Morgunblaðið - 26.04.2011, Blaðsíða 6

6 FRÉTTIRInnlent
MORGUNBLAÐIÐ ÞRIÐJUDAGUR 26. APRÍL 2011
Stafir lífeyrissjóður boðar til ársfundar að Stórhöfða 27
(neðstu hæð) í Reykjavík þriðjudaginn 17. maí kl. 17:00.
Dagskrá: Venjuleg ársfundarstörf.
Stafir boða jafnframt til kjörfundar að Stórhöfða 27
kl. 15:00 sama dag. Þar verða kjörnir fulltrúar sjóðfélaga
og varamenn þeirra í stjórn sjóðsins.
Framboð til stjórnar þurfa að berast skrifstofu Stafa
tveimur vikum fyrir boðaðan ársfund.
Stórhöfða 31 | 110 Reykjavík | S ími 569 3000 | w w w.staf i r. i s
Ársfundur 17. maí
Stjórn Stafa lífeyrissjóðs
út
úr
dú
r2
00
42
01
1
Allir sjóðfélagar eru hjartanlega velkomnir á ársfundinn.
Baldur Arnarson
baldura@mbl.is
„Eftir þjóðaratkvæðagreiðsluna
varði ég nokkrum tíma í að fara yfir
rökin fyrir því að íslenskir skatt-
greiðendur ættu ekki að bæta inni-
stæðueigendum tjón sitt eða tap
annarra ríkisstjórna. Mér varð það
ljósara hvers vegna einkum bresk
stjórnvöld voru ekki ýkja áfjáð um
að sækja kröfur sínar fyrir dómi,“
skrifar John Dizard, dálkahöfundur
hjá Financial Times, um rökin gegn
því að íslenskir skattgreiðendur
borgi Icesave-kröfuna.
Stórblað leggur Íslandi lið
Financial Times, einn áhrifamesti
fjölmiðill heims, hefur sem kunnugt
er tekið málstað Íslands í deilunni.
Skrif Dizards eru framhald af
þeim leiðaraskrifum en hann játar að
hafa reiknað með að síðasti Icesave-
samningur yrði samþykktur. Í ljósi
nýrra upplýsinga kemst hann sem
fyrr segir að þeirri niðurstöðu að
hann skilji hvers vegna bresk stjórn-
völd hafi ekki sótt málið af hörku.
Bresk stjórnvöld vilji eðlilega ekki
skapa fordæmi sem geti kallað á há-
ar kröfur á breska banka síðar.
Lagarökin gegn kröfunni
Máli sínu til stuðnings vitnar Diz-
ard til ritsmíðar Tobiasar Fuchs,
sérfræðings í lögum við Evrópuhá-
skólann í Frankfurt, þar sem komist
er að þeirri niðurstöðu að Ísland hafi
ekki brotið „tilskipun [Evrópuþings-
ins og ráðsins númer] 94/19/EC um
innlánstryggingakerfi “.
Dizard bendir á að 2004 hafi Evr-
ópudómstóllinn úrskurðað að engin
ríkisábyrgð hlytist af ófullkomnu
eftirliti með fjármálastarfsemi.
Ríkin bera
ekki ábyrgð
 Dálkahöfundur Financial Times telur
Breta forðast dómsmál vegna Icesave
Baldur Arnarson
baldura@mbl.is
„Ég held að engum hafi dottið í hug, þó við
tækjum málefni Suðurnesjanna sérstaklega
fyrir, færum þangað í heimsókn og hleyptum af
stað ýmsum aðgerðum, að það eitt og sér gerði
kraftaverk,“ segir Steingrímur J. Sigfússon
fjármálaráðherra, spurður um þá staðreynd að
störfum á Reykjanesi hefur fækkað síðan ríkis-
stjórnin efndi til fundar um átak í atvinnu-
málum svæðisins í nóvember.
Ýmis verkefni séu þegar í pípunum.
„Síðan þetta var hefur þó náðst að ganga
frá samningum um eitt stórt atvinnuverkefni á
Suðurnesjum sem er að fara af stað á árinu, þ.e.
bygging kísilverksmiðju í Helguvík. Ég hygg
að öll þau mál sem voru sett í farveg á fundinum
séu á sínum stað. Þá á ég við kortlagningu á fé-
lagslegum aðstæðum, átak á menntasviðinu og
störf á vegum Þróunarfélags Keflavíkur og fleiri
aðila. Allt hefur þetta vissulega hjálpað,“ segir
fjármálaráðherra.
Veldur engum straumhvörfum strax
Hann telur væntingarnar ekki raunhæfar.
„En það datt engum í hug, hvorki okkur né
heimamönnum, að þetta átak myndi valda ein-
hverjum straumhvörfum í glímunni við atvinnu-
leysi strax, t.d. upphefja hina árstíðabundnu
sveiflu í atvinnuleysi,“ segir hann og kveðst gera
sér vonir um að atvinnuleysi fari niður fyrir 7% á
landsvísu í sumar. En hvernig svarar ráðherra
gagnrýni á meint aðgerðaleysi stjórnvalda í at-
vinnumálum? „Ég myndi svara því til að það
væri ekki sanngjörn gagnrýni, ef menn horfa
raunsætt á aðstæður. Það mætti lista það upp.
