Morgunblaðið - 28.02.2011, Qupperneq 13

13
MORGUNBLAÐIÐ MÁNUDAGUR 28. FEBRÚAR 2011
Auðveldara að
vera einstæð
móðir á Íslandi
Viðbrigðin voru mikil fyrir Silviu AliceMartins Zingara að koma í kuldann áÍslandi úr steikjandi hitanum heima í
Algarve á Portúgal, þaðan sem hún flutti
hingað til lands árið 2007.
„Systir mín og bróðir bjuggu hér og ég
kom bara í heimsókn til þeirra en varð ást-
fangin af landinu og nú er líf mitt hér,“ seg-
ir Silvia. Hún fékk fljótt vinnu við að þjóna
til borðs og varð ástfangin af íslenskum
manni. Þau eru nú skilin en eiga saman litla
dóttur sem verður tveggja ára í apríl.
Brá við rasistaumræðu
Silvia er þeirrar skoðunar að betra sé að
ala upp barn hér en í Portúgal og hún eigi
meiri von hér um að koma dóttur sinni til
mennta. „Einstæðar mæður fá stuðning og
ég hef fengið mjög góða hjálp og líður vel.“
Silvia segist almennt hafa mætt mikilli vin-
semd síðan hún flutti til Íslands og flestir
vinir hennar séu Íslendingar.
Eina vísbendingin sem hún hefur séð um
rasisma hér var að hennar sögn umdeilt við-
tal í DV við yfirlýsta rasista. „Mér brá þegar
ég sá það og velti því í fyrsta skipti fyrir
mér hvort ég væri kannski ekki velkomin
hér, en ég veit að flestir hugsa ekki svona.“
Þrátt fyrir að kreppan hafi gert hlutina
erfiðari telur Silvia sig hafa góðan grund-
völl til að skapa sér framtíð á Íslandi. Hún
missti þó vinnuna þegar kaffihúsið sem hún
vann á varð gjaldþrota.
Sjálf var Silvia þá komin á steypirinn og
var heima með dóttur sinni til 15 mánaða
aldurs þegar hún komst inn á leikskóla. Þá
fór hún að hugsa sér til hreyfings og er nú í
virkri atvinnuleit. „Ég er orðin þrítug svo
ég vil síður fara aftur í að þjóna því þá óttast
ég að festast í því starfi það sem eftir er,“
segir Silvia sem hefur mestan hug á að
vinna sem túlkur. Hún hefur undanfarið
lagt stund á íslenskunám á vegum Vinnu-
málastofnunar en sækir auk þess ýmis nám-
skeið sem eru í boði hjá Rauða krossinum í
gegnum átakið Ungt fólk til athafna.
Stundum við það að gefast upp
„Þar höfum við fengið fyrirlestra um
hvernig við getum sótt um vinnu, hjálp við
að gera ferilskrá og svo fáum við tækifæri
til að fara inn í fyrirtæki í starfskynningu
eða vinna sjálfboðastarf fyrir Rauða kross-
inn.“ Silvia segist ánægð með að geta með
þessu móti aukið reynslu sína og bætt við
ferilskrána þrátt fyrir atvinnuleysi.
Í fyrra var RKÍ með tvo hópa sérstaklega
ætlaða innflytjendum í atvinnuleit en Silvia
er nú eini útlendingurinn í hópi með Íslend-
ingum og segir það ganga ljómandi vel.
„Ef ég gerði þetta allt bara á ensku myndi
ég ekkert fá að vinna með Íslendingum og á
íslensku. Það er auðvitað erfitt og stundum
er ég við það að gefast upp en þá verð ég að
vera sterk. Ég skil ekki allt, en þá get ég
spurt hina og þau hjálpa mér.“ una@mbl.is
Morgunblaðið/Árni Sæberg
Mæðgur Silvia vill að dóttirin María Isabella Zingara Steinarsdóttir alist upp á Íslandi.
Silvia Alice Martins Zingara frá Portúgal
Pólverja þyrstir
í íslenskar fréttir
Þegar fólk flytur til nýs lands án þess aðskilja tungumálið er það nánast einsog blint. Við gengum í gegnum það
sama svo við skiljum hvernig það er og vilj-
um vera brú á milli Íslendinga og innflytj-
enda,“ segja þær Beata Anna Janczak og
Marta Niebieszczanska sem saman reka nýja
frétta- og viðburðasíðu fyrir Pólverja á Ís-
landi, Informacje.is. Marta og Beata fluttu
báðar til Íslands frá Póllandi, með 10 ára
millibili. Þær hafa unnið ýmis störf hér en í
kreppunni hægðist heldur um sem varð til
þess að þær tóku ráðin í eigin hendur.
