Morgunblaðið - 20.12.2010, Blaðsíða 14
14 FRÉTTIRINNLENT
MORGUNBLAÐIÐ MÁNUDAGUR 20. DESEMBER 2010
Heilsa & hreyfing
Morgunblaðið gefur út glæsilegt
sérblað umHeilsu og hreyfingu
mánudaginn 3. janúar.
–– Meira fyrir lesendur
Katrín Theódórsdóttir
Sími: 569 1105
kata@mbl.is
NÁNARI UPPLÝSINGAR GEFUR:
PÖNTUNARTÍMI AUGLÝSINGA:
Fyrir kl. 16, þriðjudaginn 21. desember.
Í þessu blaði verða kynntir fullt af þeimmöguleikum sem
í boði eru fyrir þá sem stefna á heilsuátak og bættan
lífstíl í byrjun ársins 2011.
Meðal efnis verður:
• Hreyfing og líkamsrækt
• Vinsælar æfingar
• Bætt mataræði
• Heilsusamlegar uppskriftir
• Andleg vellíðan
• Bætt heilsa
• Ráð næringarráðgjafa
• Hugmyndir að hreyfingu
• Jurtir og heilsa
• Hollir safar
• Ný og spennandi námskeið
• Bækur um heilsurækt
• Skaðsemi reykinga
• Ásamt fullt af spennandi
efni.
SÉRBLAÐ
Gunnlaugur Júlíusson, langhlaupari og hagfræðingur
Sambands íslenskra sveitarfélaga, setti í gær nýtt
Norðurlandamet í 24 stunda hlaupi þegar hann hljóp
rúma 208 kílómetra á hlaupabretti í líkamsræktarstöð
World Class í Kringlunni. Gunnlaugur, sem hér fagnar
áfanganum í gær, hóf hlaupið á hádegi á laugardag og
á hádegi í gær hafði hann hlaupið 208 km og 760 metra
á brettinu. Gamla Norðurlandametið var tæpir 203 km
en það setti Daninn Kim Rasmussen árið 2004. Þess má
geta að heimsmetið í sólarhringshlaupi á Bandaríkja-
maður, að því er kemur fram á vef Gunnlaugs, en það
er 257 kílómetrar.
Ljósmynd/Jóhann Kristjánsson
Hljóp látlaust í sólarhring á hlaupabretti í líkamsræktarstöð
Gunnlaugur fagnaði Norðurlandameti
Samstarfshópur
friðarhreyfinga
stendur fyrir
blysför niður
Laugaveginn í
Reykjavík á
fimmtudaginn
kemur. Er þetta í
31. skipti sem
friðarsinnar efna
til slíkrar blysfar-
ar á Þorláks-
messu.
Safnast verður saman á Hlemmi
frá klukkan 17.45 og gangan hefst
klukkan 18.00. Í lok göngunnar
verður stuttur fundur á Ingólfstorgi.
Slík ganga verður einnig á Ísa-
firði. Lagt verður af stað frá Ísa-
fjarðarkirkju klukkan 18.00 og
gengið niður á Silfurtorg.
Friðarblysför
niður Laugaveginn
í 31. skipti
Blysför niður
Laugaveg.
Jón Bjarnason,
sjávarútvegs- og
landbúnaðar-
ráðherra, hefur
skipað Halldór
Runólfsson í
stöðu yfir-
dýralæknis til
næstu fimm ára.
Halldór var fyrst
skipaður yfir-
dýralæknir 1997 og aftur við
breytta tilhögun 2005 þegar emb-
ættið var sameinað Landbúnaðar-
stofnun. Skipunin núna er í tilkynn-
ingu ráðuneytisins sögð samkvæmt
lögum um Matvælastofnun. Fékk
Halldór skipunarbréfið í hendur
fyrir helgi.
Skipaður áfram til
næstu fimm ára
Halldór Runólfsson
Samkvæmt almanakinu verður al-
myrkvi á tungli í fyrramálið, 21. des-
ember. Á morgun eru jafnframt
vetrarsólstöður og stysti dagur árs-
ins, upp frá því fer daginn að lengja.
Ef veðurskilyrði verða hagstæð ætti
tunglmyrkvinn að sjást hér á landi.
Í Almanaki Háskóla Íslands segir
að myrkvinn, þegar tungl snertir al-
skuggann, muni hefjast kl. 06.32 að
morgni. Þá er tungl allhátt í vestri
frá Reykjavík séð og verður al-
myrkvað frá kl. 07.40 til 08.54. Um
kl. 10 verður tunglið laust við al-
skuggann í birtingu í Reykjavík, þá
lágt í norðvestri.