Það er búið að gera gríðarlega mikið, bæði á
sviði vinnumarkaðs- og virkniúrræða og í bein-
um átaksverkefnum, t.d. við að skapa sumar-
störf. Mér finnst umræðan dálítið merkileg ef
það er andinn á árinu 2011 að það séu stjórnvöld
sjálf sem eigi að skapa störfin. Er það umræðan
en ekki hitt að við séum að hamast við að skapa
skilyrði sem geta síðan orðið til þess að störf
skapist vítt og breitt með fjölbreyttum hætti um
allt hagkerfið? Þar höfum við óumdeilanlega
náð miklum árangri,“ segir hann og vísar m.a.
til þess að tekist hafi að „ná verðbólgu og vöxt-
um niður, koma á gengisstöðugleika, ná miklum
árangri í ríkisfjármálum og fleira“.
Ekki hlutverk ríkisins að skapa störf
 Fjármálaráðherra segir ýmis atvinnuskapandi verkefni í gangi á Suðurnesjum  Vísar gagnrýni
á meint aðgerðaleysi stjórnvalda á bug  Segir „engan hafa búist við kraftaverkum“ eftir átaksfund
Morgunblaðið/RAX
Átaksfundur Fundað var um atvinnumál 9.
nóv. sl. í Víkingaheimum á Reykjanesi.
Við mót Norðurlandsvegar hjá Blönduósi og vegarins til Skagastrandar
eru tvö skilti á einum staur sem með góðu móti má misskilja. Vonandi gild-
ir a.m.k. ekki 10 tonna öxulþungi á golfvelli þeirra Blönduósinga!
Morgunblaðið/Björn Jóhann
Öxulþungi á golfvellinum?
Vegaskilti við Blönduós sem má misskilja
Tankvagn mjólkurbíls frá Mjólkur-
samsölunni valt á bæjarhlaðinu á
Hjálmsstöðum í Laugardal á tólfta
tímanum í gærmorgun. Bílnum var
ekið út í vegkant í beygju á heimreið-
inni svo kanturinn gaf sig og vagninn
fór á hliðina.
Mjólkurbíllinn var í daglegri smöl-
un hjá mjólkurbændum í uppsveit-
um Árnessýslu þegar þetta gerðist.
Um 11.000 þúsund mjólkurlítrar
voru í tankinum þegar þetta gerðist.
Var mestu bjargað með því að dæla
yfir á annan mjólkurbíl sem var
sendur á staðinn. Vagninn var svo
dreginn upp síðdegis í gær með
vinnuvélum.
„Þetta fór miklu betur en við ótt-
uðumst,“ sagði Guðmundur Geir
Gunnarsson, mjólkurbússtjóri MS á
Selfossi, sem fór á vettvang. „Veg-
irnir í sveitunum eru aurblautir – nú
þegar frost er að fara úr jörðu – og
því geta kantarnir gefið sig. Það sem
mest er þó um vert er að enginn slas-
aðist. Mestu af mjólkinni var bjargað
þannig að ekki kemur til þess að hrá-
efni vanti til framleiðslu. Og vagninn
má alltaf laga,“ sagði Guðmundur
Geir. sbs@mbl.is
Tankvagn valt á hlaðinu
Mjólk Vagninn valt í beygju á heimreið-
inni á Hjálmsstöðum í Laugardalnum.
Ljósmynd/Reynir Pálmason
„Kirkjusókn hér
var með ágæt-
um,“ segir sr.
Óskar Hafsteinn
Óskarsson, prest-
ur á Selfossi.
Hann segir tals-
verðan fjölda hafa
sótt messur við kirkjuna um páska,
en flestir hafi sótt ferming-
arathafnir á skírdag. Þá hafi ýmsir
fjölsóttir viðburðir verið í kirkjunni
á föstudaginn langa, svo sem lestur
Passíusálma. Fleiri prestar sem
Morgunblaðið ræddi við segja svip-
aða sögu.
Selfossprestur segir nokkuð um
að fólk noti tækifærið um páska og
láti þá skíra börn sín eða gangi í
hjónaband. Sjálfur hafi hann annast
nokkrar slíkar athafnir um hátíð-
ina. sbs@mbl.is
Kirkjusókn ágæt og
margar giftingar
Slökkviliðið í Bolungarvík fékk í
gærmorgun tilkynningu um að eld-
ur væri laus í bíl við Vélsmiðju Bol-
ungarvíkur. Þegar slökkviliðið kom
á staðinn skömmu síðar var mikill
eldur í jeppabifreið sem stóð ofan
við Vélsmiðjuna. Líklegt er talið að
kveikt hafi verið í bílnum. Þá er
lögreglan á Ísafirði með til rann-
sóknar innbrot í fyrirtæki í Bolung-
arvík um helgina.
Grunur um íkveikju
í jeppa í Bolungarvík
Þyrla Landhelg-
isgæslunnar var
kölluð út undir
kvöld í gær til að
sækja ferðamann
sem fótbrotnað
hafði í gönguferð
í Reykjadal inn af
Hveragerði.
Rann maðurinn til á sleipum steini
og þar sem yfir torsótt land var að
fara fyrir björgunarsveitir og
sjúkralið var ákveðið að kalla þyrlu
frá Gæslunni á vettvang.
Fótbrotnaði í göngu-
ferð í Reykjadal