Morgunblaðið - 13.07.2011, Blaðsíða 23

MINNINGAR 23
MORGUNBLAÐIÐ MIÐVIKUDAGUR 13. JÚLÍ 2011
eignuðumst okkar hjartkæru
lífsförunauta um svipað leyti, og
í ljósrauðum gyllingum æskuár-
anna var framtíðan sveipuð
spennu, dulúð og tilhlökkun.
Með Joggu sér við hlið tókst
vinur minn á við lokaverkefnin
við Háskóla Íslands og við tóku
manndómsárin og erfingjarnir
fylgdu.
Jogga var mikil móðir, dreng-
irnir hennar þrír voru henni allt.
Þau hjónin voru og óvenjulega
náin. Þegar um hægðist héldu
þau saman á við íslenskrar nátt-
úru. Nær ávallt tóku þau t.d.
sameiginlega þátt í golfmótum
vítt um landið.
Og svo skall á höggið þunga.
Jogga fékk sjúkdóm í heila og
smátt og smátt hvarf þessi
glæsilega kona okkur, vinum
sínum og kunningjum. Það var
yfirþyrmandi reynsla fyrir vin
minn og hans fjölskyldu.
Við félagarnir höfðum ungir
kynnst þeim frábæra félagsskap
KFUM. Jogga fylgdi manni sín-
um í tryggð við þetta góða félag.
Við sem trúum á algóðan Guð
vitum, að trúin er fullvissa um
það sem menn vona. Sannfæring
um þá hluti sem ei er auðið að
sjá.
Meistarinn sagði: „Ég lifi og
þér munuð lifa.“ Í þeirri vissu og
trú kveðjum við, gamli vinahóp-
urinn, okkar kæru Joggu.
Verði henni hvíldin vær.
Magnús Erlendsson.
Hún Jogga, elsku vinkona
okkar hjóna, er fallin frá. Ég get
ekki gleymt okkar fyrstu kynn-
um, þegar við hjónin kornung
leigðum tveggja herbergja íbúð
á Laugarnesveginum eftir að við
fluttum frá Bandaríkjunum 1967
og ég komin að því að fæða okk-
ar fyrsta barn. Við vorum ekki
með síma, og Jogga bankaði upp
á til að láta mig vita að við gæt-
um vakið þau ef ég þyrfti. Ég
gleymi ekki hversu hugguleg og
vingjarnleg þessi kona var, sem
breiddi faðminn á móti okkur
ungu hjónunum og hún og Siggi
vildu allt fyrir okkur gera. Þann-
ig hófst okkar vinátta, en þau
hjónin voru aðeins eldri en við,
en voru alltaf svo stórglæsileg
að eftir var tekið. Vináttan átti
eftir að vera mikil öll árin, heim-
sóknir á víxl og alltaf gátum við
bankað upp á fyrirvaralaust og
alltaf fagnað innilega. Ferðalög-
in með ykkur voru mörg og átt-
um við góðar stundir saman,
fyrst hérlendis og síðast þrjár
golf ferðir til Flórída, en þá var
farið að bera á sjúkdómnum
hennar sem ágerðist alltof fljótt.
Elsku Jogga, takk fyrir allar
yndislegu stundirnar sem við
áttum saman, og Siggi minn, við
vottum þér og sonum ykkar,
þeim Þorkeli, Guðbrandi, Árna
og fjölskyldum þeirra, okkar
dýpstu samúð.
Guðfinna og Helgi.
Þegar horft er um öxl koma
upp í hugann margar myndir og
minningar.
Í heimsókn hjá Þorkeli
frænda og Önnu, stór falleg
mynd af brúðhjónum. Þetta eru
Jóhanna og Sigurður, frændi
minn, oftast kölluð af vinum og
vandamönnum Jogga og Siggi.