„Þennan desembermorgun mun
því rautt og jólalegt tungl svífa eins
og risavasin náttúruleg jólakúla á
himnafestingunni og boða rísandi
sól,“ segir á Stjörnufræðivefnum,
stjornuskodun.is, um tunglmyrkv-
ann á morgun.
Þar segir að tunglmyrkvar geti
aðeins orðið þegar sólin, jörðin og
tunglið liggja hér um bil í beinni
línu. Þeir verði því aðeins þegar
tungl er fullt og fer inn í skugga
jarðar.
„Þrátt fyrir þetta verða tungl-
myrkvar þó ekki mánaðarlega því
brautarplan tunglsins og brautar-
plan jarðar eru ósamsíða. Tungl-
brautin hallast um 5 gráður frá
braut jarðar og vegna hallans fellur
skuggi jarðar yfirleitt undir eða yfir
tunglið,“ segir ennfremur á vefnum.
Síðast sást almyrkvi á tungli hér á
landi að nóttu til 21. febrúar 2008 en
næst mun hann sjást frá Íslandi 10.
desember 2011, að vísu um miðjan
dag. bjb@mbl.is
„Eins og risavaxin
jólakúla á himni“
Almyrkvi á
tungli á að sjást frá
Íslandi í fyrramálið
Almyrkvi á tungli 21. desember
Als
ku
gg
i
Há
lfs
ku
gg
i
Brautarferill
tunglsins
Suður
Norður
Au
st
ur
Vestur
Deildarmyrkva
lýkur kl. 10.02
Almyrkva
lýkur kl. 08.54
Almyrkvi
hefst kl. 07.40
Deildarmyrkvi
hefst kl. 06.32
Myrkvi hálfnaður
kl. 08.17
Heimild: Stjörnuskoðun.is
Alþingi sam-
þykkti um
helgina frumvarp
um breytingar á
lögum um virðis-
aukaskatt. „Með
þessu er stórt
skref stigið í átt
til nýrrar at-
vinnugreinar á
Íslandi. Net-
þjónabúin eru
boðin velkomin á Íslandi og komi
þau sem flest,“ sagði Kristján L.
Möller, þingmaður Samfylking-
arinnar, þegar atkvæði voru greidd
um frumvarpið. Lögin fela í sér að
ekki verður lagður virðisauka-
skattur á selda þjónustu til erlendra
aðila. Þá verður ekki lagður virðis-
aukaskattur á innflutning erlendra
aðila á netþjónum, sem hýsa á í ís-
lenskum gagnaverum.
Samtök íslenskra gagnavera
lögðu mikla áherslu á að ná þessum
tveimur atriðum fram og sögðu að án
þeirra væru íslensk gagnaver ekki
samkeppnishæf.
Frumvarpinu fagnað
Þingmenn fögnuðu almennt frum-
varpinu og sagði Ragnheiður Elín
Árnadóttir, þingmaður Sjálfstæðis-
flokksins, þetta einu jákvæðu skatta-
breytinguna sem ríkisstjórn Jó-
hönnu Sigurðardóttur og Steingríms
J. Sigfússonar hefði staðið að og
ástæðan væri ef til vill sú, að þingið
hefði tekið völdin af ríkisstjórninni
og knúið fram þessar breytingar.
Netþjónabú
velkomin
Lagabreyting
samþykkt á þingi
Kristján Möller
Einar Sveinbjörnsson veðurfræð-
ingur segir að líkast til verði kjörin
skilyrði til að virða fyrir sér tungl-
myrkvann á vesturhimni í fyrra-
málið. Spáð er norðan- og norð-
austanátt með frosti um land allt.
Sunnan og vestan til verður létt-
skýjað eða heiðríkt.
Einar segir að meira verði um
ský á himni norðan til, en líklega
þó ekki alskýjað. Spáð er éljagangi
norðaustanlands og þar verður
einna ólíklegast að sjáist til
tunglsins, að sögn Einars.
Það eru því góðar líkur á að Ís-
lendingar sjái þetta fyrirbæri.
Kjörin skilyrði sunnanlands
HVER ER VEÐURSPÁ MORGUNDAGSINS?
Morgunblaðið/Brynjar Gauti
Tunglmyrkvi Vel sást hér til
tunglmyrkva árið 2001.