Morgunblaðið - 13.07.2011, Blaðsíða 4

4 FRÉTTIRInnlent
MORGUNBLAÐIÐ MIÐVIKUDAGUR 13. JÚLÍ 2011
Morgunblaðið/Ómar
Lækkun Tíðni atvinnuleysis lækkar um 0,7% að meðaltali frá því í maí.
Janus Arn Guðmundsson
janus@mbl.is
Alls voru 12.424 einstaklingar
skráðir atvinnulausir hjá Vinnu-
málastofnun í júnímánuði, þar af
voru 1.724 í einhverskonar úrræðum
á vegum stofnunnarinnar. Skráð at-
vinnuleysi í mánuðinum var 6,7%.
Frá því í maí hafa um 849 manns
verið skráðir af bótum, og er það um
0,7 prósent fækkun á milli mánaða.
Á sama tíma í fyrra var atvinnuleysi
skráð 7,6% og munar því um 0,9 pró-
sentustigum.
Hlutfallslega var mestur fjöldi at-
vinnulausra á Suðurnesjum eða um
10,6%, en minnst á Norðurlandi
vestra, 2,3%. Atvinnuleysi minnkar
þó hvað mest á landsbyggðinni og
fækkaði atvinnulausum um 483 ein-
staklinga á landsbyggðinni milli maí
og júní og 366 á höfuðborgarsvæð-
inu. Um 2,5% munur er þar á, en at-
vinnuleysið á höfuðborgarsvæðinu
var 7,6%, en 5,1% á landsbyggðinni.
Körlum á atvinnuleysisskrá fækk-
aði um 675 en konum um 174 að
meðaltali. Var atvinnuleysið 6,8%
hjá körlum og 6,7% hjá konum og
munar því einungis 0,1 prósentu-
stigi.
Athygli vekur að körlum á at-
vinnuleysisskrá fækkar hraðar en
konum, síðustu mánuði. Atvinnu-
leysi hjá körlum var 7,7% í maí og
8,6% í apríl, en hjá konum var at-
vinnuleysið 7,1% í maí og 7,4% í apr-
íl.
273 ungmenni fá vinnu
Alls voru 2.305 atvinnulausir í ald-
ursflokknum 16-24 í lok júní, en
2.032 í lok maí og fækkar þá um 273
einstaklinga í yngsta aldursflokkn-
um. Á sama tíma í fyrra voru um
2.438 ungmenni atvinnulaus.
Allt útlit er fyrir að atvinnuhorfur
verði stöðugar í júlí er að því fram
kemur í yfirlitskýrslu frá Vinnu-
málastofnun um stöðu á atvinnu-
markaði í júní 2011.
Gert er ráð fyrir því að atvinnu-
leysi sveiflist á milli 6,5 til 6,9 pró-
sent. Fjórar tilkynningar um hóp-
uppsagnir bárust Vinnumálastofnun
í júnímánuði, þar sem 123 einstak-
lingum var sagt upp störfum. Gert
er ráð fyrir stór hluti þeirra sem
sagt var upp í hópuppsögnum verði
endurráðinn.
Færri atvinnulausir yfir sumarið
 Atvinnuleysi er minna en á sama tíma í fyrra  Körlum á atvinnuleysisskrá fækkar örar en konum
Þróun atvinnuleysis í júní 2009 til júní 2010
2009 2010 2011
10%
9%
8%
7%
6%
5%
4%
3%
2%
1%
0%
jún. júl. ágú. sep. okt. nóv. des. jan. feb.mar. apr.maí. jún. júl. ágú. sep. okt. nóv. des. jan. feb.mar. apr.maí. jún.
Heimild: Vinnumálastofnun
8,1 8,0 7,7
7,2 7,6
8,0 8,2
9,0 9,3 9,3 9,0
8,3
7,6 7,5 7,3 7,1 7,5
7,7 8,0
8,5 8,6 8,6 8,1
7,4
6,7
Atvinnuleysi
» Alls voru 12.424 ein-
staklingar skráðir atvinnulaus-
ir hjá Vinnumálastofnun í júní-
mánuði.
» Atvinnuleysi fór minnkandi
um 0,7 prósentustig frá maí
eða um 849 manns.
