Morgunblaðið - 19.04.2011, Page 4

4 FRÉTTIRInnlent
MORGUNBLAÐIÐ ÞRIÐJUDAGUR 19. APRÍL 2011
Handklæðaofnar og
sturtuþil á baðkar
VITA handklæðaofn kúptur króm
50x80 cm
13.490
VOTTUÐ GÆÐAVARA
KRANAR OG
HITASTILLAR FRÁ
MARGAR STÆRÐIR
Sturtuglerþil á baðkar
6 mm öryggisgler
21.900
Bæjarlind 6, Kópavogi, sími 517 6067. Opið mán. - fös. 10 -18, laugard. 11-16.
Hjörtur J. Guðmundsson
hjorturjg@mbl.is
Samkvæmt upplýsingum frá Sigl-
ingastofnun er kostnaður vegna
dýpkunar Landeyjahafnar nokkurn
veginn á því róli sem gert hafði ver-
ið ráð fyrir á þessu ári þrátt fyrir
þá erfiðleika sem glímt hefur verið
við í þeim efnum frá því síðastliðið
sumar. Ástæða þess mun vera sú að
gerðar voru vel rúmar kostnaðar-
áætlanir vegna dýpkunar hafn-
arinnar áður en hún var tekin í
notkun.
Vonir bundar við 1. maí
Frá því um miðjan janúar síðast-
liðinn hefur Herjólfur ekki getað
siglt inn í Landeyjahöfn þar sem
hún er of grunn og þess í stað hefur
skipið siglt til Þorlákshafnar. Ítrek-
að hefur verið gert ráð fyrir því að
ferjan gæti siglt inn á höfnina síðan
þá en jafnóðum hefur þurft að
fresta því. Vonir standa nú til þess
að hægt verði að opna Landeyja-
höfn fyrir 1. maí nk. samkvæmt
upplýsingum frá Siglingastofnun
en alls óvíst er þó hvort þær áætl-
anir muni standast.
Þá standa vonir einnig til þess að
hægt verði að nýta Landeyjahöfn
fyrir siglingar Herjólfs með eðlileg-
um hætti í sumar en á hinn bóginn
er talið að allt eins megi búast við
sömu erfiðleikunum næsta haust og
tekist hefur verið á við í vetur.
Höfnin verið lokuð
í þrjá mánuði
 Segir kostnað við dýpkun á áætlun
Morgunblaðið/RAX
Höfn Herjólfur siglir sína fyrstu
ferð inn á Landeyjahöfn í júlí.
Hjörtur J. Guðmundsson
hjorturjg@mbl.is
Blásið var til sérstakrar herferðar
í gærkvöldi sem ætlað er að hvetja
fólk til þess að stunda öruggt kyn-
líf og er sértök áhersla lögð í því
sambandi á notkun smokksins. Að-
standendur herferðarinnar eru fé-
lagssamtökin Smokkur – sjálfsögð
skynsemi og Ástráður, félag
læknanema, auk Íslensku auglýs-
ingastofunnar, en hún hefur verið í
undirbúningi undanfarin tvö ár.
Herferðin er endurgerð á frægri
smokkaherferð sem farið var í árið
1986 og hafði það sama að mark-
miði.
Vitundarvakning
Tímabært þótti að endurtaka
leikinn að sögn Jóns Þórs Þorleifs-
sonar, talsmanns herferðarinnar
nú, og minna fólk á að mikilvægi
þess að vera á varðbergi gagnvart
kynsjúkdómum sé ekki minna í
dag en það var fyrir 25
árum.
„Markmiðið er fyrst
og fremst að vekja fólk
til umhugsunar, það
benda allar tölur til þess
að það sé full þörf á því.
Herferðin 1986 tókst vel og hafði
mikil áhrif, meðal annars á mig
persónulega,“ segir Jón Þór.
Yfir eitt hundrað þekktir ein-
staklingar hafa lagt herferðinni lið
sitt og þar á meðal Ómar Ragn-
arsson, Jón Gnarr, Páll Óskar
Hjálmtýsson, Hugleikur Dagsson,
Felix Bergsson, Dagur B. Eggerts-
son, Diddú og dr. Gunni svo fáeinir
séu nefndir til sögunnar. Herferðin
nú mun líkt og 1986 byggjast á því
að veggspjöldum verður dreift
víða þar sem lögð er áhersla á boð-
skap hennar, meðal annars í skól-
um, íþróttamiðstöðvum og á
heilsugæslustöðvum. Þá hefur lag
Valgeirs Guðjónssonar Vopn og
verjur, sem samið var í tilefni af
herferðinni fyrir 25 árum, verið
endurgert í flutningi Friðriks
Dórs.