Stofnuðu eigið fyrirtæki
Báðar fundu þær fyrir mikilli þörf í sam-
félagi Pólverja hér á landi fyrir fréttir og
upplýsingar um Ísland á pólsku. Þær ákváðu
að sameina krafta sína og komu á fót vefsíð-
unni Informacje.is haustið 2010. Í janúar síð-
astliðnum stofnuðu þær svo fyrirtæki utan
um reksturinn.
Þær segjast finna mikinn meðbyr og lestur
síðunnar aukist með hverjum mánuðinum.
Pólverjar sé sannarlega fréttaþyrstir um
samfélagið sem þeir búa í. „Pólverjar eru
langstærsti minnihlutinn hér og þeir vilja
vera hluti af íslensku samfélagi. Þeir vilja
ekki bara sitja heima og upplifa sig sem „við“
á móti „hinum“,“ segir Beata og Marta bætir
við að það geti þó verið erfitt fyrir þá sem
ekki skilji íslensku.
„Þeir geta ekki lesið blöðin til að skilja
hvað er að gerast, þeir vita að það er kreppa
en geta ekki fylgst með. Fólk vill vita meira,
það vill vita hvað er að gerast á Alþingi, og
hvað forsetinn er að pæla.“
Tilbúin að leggja mikið á sig
Það sem brennur ekki síst á Pólverjum,
rétt eins og Íslendingum, er þróunin í at-
vinnumálum. „Atvinnuleysi er stærsta
áhyggjuefnið og vafinn um hvort ástandið
muni batna eða ekki. Þess vegna bíður fólk
eftir öllum fréttum um ný störf“ segir Marta.
Þær benda á að meirhluti Pólverja sem eru
hér enn sé ungt fjölskyldufólk. Flest eigi það
sammerkt að vera tilbúin að leggja mikið á
sig til að skapa sér og börnum sínum framtíð
á Íslandi, þrátt fyrir kreppu.
„Hér er gott að stofna fjölskyldu og fólk
virkilega vill búa hér áfram. En það þarf
upplýsingar,“ segir Beata. Hún segir að erf-
itt geti reynst að fá upplýsingar um margs-
konar hversdagsleg atriði, allt frá lækn-
isþjónustu til trygginga og bílaskoðunar til
tómstunda barna. Á Informacje.is sé öllum
þessum upplýsingum safnað á einn stað, auk
daglegra þjóðfélagsfrétta.
Góð hjálp í Nýsköpunarstofnun
Að stofna fyrirtæki frá grunni í miðri
kreppu fylgir mikil og erfið vinna, en Marta
og Beata segjast hafa ástríðu fyrir starfinu.
„Við höfum unnið að þessu launalaust og það
hefur tekið á en við erum núna að sækja um
styrki og reyna að afla auglýsingatekna.“
Þær segja engan vafa á því að fleiri í hópi
innflytjenda gangi með viðskiptahugmynd í
kollinum. „Pólverjar hafi margir stofnað fyr-
irtæki hér, sumum gengur vel en oft loka þau
eftir stuttan tíma. Ég held að það geti reynst
þeim erfitt að þeir þekki ekki viðskiptaum-
hverfið hér eða nái ekki til viðskiptavina því
tungumálið gerir þeim erfitt fyrir,“ segir
Beata. Sjálfar leituðu þær til Nýsköp-
unarmiðstöðvar og fengu þar ráðgjöf sem
þær sögðu hafa veitt þeim styrk og fullvissu
um að þær væru á réttri leið.
Ætla að ná til fleiri þjóðerna
Þær Marta og Beata stefna að því að efla
síðuna áfram og vonast til að geta sinnt fleiri
þjóðernum en Pólverjum með því að ráða til
sín fólk og þýða efnið á fleiri tungumál. „Því
þetta er ekki bara pólskt vandamál, allir út-
lendingar glíma við sama vanda að það vant-
ar upplýsingar.“ una@mbl.is
Marta Niebieszczanska og Beata Anna Janczak frá Póllandi
Morgunblaðið/Árni Sæberg
Frumkvöðlar Marta og Beata vilja auðvelda innflytjendum að aðlagast íslensku samfélagi.