Morgunblaðið - 27.09.2011, Page 23
MINNINGAR 23
MORGUNBLAÐIÐ ÞRIÐJUDAGUR 27. SEPTEMBER 2011
Ferðin var eftirminnileg sem
við fórum með Ágústi og Sigrúnu
til Vínarborgar haustið 1976. Við
sáum þrjár sýningar í Staatsoper
þá viku sem ferðin stóð og vorum
uppveðruð yfir tónlistarflutn-
ingnum, fórum á slóðir merkra
tónskálda og skoðuðum söfn. Það
var listin sem átti hug okkar all-
an.
Vináttan hefur ætíð haldist
náin og góð, þó svo við höfum
sjaldnast búið í sama landshluta.
Dásamleg voru símtölin sem
gátu varað góða stund. Við nut-
um þess að fagna sextugsafmæli
Ágústs með fjölskyldu þeirra og
vinum á síðasta ári og heimsótt-
um þau á ferðalagi okkar um
landið í sumar. Þá hafa þau
heimsótt okkur á ferðum sínum
suður. Það sýnir vel hversu djúpt
vináttan risti að þegar dóttir
okkar gekk í hjónaband samdi
Ágúst lag og færði ungu hjón-
unum að gjöf.
Ágúst hefur verið merkisberi
tónlistarinnar í Neskaupstað um
áratuga skeið, bæði sem skóla-
stjóri Tónskóla Neskaupstaðar
og síðast en ekki síst sem kirkju-
organisti og kórstjóri í Norð-
fjarðarkirkju. Honum var lagið
að spila eftir eyranu og dýpkaði
það kennsluna og glæddi hana
lífi. Í þessum störfum hefur
Ágúst snert tilveru flestra fjöl-
skyldna í Neskaupstað og
margra annarra á Austurlandi.
Við hjónin syrgjum sárt kær-
an vin um leið og við erum þakk-
lát fyrir ómetanlega vináttu og
samveru um áratuga skeið.
Sigrún, elsku vinkona, Hall-
dór, Bjarni, Þorlákur og fjöl-
skyldur, ykkar missir er mikill
og þið eigið alla okkar samúð.
Örn Óskarsson,
Ólöf Þórarinsdóttir.
Vinur okkar Ágúst Ármann
Þorláksson er látinn, langt fyrir
aldur fram, burtkallaður fyrir-
varalaust. Í okkar litla samfélagi
ríkir sorg og söknuður yfir missi
eins síns ástsælasta sonar,
manns sem víða hefur látið til sín
taka í bæjarlífinu og borið uppi
tónlistarlíf á öllum sviðum. Ekki
bara í Neskaupstað heldur um
allt Austurland og þó víðar væri
leitað. Hans er sárt saknað.
Við kynntumst fyrir réttum 25
árum, í september 1986 þegar
við hjónin, nýflutt til Neskaup-
staðar, gengum til liðs við Kór
Norðfjarðarkirkju þar sem
Ágúst var við stjórnvölinn og var
raunar allt til dauðadags. Sá
kunningsskapur breyttist fljótt í
vináttu og gagnkvæmt traust
sem aldrei bar skugga á.
Það hefur verið okkur ómæld
ánægja og gleði að fá að starfa
undir hans öruggu stjórn öll
þessi ár. Hvort það var við at-
hafnir heima, í messuferðum til
Mjóafjarðar sem farnar voru sjó-
leiðis og veður gerðust stundum
válynd, á tónleikum eða söng-
ferðum innan lands og utan og
einnig á alls kyns mannamótum
og og fagnaðarfundum því alls
staðar þar sem tónlist var iðkuð
var Ágúst mættur og hrókur alls
fagnaðar.
Ágúst var einn allra mesti og
sannasti Norðfirðingur sem við
höfum kynnst og unni sinni
heimabyggð framar öllum öðrum
stöðum. Hann tók alltaf málstað
Norðfjarðar og var ódeigur mál-
svari hvar sem á þurfti að halda,
hvort sem umræður snerust um
samgöngur, sjúkrahúsið, spari-
sjóðinn eða Síldarvinnsluna,
knattspyrnu og að ég tali ekki
um Tónskólann eða tónlistina.
Allt þetta og margt fleira bar
hann fyrir brjósti og gat verið
ómyrkur í máli þegar honum
fannst á Norðfjörð hallað.
Nú er hann horfinn á annað
tilverustig en lífið heldur áfram
hversu óvægilega sem okkur
finnst hoggið í okkar knérunn.
Kæri vinur, far þú í friði og
friður guðs þér fylgi.
Við sendum elskulegri eigin-
konu, sonum, tengdadætrum,
barnabörnum, öldruðum foreldr-
um, systkinum og allri stórfjöl-
skyldunni okkar innilegustu
samúðarkveðjur.