» Atvinnuleysi minnkar þó
hvað mest á landsbyggðinni og
fækkaði þar um 483.
BAKSVIÐ
Kjartan Kjartansson
kjartan@mbl.is
Dekkjabruninn á athafnasvæði end-
urvinnslufyrirtækisins Hringrásar
við Klettagarða í fyrrinótt hefur
vakið efasemdir um hvort heppilegt
sé að hafa starfsemi sem þessa svo
nærri íbúðabyggð. Tugir manna
þurftu að rýma heimili sín þegar
stórbruni varð hjá fyrirtækinu árið
2004 og reyk lagði yfir byggð. Ekki
kom til þess nú þar sem vindátt var
hagstæð en bent hefur verið á að
öldrunarheimili Hrafnistu er í næsta
nágrenni og væri það enginn hægð-
arleikur að rýma það. Er nú talað
um nauðsyn þess að endurskoða
staðsetningu og hugsanlega það
magn efnis sem fyrirtækinu er
heimilt að hafa samkvæmt starfs-
leyfi.
Slökkviliði barst tilkynning um
eldinn á þriðja tímanum í fyrrinótt
og var allt tiltækt lið kallað út til að
ráða niðurlögum hans. Um 60
manns glímdu við eldinn þegar mest
var. Voru áætlanir þegar gerðar um
hugsanlega rýmingu íbúða í nágren-
inu ef aðstæður skyldu breytast. Var
það ekki fyrr en á tíunda tímanum í
gærmorgun sem þeim tókst endan-
lega að slökkva í síðustu glæðunum.
Sást til mannaferða nálægt þeim
stað þar sem eldurinn kom upp og
rannsakar lögregla nú hvort kveikt
hafi verið í.
Farið í eftirlit í síðustu viku
„Maður þakkar fyrir að vindáttin
var okkur hagstæð því annars hefði
verkefnið verið allt annað,“ segir
Jón Viðar Matthíasson, slökkviliðs-
stjóri höfuðborgarsvæðisins. Magn-
ið af efni sem logaði í þegar menn
mættu á staðinn hafi verið yfirþyrm-
andi. Heilbrigðiseftirlit Reykjavíkur
og slökkviliðið hafa eftirlit með
starfsemi fyrirtækisins og fór það
fyrrnefnda í eftirlitsferð í fyrirtækið
í síðustu viku eftir að ábending barst
um að hugsanlega væri magn
gúmmís yfir mörkun. Reyndist það
vera innan marka starfsleyfis sem
eru þúsund rúmmetrar af gúmmíi.
Jón Viðar segir eldsvoðann nú
vekja spurningar um hvort endur-
skoða þurfi það magn sem leyfilegt
sé að hafa á svæðinu og staðsetn-
ingu fyrirtækisins yfirleitt.
Skoða málið með yfirvöldum
Starfsemi Hringrásar átti að kom-
ast í eðlilegt horf síðdegis í gær en
Einar Ásgeirsson, framkvæmda-
stjóri fyrirtækisins, segir það fúst til
að skoða framtíð sína í Klettagörð-
um með þar til bærum yfirvöldum.
Hann efist þó um að slík skoðun leiði
í ljós hentugri staðsetningu fyrir
fyrirtækið. „Við erum að fara í einu
og öllu eftir ákvæðum starfsleyfis-
ins. Við erum að standa okkur og
gott betur. Við erum búnir að slípa
þennan rekstur það vel til að ég held
að það sé mikill ávinningur fyrir
borgarbúa að hafa svona endur-
vinnslufyrirtæki í borginni.“
Öryggismyndavélar eru á svæð-
inu auk þess sem vaktmaður fylgist
með því til klukkan tíu á kvöldin að
sögn Einars. Eftir það vaktar Sec-
uritas svæðið. Ekki hafi verið talin
þörf á sérstökum vaktmanni alla
nóttina. Ekki sé víst að það hefði
breytt neinu þegar um sé að ræða
misindismenn sem ætli sér að
kveikja í, segir Einar.