Þau voru stórglæsileg. Mér
fannst hún Jogga svo falleg svo
dökk á brún og brá með brúnu
augun sín og dökka hárið og svo
varð húðliturinn alltaf fallega
brúnn um leið og sólin fór að
skína.
Jogga var ekki bara falleg
hún var líka góð manneskja sem
öllum vildi vel. Var heimavinn-
andi öll fyrstu árin á meðan syn-
irnir þrír, Þorkell, Guðbrandur
og Árni, augasteinarnir hennar
sem hún var svo stolt af, voru að
komast á legg. Hún var góð
móðir. Dætur okkar Henrýs
fóru ekki varhluta af gæsku
hennar og barnelsku. Hún pass-
aði frumburðinn okkar, hana
Ástu Huld, fyrsta árið hennar á
meðan við foreldrarnir sinntum
námi og vinnu. Og svo glöddust
hún og Siggi með okkur yfir
dætrum okkar öllum þremur í
okkar nána vináttusambandi alla
tíð. Þær eiga allar margar og
góðar minningar frá fjölmörgum
samverustundum í gegnum tíð-
ina.
Jogga var glaðsinna og hló
dillandi smitandi hlátri. Hún sá
það góða við allt og alla í lífinu
og var mjög hrifnæm. Átti auð-
velt með að samgleðjast og
hrósa. Hún var ánægð með og
stolt af börnum sínum, tengda-
börnum og barnabörnum og
hafði alltaf eitthvað jákvætt og
gott um þau að segja. Það var
alltaf gaman að fá Joggu og
Sigga í heimsókn, hvort sem var
í Borgarnes til Noregs eða til
Danmerkur. En nærtækastar
eru allar samverustundirnar í
Daltúninu. Það var svo gaman
að gera Joggu gott. Hún varð
svo innilega glöð og þakklát og
hrósaði svo fallega. Jogga og
Siggi tóku einstaklega vel á móti
okkur alla tíð og vildu allt fyrir
okkur gera. Við fundum okkur
alltaf innilega velkomin.
Við spiluðum saman golf í
mörg ár, eða allt þar til allra síð-
ustu árin þín hér á jörðu að þú
hvarfst okkur, elsku Jogga, inn í
þinn heim sem við gátum ekki
vitað hvort við náðum til. Í golf-
inu var mjög gaman og notalegt
og oftar en ekki endað með góðu
spjalli yfir kaffibolla eða mat.
Nú ert þú endanlega horfin
okkur úr þessum heimi, elsku
Jogga, en minning þín mun lifa
og við geymum mynd þína í
hjarta okkar. Myndir minning-
anna hrannast upp í huga okkar
og minna okkur allar á fegurð
þína, góðvild og barngæsku, þitt
glaða sinni og dillandi hlátur, og
hvað þú vildir öllum vel.
Haf þú þökk fyrir samfylgd-
ina, kæra vinkona. Það var aðdá-
unarvert að fylgjast með ein-
lægri ást ykkar Sigga allt til
enda. Sendum þér, elsku Siggi,
og aðstandendum öllum, okkar
dýpstu samúðarkveðjur.
Ingibjörg og Henrý.
Það er gæfa hvers manns að
finna lífsförunaut og fá að fylgj-
ast að í gegnum lífið í blíðu og
stríðu. Sigurður fann Jóhönnu
sína snemma. Falleg og ástfang-
in hafa þau fylgst að í gegnum
lífið. Eignast sína þrjá góðu
syni, barnabörn og náð því að
verða langamma og -afi.
Þegar ég starfaði í ríkisbók-
haldi og Sigurður var ríkisféh-
irðir þá kom Jóhanna oft við á
skrifstofunni eftir vinnu. Það var
reisn og fegurð í hennar fasi.