Megi guð og allar góðar vætt-
ir styðja ykkur og styrkja í sorg
ykkar og söknuði.
Ingibjörg og Freysteinn.
Ágúst Ármann Þorláksson er
fallinn frá. Hans verður sárt
saknað. Aggi var afar mikilvæg-
ur fyrir samfélag sitt, dugnaður
hans og kraftur smitaði út frá
sér og vilji hans til jákvæðra
verka var einstakur.
Þann tíma sem undirritaðir
komu að stjórn Neskaupstaðar
og síðar Fjarðabyggðar var
samstarfið við Agga eins og best
varð á kosið. Hann stýrði Tón-
skóla Neskaupstaðar af miklum
metnaði og allt sem að skólanum
laut var í góðu lagi. Þá var hann
frábær kennari sem hafði lagni á
að nýta sér þann áhuga sem
hver nemandi hafði á tónlist og
hvatti nemendur sína til dáða
óháð því hvaða tegund tónlistar
þeir aðhylltust.
Fjölhæfni Agga á tónlistar-
sviðinu nýttist samfélagi hans
vel. Hann kom ótrúlega víða við.
Hann stýrði kirkjukórnum, hann
lék í danshljómsveitum, hann lék
undir almennum söng, hann
skipulagði tónleika, hann var
tónlistarstjóri þegar efnt var til
tónlistarsýninga, hann annaðist
tónlistarflutning á leiksýningum
og svo mætti lengi telja. Dugn-
aður hans var alþekktur og þeg-
ar leitað var til hans átti hann
erfitt með að segja nei. Hann
taldi sig hafa skyldur við sam-
félagið og þess vegna væri sjálf-
sagt og nauðsynlegt að hæfileik-
ar hans kæmu því til góða. Hann
hélt öðrum tónlistarmönnum við
efnið og var sífellt að finna til-
efni til tónlistarflutnings af öllu
tagi. Allir sem störfuðu með
honum báru virðingu fyrir þekk-
ingu hans og atorkusemi en
sumum fannst hann stundum
harður húsbóndi enda þoldi
hann illa skipulagsleysi og tíma-
eyðslu.
Þeir sem þetta rita eiga
ánægjulegar endurminningar
frá undirbúningi þorrablóta und-
anfarin 30-40 ár. Á kommablót-
um lék Ágúst undir almennum
söng af mikilli list og eins tók
hann þátt í flutningi annáls sem
fluttur var árlega. Þar var tón-
list og söngur mikilvægur þáttur
og Aggi í lykilhlutverki. Við slík-
ar aðstæður naut hann sín vel.
Hann kunni öll lög og hafði frá-
bæra kímnigáfu sem kom til
góða í þessu tilviki. Þorrablóts-
gestir kunnu vel að meta ann-
álana en þeir sem sömdu þá og
fluttu skemmtu sér jafnvel enn
betur.
Aggi hafði mikinn áhuga á
sveitarstjórnarmálum og lands-
málum auk þess sem hann tók
virkan þátt í ýmiss konar fé-
lagsstarfsemi. Höfundar þessar-
ar greinar nutu stuðnings hans á
sviði bæjarmálanna og sá stuðn-
ingur var ómetanlegur. Aggi
sagði skoðanir sínar umbúða-
laust og hikaði ekki við að gagn-
rýna þá sem réðu ferð. Á hann
var hlustað af mikilli athygli
enda færði hann oft góð rök fyrir
máli sínu. Sérstaklega var hon-
um umhugað um að menningar-
og menntamálum væri vel sinnt
en auk þess bar hann almennt
mikla umhyggju fyrir bæjar-
félaginu sínu og fjórðungnum
öllum.
Það er erfitt að hugsa um
Neskaupstað og Fjarðabyggð án
Agga. Sveitarfélagið og reyndar
fjórðungurinn allur hefur misst
mikið en Agga verður best
minnst með því að stuðla að öfl-
ugu tónlistar- og menningarlífi
og góðri tónlistarfræðslu.
Við undirritaðir og Klara og
Mæja viljum votta Sigrúnu,
Lalla, Jóu, sonum og systkinum
Agga, tengdadætrum, barna-
börnum og öðrum aðstandend-
um innilega samúð á þessum erf-
iðu tímum. Minningin um
frábæran dreng mun lifa.
Guðmundur Bjarnason
og Smári Geirsson.
Ekki átti maður von á að fá
slík tíðindi sem þau að morgni
síðastliðins mánudags að vinur
minn og félagi, Ágúst Ármann
Þorláksson, hefði orðið bráð-
kvaddur þá um nóttina á heimili
sínu á Norðfirði. Það er aldrei
svo að maður geti verið undir
það búinn þegar fólk er hrifið
burt úr þessu jarðlífi en ein-
hvern veginn er það að höggið
verður meira þegar fólk er kvatt
burt svo snögglega og án nokk-
urra skýringa. Fólk eins og Aggi
vinur minn sem var í fullu fjöri
hlaðinn störfum og áætlunum
fyrir samfélagið sitt hér fyrir
austan ásamt því að vera um-
hyggjusamur fjölskyldufaðir og
styrk stoð stórfjölskyldu sinnar.