Smokkaherferðin frá
1986 endurtekin
 Yfir eitt hundrað þekktir einstaklingar leggja átakinu lið
Í fréttatilkynningu frá aðstandendum smokkaherferðarinnar er meðal
annars vakin athygli á því að á síðasta ári hafi yfir 2.200 manns greinst
með klamydíu á Íslandi og 24 með HIV-smit. Fleiri hafi aldrei verið
greindir með HIV-smit hér á landi á einu ári. Mikilvægt sé því að auka
fræðslu um mikilvægi öruggs kynlífs.
„Eina þekkta vörnin gegn kynsjúkdómum í samlífi fólks þar sem
annar einstaklingurinn er smitaður er að nota smokk. Smokkar veita
ekki fullkomna vörn gegn öllum kynsjúkdómum en draga þó veru-
lega úr smitlíkum. Kynsjúkdómar geta haft alvarlegar afleiðingar
á heilsufar fólks, bæði líkamlega og tilfinningalega, sérstaklega
ef þeir eru ekki greindir í tæka tíð. Á Íslandi greinast yfir 2.000
manneskjur með kynsjúkdóma ár hvert, en óhætt er að áætla
að margfalt fleiri smitist á hverju ári.“
Mikilvægi öruggs kynlífs
SMOKKAHERFERÐIN 2011
Morgunblaðið/Ómar
Sóttvörn Haraldur Briem sóttvarnalæknir og Gunnlaugur I. Grétarsson, formaður HIV-félagsins, kampakátir.
Icelandair áætlar að um 50% fleiri ferðamenn
komi til landsins með félaginu í apríl en í sama
mánuði í fyrra og um 15% fleiri en 2009. Annars
vegar er um aukið flugframboð að ræða ásamt
öflugu markaðsstarfi í vetur auk þess sem eld-
gosið í Eyjafjallajökli setti strik í komu ferða-
manna til landsins á þessum tíma í fyrra.
Guðjón Arngrímsson, upplýsingafulltrúi Ice-
landair, segir að aukið flugframboð taki meðal
annars mið af því hvað páskarnir eru seint í ár.
Margir eigi frí um páskana og fólk noti því tím-
ann gjarnan til þess að ferðast. Sem fyrr heilli ís-
lenska náttúran erlenda ferðamenn mest og
mannlífið í Reykjavík sé alltaf visst aðdráttarafl
en veitingastaðir séu opnir sem og ýmis af-
þreying.
Lögreglan vekur athygli á því að skemmtanir,
eins og dansleikir eða einkasamkvæmi á op-
inberum veitingastöðum eða á öðrum stöðum
sem almenningur hefur aðgang að, eru bannaðar
á ákveðnum tíma um bænadaga og páska, þar á
meðal frá kl. 24 á skírdag til kl. 24 á föstudaginn
langa og frá kl. 03 aðfaranótt páskadags til mið-
nættis sama dag. Opinberar sýningar og
skemmtanir þar sem happdrætti, bingó eða önn-
ur spil fara fram eru líka háðar takmörkunum
þessa daga. Lögreglan áréttar að listsýningar,
tónleikar, leiksýningar og kvikmyndasýningar
eru undanþegnar banni um helgidagafrið á
föstudaginn langa. steinthor@mbl.is
Ferðamönnum fjölgar um páskana
 Aukið sætaframboð og aldrei fleiri með Icelandair í apríl  Afþreying í boði og veitingastaðir
opnir en dansleikir á opinberum stöðum bannaðir á ákveðnum tíma um bænadaga og páska
Morgunblaðið/Kristinn
Ferðamenn í Reykjavík Höfuðborgin hefur upp á margt að bjóða og líka um páskana.
Föstudagurinn langi
» Föstudagurinn langi er mesti
sorgardagur kirkjuársins. Lengi
vel voru allar skemmtanir
bannaðar þennan dag en á því
hefur orðið mikil breyting.
» Engin ein skýring er á nafni
dagsins en Árni Björnsson seg-
ir í Sögu daganna að eðlileg-
asta skýringin sé sú að dag-
urinn hafi verið langur í lífi
Krists samkvæmt píslarsög-
unni og endað með langri pínu
á krossinum. Önnur skýring er
að fyrr á öldum þótti kaþ-
ólskum mönnum dagurinn
langur eftir föstu í vikur.