Brosmild og dökk yfirlitum. Það
var greinilegt að ást og kær-
leikur ríkti á milli Sigga og Jó-
hönnu. Jóhanna hefur örugglega
á þeirra yngri árum gert allt til
að styðja Sigga. Nú síðustu árin
þegar Jóhanna veiktist gerði
Siggi allt sem hann gat til að
létta henni lífið. Góðar mann-
eskjur kunna bæði að þiggja og
gefa. Njóta lífsins þegar tæki-
færi gefast og takast á við erf-
iðleika af æðruleysi og reyna að
gera sitt besta. Þannig hefur
Siggi verið gagnvart Jóhönnu
undanfarin ár.
Ég hef verið svo heppinn að
fá að fara með Sigga til rjúpna-
veiða, sem við köllum í seinni tíð
rjúpnalabb þar sem við höfum
notið útivistar og samverunnar.
Síðan höfum við farið í skemmti-
legar golfferðir. Þá hefur verið
gaman. En alltaf var Siggi með
hugann hjá Jóhönnu. Beið þess
að hitta hana aftur og aldrei
heyrði ég hann kvarta um hlut-
skipti sitt. Nefndi aðeins að mik-
ið hefði nú verið gaman að fá að
njóta fleiri ára með Jóhönnu eft-
ir að vinnu lauk. Enginn veit
hvenær heilsan getur bilað. Við
erum minnt á það að njóta
stundarinnar og gera ekki rellu
út af smáræði sem ekki skiptir
máli.
Ég bið Guð að styrkja Sigga
og alla fjölskylduna við fráfall
Jóhönnu. Nú hefst nýr kafli í lífi
Sigga, vinar míns. Ég vona að
við eigum eftir að fara nokkrar
góðar ferðir í rjúpnalabbið og
golfið á næstu árum. Kærleikur
og friður fylgi Jóhönnu og öllu
hennar fólki.
Þorvaldur Ingi Jónsson.
Það var gott og í raun forrétt-
indi að fá að kynnast og starfa
með Jóhönnu G. Guðbrandsdótt-
ur en hún vann í fjórtán ár hjá
Söfnunarsjóði lífeyrisréttinda.
Jóhanna starfaði fyrir sjóðinn til
marsloka 2003 þá nýlega orðin
67 ára. Orð eins og hin góða, hin
ljúfa, hin glæsilega, hin tígulega
eru allt orð ásamt mörgum öðr-
um sem upp koma þegar hugsað
er til Jóhönnu. Allt eru þetta
lýsingarorð sem eiga við hana.
Aldrei skipti hún skapi þótt oft
gengi mikið á heldur tók öllum
með jafnaðargeði og jákvæðum
hug. Ljúf var hún í samskiptum
svo af bar. Um glæsileika henn-
ar þarf ekki að fjölyrða. Hún
minnti oft á suðrænar konur og
kom oft upp í hugann fræg ítölsk
leikkona sem allir þekkja. Ekki
skemmdi heldur fyrir þegar hún
kom til vinnu á köldum vetrar-
dögum í fallegum pels.
Það var með öllu útilokað
annað en að líka vel Jóhönnu. Á
móti öllum tók hún með sama já-
kvæða viðmótinu. Skipti þá engu
hvort það voru einstaklingar
sem höfðu einhverjar athuga-
semdir við starf sjóðsins, lífeyr-
issjóða almennt eða voru reglu-
legir viðskiptavinir. Jóhanna
hafði í mörg horn að líta og var
starfssvið hennar fjölbreytt. Öll-
um störfum sinnti hún af mikilli
samviskusemi og nákvæmni. Jó-
hanna starfaði fyrir sjóðinn á
miklum umbrota- og breytinga-
tímum í sögu hans. Á starfsárum
hennar þróaðist sjóðurinn úr því
að vera þriggja manna vinnu-
staður í sex manna en nú starfa
tíu manns fyrir hann.