Ég ætla ekki í þessum fátæklegu
orðum hér að fara í upprifjun á
ævi Agga, til þess eru margir
betur fallnir, heldur fá að minn-
ast vináttu okkar sem staðið hef-
ur óslitið frá barnæsku minni.
Aggi var einn af þessum mönn-
um sem taka öllum vel, ræða við
alla á jafnréttisgrundvelli, opinn
og hlýr maður. Hann var óum-
deildur leiðtogi í tónlistarlífi
Norðfjarðar síðustu áratugi
enda gáfum við vinir hans hon-
um viðurnefnið „Don Ágúst“ á
þeim vettvangi, bæði í gamni og
alvöru. En það var ekki bara
innan fjallahringsins á Norðfirði
sem Aggi var þungamiðja í tón-
listar- og menningarlífi heldur á
öllu Austurlandi þar sem hann
bæði spilaði á tónleikum, stjórn-
aði kórum og hljómsveitum og
stóð fyrir uppákomum sem auðg-
að hafa menningarlífið hér í
gegnum árin. Árið 2007 fékk
hann menningarverðlaun SSA og
hafa fáir verið jafnvel að þeirri
viðurkenningu komnir og hann. Í
gegnum árin óx vinátta okkar og
styrktist enda báðir fæddir og
uppaldir í Norfjarðarsveit sem
við töldum að væri óumdeildur
miðpunktur allífsins. Þær eru
margar og góðar minningarnar
sem ég á frá samleið þeirri sem
ég átti með Agga. Mörg djúpvit-
ur samtölin um allt milli himins
og jarðar og ekki spillti fyrir ef
við ákváðum um leið að heiðra
verkþekkingu víngerðarmeistar-
anna í þeirri dásemdarborg Cog-
nac í Frakklandi um leið. Slíkt
var ávísun á að ýmis heimsmál
voru krufin til mergjar og leyst
úr að okkur fannst mjög farsæl-
lega.
Greiðvikni Agga var alþekkt.
Ef mann vantaði tónlistarflutn-
ing, hvort sem var fyrir viðburði
hjá manni sjálfum eða í þágu ein-
hvers í samfélaginu, þá var minn
maður bóngóður með afbrigðum
og vildi allt fyrir alla gera og
málin leyst þó nóg væri undir hjá
honum í verkefnum.
Þá átti ég ekki síður mikla vin-
áttu við alla fjölskyldu Agga.
Ekki síst syni þeirra hjóna, hans
og Sigrúnar, þá Halldór, Bjarna
Frey og Þorlák Ægi, sem og alla
stórfjölskylduna.
Kæra fjölskylda, frá ykkur
hefur nú verið tekinn góður mað-
ur og eftir stendur ólýsanleg
sorg og söknuður. Þótt það virð-
ist lítils virði nú mun þó minning
um góðan dreng ylja um ókomna
tíð. Við eigum eftir að sakna
hans mikið en spor hans í okkar
samfélagi eru djúp og í þau fenn-
ir ekki heldur munu þau halda
minningu hans á lofti.
Farðu í friði góði vinur og
kannski verður það svo, eins og
þú sagðir oft, að eitthvað bíður
eftir þetta jarðlíf. Þá hittumst við
aftur og tökum upp þráðinn þar
sem frá var horfið.
Jón Björn Hákonarson.
HJARTAVERND
Minningarkort
535 1825
www.hjarta.is 5351800
✝
Ástkær eiginmaður minn, faðir okkar, tengda-
faðir, afi og langafi,
SIGURBJÖRN ÞORLEIFSSON
frá Langhúsum,
Fljótum,
Kleifartúni 15,
Sauðárkróki,
lést föstudaginn 23. september.
Útförin fer fram frá Sauðárkrókskirkju föstudaginn 30. september
kl. 11.00
Jarðsett verður að Barði í Fljótum.
Blóm og kransar eru vinsamlegast afþakkaðir en þeim sem vilja
minnast hans er bent á minningarsjóð Rakelar Pálmadóttur,
nr. 0310-13-703015, kt. 561179-0189.
Bryndís Alfreðsdóttir,
Ríkey Sigurbjörnsdóttir, Hafþór A. Kolbeinsson,
Guðbjörg Sigurbjörnsdóttir, Ólafur Björnsson,
Birna M. Sigurbjörnsdóttir, Sigurgeir F. Þorsteinsson,
Þorlákur M. Sigurbjörnsson, Arnþrúður Heimisdóttir,
barnabörn og barnabarnabörn.
