Morgunblaðið - 13.07.2011, Blaðsíða 30
Börkur Gunnarsson
borkur@mbl.is
Beggi Smári og Mood verða með
Tónleika á Græna hattinum á
fimmtudaginn, 14. júlí, klukkan 21 og
kostar 1.500 krónur inn. Bergþór
Smári gaf nýlega út sína fyrstu sóló-
plötu sem heitir einmitt sama nafni
og hljómsveitin sem spilar með hon-
um, Mood. Það er mikil gítarstemn-
ing í lögum hans, einhverskonar ís-
lensk útgáfa af Clapton. En
aðspurður hvernig hann skilgreini
tónlist sína stendur hann eiginlega á
gati. „Ég veit það ekki, það er erfitt
að svara svona spurningu um sína
eigin tónlist. Ég ætlaði að vera með
eitthvert tilbúið svar en svo er ég það
ekki,“ segir Beggi Smári. Þegar
blaðamaður segir að þetta minni
hann á Clapton, samþykkir Beggi
það. „Jú, það má segja það. Þetta er
einhverskonar blús-rokk, já þetta er
blúsrokk. Áhrif frá Clapton, John
Mayer og kannski Paul Weller. Þess-
ir þrír eru miklir gítarmenn, þar sem
blús og sál er ekki langt undan. Ég
er búinn að vera að spila með svona
blúsbandi hátt í tíu ár. Svo er ég bú-
inn að spila inn á allskonar aðrar
plötur en þetta er fyrsta sólóplatan.
Hún kom út núna um miðjan júní-
mánuð og er komin í allar búðir. Við
vorum að setja myndband í spilun
við eitt lagið. Þetta staka lag heitir
No sense,“ segir Beggi Smári.
Aðspurður hvers vegna öll lögin
séu á ensku segir hann að það sé
sennilega af því að allir áhrifavaldar
hans syngi á ensku. Aðspurður hvort
hann hafi alltaf verið í sál og blúsi,
segir hann svo hafa verið síðastliðin
tíu ár. „Sem unglingur var maður í
allskonar tónlist, metal og þess hátt-
ar, það var ágætt, kenndi manni að
spila á gítar, en svo fór ég fljótlega í
blús og sál,“ segir Beggi.
„Svo erum við það að fara að vinna
að næstu plötu. Maður var ekki mik-
ið að semja á meðan maður var að
koma þessari plötu frá sér og kynna
hana. En núna fer maður aftur í það.
En ég verð að fá að minnast á bandið
mitt, því þetta eru svo góðir tónlist-
armenn. Friðrik Geirdal Júlíusson er
á trommum, Ingi Björn Ingason er á
bassa, hann hefur leikið með BSig og
svo er hann að spila núna með
Bubba. Svo er þarna ungur strákur
sem heitir Tómas Jónsson sem spilar
á hljómborð. Við höfum fengið mjög
góð viðbrögð og finnst þetta bara
gaman,“ segir Biggi Smári. En þess
má geta að hann tileinkar plötuna
dætrum sínum, þeim Hebu og
Hrönn.
Íslenski Clapton
með tónleika á
Græna hattinum
Beggi Smári þenur gítarinn á fyrstu
sólóplötu sinni Fyrsta myndbandið
komið í spilun og nefnist No sense
Blúsrokk Beggi Smári hefur að-
allega verið í blúsrokkinu.
Stoltur Beggi Smári á fyrir tvær dætur en núna um daginn fæddist honum fyrsta sólóplatan hans og hann skírði
hana Mood. Hann tileinkaði síðan plötuna dætrum sínum; Hebu og Hrönn.
30 MENNING
MORGUNBLAÐIÐ MIÐVIKUDAGUR 13. JÚLÍ 2011
Börkur Gunnarsson
borkur@mbl.is
Tónlistarhátíðinn Innipúkinn, sem nú er
haldin í tíunda sinn um verslunarmannahelg-
ina í Reykjavík, fer að þessu sinni að mestu
fram í samkomuhúsi Iðnó. Um er að ræða
þriggja daga tónlistarhátíð, sem stendur yfir
frá 29.-31. júlí, þar sem um 20 listamenn og
hljómsveitir koma fram. Auk tónleikadagskrár
á Iðnó hafa þeir sem halda hátíðina fengið til
liðs við sig þrjá þekkta uppistandara; þau Ara
Eldjárn, Hugleik Dagsson og Uglu Egils-
dóttur.