Hert á kröfum eftir fyrri bruna
Í eldsvoðanum sem kom upp hjá
Hringrás þann 23. nóvember árið
2004 varð að rýma íbúðir í nágrenn-
inu. Alls þurftu 83 manns að flýja
heimili sín og gistu meðal annars í
Langholtsskóla. Þá er talið að eldur
hafi kviknað út frá rafmagnslyftara
sem verið var að hlaða í skúr á svæð-
inu. Eftir eldsvoðann voru gerðar
strangari kröfur um eld- og meng-
unarvarnir. Hafa nú til dæmis verið
steyptar þrær sem halda gúmmíi og
málmi aðskildum og auðveldaði það
slökkvistarf nú. Þá voru sett ákvæði
um hámarksmagn gúmmís í starfs-
leyfi fyrirtækisins.
Magnið var yfirþyrmandi
 Framtíðarstarfsemi í skoðun eftir tvo stórbruna á 7 árum  Grunur um íkveikju
Bruninn árið 2004
» Reykurinn sem myndaðist
er stórhættulegur og getur
verið banvænn. Er hann sér-
lega hættulegur fólki með við-
kvæm öndunarfæri.
» Í brunanum 2004 þurftu 83
að flýja heimili sín á Klepps-
vegi þar sem reykinn lagði yfir.
» Eftir eldsvoðann voru örygg-
is- og umhverfiskröfur til
Hringrásar hertar og sett inn
ákvæði um leyfilegt magn
gúmmís.
» Árið 2007 kviknaði í dekkj-
um og rusli í porti við húsnæði
Hringrásar á Akureyri.
Morgunblaðið/Júlíus
Eldhaf Tilkynnt var um eldinn rétt fyrir klukkan þrjú í fyrrinótt. Var allt tiltækt slökkvilið kallað út og glímdu um 60 manns við eldinn þegar mest var auk
starfsmanna Hringrásar. Slökkvistarfi lauk á tíunda tímanum en verkið þyngdist á lokasprettinum þegar þurfti nánast að slökkva í hverri skóflu af efni.
Morgunblaðið/Júlíus
Mökkur Svartan reyk lagði af eldinum í dekkjunum. Hagstæð vindátt olli
því að reykinn lagði út á haf frekar en yfir íbúðabyggð eins og gerðist 2004.
„Svona starfsemi
á ekkert heima
nálægt byggð,
hvort sem það er
byggð aldraðra
eða almenn. Við
munum end-
urvekja þetta mál
núna, það er al-
veg ljóst,“ segir
Pétur Magn-
ússon, forstjóri
öldrunarheimila Hrafnistu, um
starfsemi Hringrásar.
Forsvarsmenn Hrafnistu hafi frá
brunanum 2004 verið í samskiptum
við stjórnendur Hringrásar og
slökkviliðsstjóra. Þeir hafi lýst yfir
miklum áhyggjum sínum af stað-
setningu fyrirtækisins en hafi verið
fullvissaðir um að ráðstafanir hefðu
verið gerðar til að slíkur stórbruni
ætti sér ekki stað aftur.
Pétur bendir á að Hrafnista í
Reykjavík sé stærsta öldunarheimili
landsins þar sem 240 manns búi. Þar
séu meðal annars tvær deildir fyrir
heilabilaða. Flókið mál sé að rýma
heimilið í aðstæðum sem þessum.
kjartan@mbl.is
Á ekki
heima ná-
lægt byggð
Hrafnista hefur lengi
viljað Hringrás burt
Pétur
Magnússon
Borgarráð mun
fjalla um brun-
ann hjá Hringrás
með tilliti til ör-
yggismála og al-
mannaheilla á
fundi sínum 19.
júlí að því er
kemur fram í til-
kynningu.
Borgaryfirvöld
líti hann alvar-
legum augum vegna þeirrar al-
mannahættu sem eldsvoði á þessum
stað getur valdið.
Hjálmar Sveinsson, formaður
stjórnar Faxaflóahafna, segir starf-
semi Hringrásar nauðsynlega en
flestir séu sammála í kjölfar brun-
ans um finna henni annan stað. Hún
sé of nálægt íbúðabyggð. Þá hafi
stórt skemmtiferðaskip siglt inn í
höfnina í gær og hefði reykurinn
getað stöðvað för þess hefði ekki
náðst að slökkva eldinn áður. kjart-
an@mbl.is
Fundinn
annar staður
Hjálmar
Sveinsson