✝
Elskuleg móðir okkar, tengdamóðir, amma
og langamma,
GUÐRÚN BJARGEY JÓNSDÓTTIR,
Garðbæ,
Vesturgötu 105,
Akranesi,
síðast til heimilis að Höfða,
andaðist á Höfða miðvikudaginn 21. september.
Útförin fer fram frá Akraneskirkju föstudaginn 30. september
kl. 14.00.
Jónína Valdemarsdóttir, Ingvar Baldursson,
Sigríður K. Valdemarsdóttir, Jón Helgason,
barnabörn og barnabarnabörn.
✝
Ástkær dóttir og fósturdóttir,
BJARNEY ERLA SIGURÐARDÓTTIR,
Baddý,
lést á heimili okkar Malarási 4, Reykjavík,
föstudaginn 23. september.
Útförin verður auglýst síðar.
Guðrún Jensdóttir, Halldór Steingrímsson.
✝
Elskuleg móðir okkar, tengdamóðir, amma,
langamma og langalangamma,
GUÐRÚN JÓNSDÓTTIR
frá Hofi,
Freyjugötu 26,
Sauðárkróki,
lést á Heilbrigðisstofnun Sauðárkróks
fimmtudaginn 22. september.
Jarðsungið verður frá Sauðárkrókskirkju laugardaginn 1. október
kl. 14.00.
Bára Pétursdóttir,
Margrét Pétursdóttir, Baldur Sigurðsson,
Jón S. Pétursson, Erna Jóhannsdóttir,
Gunnar S. Pétursson, Sólveig Þorvaldsdóttir,
Pétur Axel Pétursson, Steinunn Kristinsdóttir,
Svanhildur Pétursdóttir,
Skarphéðinn R. Pétursson, Steinunn Guðmundsdóttir,
Hrafnhildur Pétursdóttir, Birgir R. Rafnsson,
barnabörn, barnabarnabörn og barnabarnabarnabörn.
✝
Ástkær eiginkona mín, dóttir, systir, móðir,
tengdadóttir og amma,
HAFDÍS JÓNSTEINSDÓTTIR,
skrifstofustjóri,
lést á líknardeild Landspítalans í Kópavogi
föstudaginn 23. september.
Jarðsungið verður frá Víðistaðakirkju
þriðjudaginn 4. október kl. 15.00.
Blóm og kransar vinsamlegast afþakkaðir en þeim sem vilja
minnast hennar er bent á Barnaspítala Hringsins.
Ólafur Örn Jónsson,
Halldóra Kristjánsdóttir, Jónsteinn Haraldsson,
Borgar Jónsteinsson, Þórunn Inga Sveinsdóttir,
Rósa Arnórsdóttir, Jón Gestur Jónsson,
Halldóra Ólafsdóttir,
Ísold Braga Halldórudóttir,
Ólafur Örn Ólafsson, Ástrós Ósk Jónsdóttir.
✝
Ástkær dóttir mín, systir, mágkona og
frænka,
SIGURBJÖRG NÍELSDÓTTIR,
Bögga,
Kringlumýri 31,
Akureyri,
lést á Sjúkrahúsinu á Akureyri sunnudaginn
25. september.
Jarðarförin verður auglýst síðar.
Birna Gunnarsdóttir,
Gunnar Níelsson, Ragnhildur Björg Jósefsdóttir,
Birna Ósk Gunnarsdóttir,
Tinna Björg Gunnarsdóttir,
Ólafur Níels Gunnarsson.
✝
Eiginmaður minn, faðir okkar, tengdafaðir og
afi,
ARNÓR HVANNDAL HANNESSON
múrari,
Móaflöt 41,
Garðabæ,
lést á Landspítalanum við Hringbraut, deild
11 G, miðvikudaginn 14. september.
Útförin hefur farið fram.
Þökkum vináttu og veittan stuðning, sérstaklega til starfsfólks á
deild 11 G Landspítalans.
Þuríður Kristinsdóttir,
Hannes H. Arnórsson,
Málfríður A. Arnórsdóttir, Guðjón M. Ólafsson,
Kristinn M. Arnórsson, Guðlaug R. Guðmundsdóttir,
Arnór H. Arnórsson
og barnabörn.
✝
Elskuleg móðir okkar, tengdamóðir, amma
og langamma,
INGIBJÖRG SNÆBJÖRNSDÓTTIR,
Bólstaðarhlíð 45,
Reykjavík,
lést á Hrafnistu, Hafnarfirði, laugardaginn
24. september.
Útförin verður auglýst síðar.
Elín Birna Hjörleifsdóttir,
Jón Hjörleifsson,
Sigríður Hjördís Hjörleifsdóttir
og aðrir aðstandendur.