Fjölskyldan var henni afar
dýrmæt, synirnir þrír og barna-
börnin, en síðast ekki síst eig-
inmaður hennar Sigurður Þor-
kelsson. Þau hjón voru afar
samrýnd og að mörgu leyti fyr-
irmynd að farsælu og traustu
hjónabandi. Það var því sárt að
vita af þeim veikindum sem hún
glímdi við og fram komu fljót-
lega eftir að hún hætti störfum
fyrir sjóðinn. Sigurður, eigin-
maður Jóhönnu, kom með hana í
heimsókn til okkar í nokkur
skipti og það þótti okkur mjög
vænt.
Það er með miklum söknuði
sem við kveðjum Jóhönnu G.
Guðbrandsdóttur og þökkum
henni fyrir alla samveru bæði í
leik og starfi.
Hvíl í friði.
Sigurbjörn Sigurbjörnsson,
framkvæmdastjóri Söfn-
unarsjóðs lífeyrisréttinda.
Nú er hún elsku Jogga mín
búin að kveðja okkur. Þar fer
kona sem var mér svo kær og
svo einstaklega góð. Hún pass-
aði mig pínulitla og svo aftur
þegar ég byrjaði í menntaskóla.
Þá fékk ég að búa hjá þeim
Sigga í Vesturberginu á meðan
ég áttaði mig á henni Reykjavík,
en þann vetur áttum við Jogga
oft skemmtilegar stundir. Ég
minnist þess sérstaklega hvað
mér fannst gaman að fá að mála
hana ef hún var að fara út á
kvöldin enda einstaklega glæsi-
leg kona þar á ferð. Við tókum
okkur stundum göngu á Lauga-
veginum þegar við áttum báðar
hádegishlé, Jogga í vinnunni og
ég í skólanum og kíktum í búð-
arglugga. Eftir að ég flutti nær
skólanum á öðru ári menntaskól-
ans, birtist Jogga einu sinni með
tvo kakóbolla sem við höfðum
verið að dást að í einum glugg-
anum og gaf mér í innflutnings-
gjöf. Ég fæ mér enn af og til
sopa úr þessum bollum og hugsa
hlýtt til gjafarans.
Hvíldu í friði, elsku Jogga
mín, og ég veit og vona að þú
njótir dvalarinnar á þeim stað
sem þú ert nú og trúi því að
dúkkusafnið þitt þar verði það
flottasta sem finnst þó víða væri
leitað.
Sendi strákunum þínum öllum
þeim Sigga, Kela, Guðbrandi,
Árna og fjölskyldum þeirra mín-
ar innilegustu samúðarkveðjur.
Ásta Huld Henrýsdóttir.
• Mikið úrval
• Yfir 40 ára reynsla
• Sendum myndalista
MOSAIK Hamarshöfða 4 110 Rvk
sími 587 1960 www.mosaik.is
Legsteinar og fylgihlutir
✝
Elskulegur eiginmaður minn, faðir okkar,
tengdafaðir, afi og langafi,
SIGURÐUR ÚLFARSSON,
Teigagerði 16,
lést fimmtudaginn 7. júlí.
Útför hans fer fram frá Bústaðakirkju
föstudaginn 15. júlí kl. 13.00.
Þeim sem vilja minnast hans er bent á Neistann, styrktarfélag
hjartveikra barna.
Margrét Kristín Björnsdóttir,
Björn Úlfar Sigurðsson, Ósk Halldórsdóttir,
Sigríður Margrét Sigurðardóttir, Ágúst Benediktsson,
barnabörn og langafabörn.
✝
Okkar ástkæri eiginmaður, faðir, tengdafaðir,
afi og langafi,
SIGURÐUR VIGGÓ J. NORDQUIST
verkstjóri,
Hraunvangi 3, Hafnarfirði,
áður til heimilis að
Skipagötu 15, Ísafirði,
andaðist á Hrafnistu í Hafnarfirði sunnudaginn 10. júlí.
Útförin fer fram frá Garðakirkju föstudaginn 15. júlí kl. 13.00.