Mjög skelfilegt
Morgunblaðið heyrði í Uglu sem er nýút-
skrifuð úr Listaháskólanum úr Fræði og fram-
kvæmd. Hún er í fríi sem stendur og nýkomin
úr kajakferð. Hún vildi lítið gefa upp um
hvernig prógramm hún yrði með á hátíðinni.
„Ég get bara lofað því að þetta verður
skemmtilegt. Ég verð til dæmis með nýtt lag á
hátíðinni,“ segir Ugla. Hún vakti fyrst athygli
fyrir uppistand ásamt stúlkunum Þórdísi Na-
díu, Sögu Garðarsdóttur, Ölmu Geirdal, Mar-
gréti Maack og fleirum sem þau byrjuðu á árið
2009 og hafa allar reglulega komið fram síðan
þá. Aðspurð hvort þetta sé ekki allt annað
heldur en að leika á sviði í leikriti segir hún að
svo sé. „Það er miklu meira kikk sem maður
fær út úr uppistandinu. Þetta kveikir í spennu-
fíkninni hjá manni. Stundum nær maður
áhorfendum, en stundum ekki. Ef maður er
með langan brandara getur maður verið kom-
inn í mikið tilfinningauppnám áður en að
„punch-læninu“ kemur,“ segir hún.
Aðspurð hvort ekki verði erfitt að vera með
uppistand á rokkhátíð, hvort allir mæti ekki
þangað til að drekka og dópa og heyri síðan
ekki mannsins mál. „Jú, þetta er alveg mjög
skelfilegt. En við verðum ekkert svo seint á
dagskránni, þannig að vonandi verður einhver
með rænu,“ segir Ugla.
Ari Eldjárn og Ugla gerast innipúkar
Tónlistarhátíðin Innipúkinn mun fá þrjá þekkta
uppistandara til liðs við sig Hátíðin fer fram í
Reykjavík um verslunarmannahelgina
Morgunblaðið/Eggert
Hnyttnar Ugla Egilsdóttir og Saga Garðarsdóttir gerðu það gott í uppistandsbransanum. Ugla
verður einmitt með uppistand á hátíðinni Innipúkanum.
Bandaríska leik-
konan Liza Mi-
nelli fékk heið-
ursverðlaunin
Legion of Hono-
ur og voru henni
afhent þau af
franska menn-
ingarmálaráð-
herranum Fre-
deric Mitterand.
Minelli sagði að þar með væri draumur sinn að ræt-
ast. Mitterand útskýrði fyrir Minelli hversvegna hún
fengi verðlaunin; „Við elskum þig, því þú bætir líf
okkar,“ sagði hann. Áður hafa til dæmis Robert Red-
ford, Clint Eastwood og Arnold Schwarzenegger
fengið þau.
Flott Mitterand og Minelli.
Frakkar heiðra
Lizu Minelli
Aðalverðlaunin í ár, Kristallinn, féllu í hendur ísr-
aelsku myndarinnar Restoration eftir Joseph Mad-
mony en honum voru afhent verðlaunin af John
Turturro. Myndin fjallar um eiganda antikverslunar
í Ísrael og óvænt fráfall meðeiganda hans sem setur
hann í vandræði við að halda búðinni. Meðan á þeim
átökum stendur er samband hans við fólkið í kring-
um hann og son hans sérstaklega skoðað. Myndin
þykir vera áhugaverður gluggi inní ísraelskt sam-
félag samtímans. Leikstjórnarverðlaunin fékk
franski leikstjórinn Pascal Rabaté fyrir stjórn sína á
myndinni Ni á vendre, ni á louer eða Holidays by the
Sea. Austan við vestrið verðlaunin fékk serbísk-
makedóníska myndin Punks not dead. Leikstjóri
hennar, Vladimir Blazevski, sagði að val pönkara að
standa utan við samfélagið væri nokkuð sem fólk
ætti að virða. Hetjur Þessir vinalegu gyðingar fengu aðalverðlaunin í Vary.
Ísraelsk innrás inn
í Karlovy Vary