Morgunblaðið - 14.10.2011, Side 14

Framkvæmdir við Búðarhálsvirkjun14
MORGUNBLAÐIÐ FÖSTUDAGUR 14. OKTÓBER 2011
BAKSVIÐ
Helgi Bjarnason
helgi@mbl.is
„Á þessum vinnusvæðum eigum við
ekki síður félaga en vinnufélaga.
Við tökum upp öðruvísi spjall eftir
vinnu en förum ekki hver til síns
heima,“ segir Gísli Kristófersson,
yfirverkstjóri byggingarvinnu Ís-
taks við Búðarhálsvirkjun.
Rösklega 250 menn eru enn við
vinnu við byggingu Búðarhálsvirkj-
unar. Eitthvað fækkar í næsta mán-
uði þegar dregið verður úr jarð-
vinnu, samkvæmt upplýsingum Páls
Eggertssonar staðarstjóra Ístaks,
en starfsfólki fjölgar aftur næsta
vor. Þá er gert ráð fyrir að um 300
manns verði að störfum samtímis
allt sumarið, samkvæmt upplýs-
ingum Landsvirkjunar. Samtals
verða 600 til 700 ársverk á þriggja
ára framkvæmatíma og er þetta
mannaflsfrekasta verklega fram-
kvæmdin í landinu um þessar
mundir.
Vinnudagurinn er langur, unnið
er frá sjö til sjö. Þeir sem vinna við
byggingarnar vinna átta daga í röð
og fá síðan fjögurra daga frí. Er
hópnum skipt upp þannig að fríin
eru á mismunandi tímum og unnið
alla daga vikunnar. Rúllan er öðru-
vísi í jarðvinnunni, þar er unnið í
tíu daga í beit og síðan liggur vinn-
an niðri á meðan mennirnir taka út
fríið. Unnið er á vöktum við ganga-
gerðina allan sólarhringinn, alla
daga vikunnar. Stjórnendur fara
heim um helgar, þegar það er hægt.
Duglegir karlar
Ekki eru tækifæri fyrir tímafrek
áhugamál eftir vinnu. Gísli Krist-
ófersson segir að menn horfi á sjón-
varp. Flestir séu með tölvur og
heimabíó. Þá séu áhöld til líkams-
ræktar mikið notuð og sumir
skokki. Þá stofnuðu starfsmenn
hljómsveit undir forystu kokksins
og æfa saman á kvöldin. Hún hefur
spilað einu sinni opinberlega en það
var við athöfn þegar því var fagnað
að markmið í öryggismálum höfðu
náðst.
Vel gekk að manna allar stöður,
þegar framkvæmdin komst í gang.
Það var bæði gert með því að færa
mannskap úr öðrum verkefnum Ís-
taks og ráða nýja starfsmenn. Gísli
segir raunar að sumir þeirra hafi
áður unnið hjá fyrirtækinu. Hann
segir að enn sé töluvert spurst fyrir
um vinnu þótt lítið sé ráðið um
þessar mundir.
„Ég tel að við höfum verið mjög
heppnir með mannskapinn. Við
fengum duglega karla sem endast í
þessu. Hinir hurfu fljótt,“ segir
Gísli. Hann hefur unnið hjá Ístaki
frá unga aldri og verið við virkjanir
á hálendinu og mörg stórverkefni
hérlendis og erlendis.
„Ég þekki marga karlana sem
sækja í þessa virkjanavinnu. Man
eftir þeim úr fyrri verkefnum. Þeir
vilja vera í svona vinnu og kunna að
taka á því,“ segir Gísli.
Fjarvistir bærilegri
Vegna bættra samgangna og
fjarskipta eru fjarvistir frá fjöl-
skyldum bærilegri en var í virkj-
anavinnu fyrr á árum. Gísli rifjar
upp að þegar hann byrjaði hafi
menn farið saman á rútum upp á
fjöll og til að komst í samband við
fjölskylduna hafi þurft að fara í
síma inni í eldhúsi. „Núna eiga
menn möguleika á að skreppa í bæ-
inn eftir vinnu, þetta er ekki nema
tveggja tíma akstur á góðum vegi.
Menn gera það þó ekki, við búum
hér alla vikuna,“ segir Gísli.
Stíflustæði Stíflan í farvegi Köldukvíslar er undirbúin á þurru því ánni hefur verið veitt framhjá. Stíflan er rúmir tveir kílómetrar að lengd, gerð úr jarðvegi með grjótvörn. Hún verður byggð upp á næsta
Eignast ekki síður
félaga en vinnufélaga
 Langur vinnudagur við Búðarhálsvirkjun  Sömu karlarnir sækja alltaf í virkj-
anavinnu  Kunna að taka á því  Kvöldin fljót að líða við sjónvarp og líkamsrækt
Verktakar Mikið mæðir á þeim Gísla Kristóf