Þá býðst e-korthöfum bankans
að leggja sitt af mörkum til Mæðra-
styrksnefndar. Hægt er að gefa end-
urgreiðslu sem korthafar fá nú í des-
ember að hluta til eða öllu leyti til
Mæðrastyrksnefndar.
30 milljónir úr maraþoninu
Íslandsbanki ráðgerir að verja um
50 milljónum króna á þessu ári til
samfélagsmála, m.a. 10 milljónum
króna til Fjölskylduhjálpar Íslands.
Már Másson upplýsingafulltrúi seg-
ir upphæðina annars skiptast á milli
fjölmargra félaga og samtaka, jafnt
góðgerðarsamtaka sem námsmanna
og íþróttafélaga. Eru þá ekki talin
með framlög bankans í Frumkvöðla-
sjóð og Afrekskvennasjóð ÍSÍ.
Eitt stærsta verkefni bankans á
þessu sviði er stuðningur við
Reykjavíkurmaraþonið. Þetta árið
var aukinn kraftur settur í áheita-
söfnun á hlaupara gegnum vefinn
hlaupastyrkur.is. Þannig söfnuðust
nærri 30 milljónir króna í sumar
sem runnu til alls 96 góðgerðar-
félaga.
Viðskiptavinir Íslandsbanka geta
styrkt góðgerðarfélög gegnum net-
banka með þrennum hætti, en upp-
hæðir þaðan liggja ekki fyrir. Þeir
geta lagt lið með reglulegum
greiðslum og einnig nýtt sér þjón-
ustu er nefnist „Eigðu afganginn“.
Þá tengja þeir þjónustuna við
greiðslukort og velja að láta úttekt-
arupphæð námundast upp í næsta
hundrað fyrir ofan og láta mismun-
inn renna til góðgerðarfélaga að eig-
in vali. Þá geta félagar í Vildarklúbbi
Íslandsbanka breytt vildarpunktum
í styrk til góðgerðarfélaga.
110 milljónir til
góðgerðarmála
 Styrkir bankanna til hjálparstarfs með ýmsum hætti
Morgunblaðið/Samsett mynd
50
milljónir kr. hjá Íslandsbanka til
samfélagsmála, utan fastra styrkja
40
milljónir kr. hjá Landsbanka til góð-
gerðarmála en mun hærri framlög
til samfélagsmála í heild sinni
19,4
milljónir kr. hjá Arion banka til
góðgerðarsamtaka á árinu
‹ TIL GÓÐGJÖRÐA Á ÁRI ›
»
  

 
  
 

         
   
    ! !     " #
 

 

     

 !" Vinnslustöðin í Vestmannaeyjum færði í gær Jólaað-
stoð 2010 að gjöf humar og saltsíld sem fjölskyldum
verður úthlutað fyrir jólin, alls 2.000 poka af humri og
2.000 fötur af síld. Jólaaðstoðin er samstarf Mæðra-
styrksnefndar Reykjavíkur, Rauða krossins í Reykja-
vík, Hjálparstarfs kirkjunnar og Hjálpræðishersins.
Jólaaðstoð við fjölskyldur sem þurfa hjálpar við
Ljósmynd/Hreinn Magnússon
Vinnslustöðin gaf humar og saltsíld