Kristjana Valgerður Jónsdóttir,
Sigrún Viggósdóttir, Páll Gunnar Loftsson,
Kristján Viggósson, Erna Guðmundsdóttir,
Vilberg Viggósson, Ágota Joó,
barnabörn og barnabarnabörn.
✝
Einlægar þakkir fyrir auðsýnda samúð og
hlýhug við andlát og útför
ÞORGRÍMS BJARNASONAR
frá Neskoti
í Flókadal.
Sérstakar þakkir til starfsfólks sjúkradeildar
Heilbrigðisstofnunar Fjallabyggðar á Siglu-
firði.
Útförin fór fram frá Barðskirkju laugardaginn 9. júlí.
Aðstandendur.
✝
Elskuleg móðir okkar, tengdamóðir, amma
og langamma,
GUÐRÚN ELÍSABET
HALLDÓRSDÓTTIR,
andaðist á hjúkrunarheimilinu Droplaugar-
stöðum laugardaginn 9. júlí.
Útför hennar fer fram frá Fossvogskirkju
föstudaginn 15. júlí kl. 15.00.
Ingibjörg Kolbeinsdóttir, Snorri Þórólfsson,
Margrét Kolbeinsdóttir, Guðmundur Ingvason,
Elísabet Kolbeinsdóttir,
Halldóra Kolbeinsdóttir French, Roy French,
Kolbeinn Kolbeinsson, Þórdís K. Ágústsdóttir,
barnabörn og barnabarnabörn.
Innilegar þakkir fyrir auðsýnda samúð og
hlýhug við andlát og útför elskulegrar eigin-
konu minnar, móður, tengdamóður og ömmu,
MARÍU FINNSDÓTTUR
leikskólakennara.
Sérstakar þakkir til starfsfólks Sjálfsbjargar-
heimilisins, Hátúni 12.
Ragnar Hólmarsson,
Svavar Ragnarsson, Lillian Ragnarsson,
Finnur Ragnarsson, Harpa Dögg Kjartansdóttir,
Kári Hólmar Ragnarsson, Elín Ósk Helgadóttir
og barnabörn.
✝
Ástkær eiginmaður minn, faðir, tengdafaðir,
afi og langafi,
GÍSLI SVAVAR JÓNSSON,
Lækjarbakka,
Gaulverjabæjarhreppi,
sem andaðist á Heilbrigðisstofnun Suður-
lands miðvikudaginn 22. júní, verður
jarðsunginn frá Selfosskirkju föstudaginn 15. júlí kl. 13.30.
Þóra Sigurjónsdóttir,
Sigrún Ásdís Gísladóttir, Jón Ellert Lárusson,
Jón Gíslason, Áslaug Einarsdóttir,
Svavar Gíslason, Halldóra Karlsdóttir,
María Sigurborg Gísladóttir,
Arnar Þór Gíslason, Hólmfríður Jóhannsdóttir,
Hafrún Ósk Gísladóttir, Sigurður Þór Emilsson,
barnabörn og barnabarnabörn.
✝
Elskuleg móðir okkar, tengdamóðir og amma,
SVAVA SÍMONARDÓTTIR,
Höfða,
Akranesi,
andaðist föstudaginn 8. júlí.
Útförin fer fram frá Akraneskirkju föstudag-
inn 15. júlí kl. 14.00.
Blóm og kransar vinsamlega afþakkaðir en þeim sem vilja
minnast hennar er bent á líknarstofnanir.
Þórir Sigurðsson, Ingibjörg Elísabet Þóroddsdóttir,
Tómas Ævar Sigurðsson, Kristjana Ragnarsdóttir,
Viktor Grímar Sigurðsson, Anna Steingerður Björnsdóttir,
Sigríður Selma Sigurðardóttir, Ólafur Ágúst Símonarson,
Sigrún Sigurðardóttir, Hinrik Helgi Hallgrímsson,
Sesselja Magnúsdóttir,
Tómas Friðjónsson
og ömmubörn.