Morgunblaðið - 31.10.2011, Blaðsíða 15
Reuters
Reiði Sýrlendingar, búsettir í Egyptalandi,
veifa myndum af Assad í mótmælum í gær.
Kristján Jónsson
kjon@mbl.is
Grípi Vesturveldin inn í gang mála í Sýr-
landi mun það geta valdið pólitískum „jarð-
skjálfta“ í Mið-Austurlöndum, alls staðar
færi allt í bál og brand, segir Bashar Assad
Sýrlandsforseti í viðtali við breska blaðið
Sunday Telegraph. „Sýrland er nú öxullinn
sem allt snýst um á þessu svæði,“ sagði As-
sad. „Þar er brotalína og ef menn fara óvar-
lega með landið munu þeir koma af stað
jarðskjálfta. Langar menn til að verða vitni
að nýju Afganistanstríði, tugum Afganist-
anstríða?“
Ban Ki-moon, framkvæmdastjóri Samein-
uðu þjóðanna, krafðist þess um helgina að
bundinn yrði endi á kúgunina í Sýrlandi.
Nokkur arabaríki fordæmdu á föstudag
stjórnvöld í Damaskus fyrir að „halda áfram
að drepa óbreytta borgara“. Ráðherranefnd
Arababandalagsins var varkárari en hvatti
stjórn Assads til að grípa til „nauðsynlegra
ráða“ til að vernda óbreytta borgara.
Andstæðingar Assads krefjast þess nú að
komið verði á flugbanni yfir Sýrlandi eins
og gert var í Líbíu til að hindra Muammar
Gaddafi í að nota flugherinn gegn uppreisn-
armönnum. Yfir 3.000 manns hafa fallið und-
anfarna sjö mánuði í átökum hermanna við
óbreytta borgara sem risu upp gegn einræðí
Assads og Baath-flokks hans í kjölfar upp-
reisnanna í Túnis og fleiri arabaríkjum á
árinu.
Assad segir allt svæðið munu loga
Forseti Sýrlands varar Vesturveldin við því að grípa inn í átök stjórnvalda við andófsmenn
Segir íslamista að verki
» Assad fullyrti í viðtalinu að bar-
áttan stæði milli annars vegar sín,
sem vildi einingu arabaþjóða, og hins
vegar íslamista í Bræðralagi múslíma.
» Tugir hermanna og andófsmanna
féllu á laugardag í borginni Homs.
» Stjórnvöld sögðu að auk þess hefðu
10 liðsmenn öryggissveita fallið er
setið var fyrir rútu þeirra í Idlib-
héraði.
FRÉTTIR 15Erlent
MORGUNBLAÐIÐ MÁNUDAGUR 31. OKTÓBER 2011
Íbúi í hverfinu Bang Phlat í norðanverðri Bang-
kok í Taílandi fetar sig fram hjá limgerðis-
skúlptúr á flóðasvæðinu í gær. Enn var vatns-
hæðin sums staðar yfir einn metra í úthverfum
höfuðborgarinnar í gær en hún stendur mjög
lágt og skammt frá sjó. Dæmi erum að slöngur
og krókódílar hafi skriðið úr vatninu inn í
íbúðarhús. Minnst 370 hafa týnt lífi af völdum
hamfaranna, enn streymir vatn af hálendari
svæðum í átt til sjávar en spáð er að nokkuð
dragi úr krafti flaumsins í dag. Yingluck Shina-
watra forsætisráðherra sagðist í gær vera von-
góð um að varnargarðar úr sandpokum héldu
þannig að miðborgin slyppi að mestu. Um 41%
landsframleiðslunnar verður til í Bangkok.
Reuters
Miðborg Bangkok gæti sloppið
Enn mikil flóð Taílandi en líkur á að dragi úr þeim í dag
FRETTASKÝRING
Kristján Jónsson
kjon@mbl.is
Stundum segja fjölmiðlar vægast
sagt misvísandi fréttir af skorti í
heiminum. Þannig var nýlega sagt að
nær 60 milljónir Bandaríkjamanna
ættu ekki málungi matar. Þjáðust af
hungri. Er hugsanlegt að þannig sé
raunveruleikinn í því landi heims þar
sem offita er mest, sem framleiðir
mest af mat og flytur mest út af mat?
Svarið er nei. Álíka fátítt er að
Bandaríkjamenn deyi úr hungri og
Norðurlandabúar. Vannæring er að
sjálfsögðu til hjá öldruðu fólki sem
illa er sinnt; það þekkist því miður í
öllum ríkum löndum. Einnig hjá úti-
gangsfólki, eiturlyfjafíklum og börn-
um þeirra, hugsanlega ólöglegum
innflytjendum eða þeim sem eru of
stoltir til að biðja um aðstoð.
En reiðir bloggarar vestra benda á
að verið sé að gjaldfella hugtakið
hungur með því að nota það jöfnum
höndum um félagsleg vandamál í
ríku löndunum og raunverulegan
hungurdauða í Sómalíu. Gera óbein-
línis lítið úr þjáningum Sómala.
Gallup-stofnunin bandaríska mæl-
ir reglulega ástandið hjá fjölskyldum
í landinu með því að spyrja nokkurra
lykilspurninga.
Dæmi: Hefurðu heimsótt tann-
lækni á undanförnum 12 mánuðum?
Áttu nógu mikla peninga til að kaupa
mat handa þér og fjölskyldunni? Áttu
nógu mikla peninga til að útvega þér
og fjölskyldunni viðunandi húsnæði?
Gallup les vafalaust rétt úr svör-
unum en hvernig ber að skilgreina
„viðunandi“ húsnæði? Aukið hlutfall
sem lýsir vandamálum vegna pen-
ingaleysis segir þó sína sögu um
versnandi efnahagsástand síð-
ustu árin. En ekki að nú
þjaki hungur fjölda Banda-
ríkjamanna.
Ekki er spurt hvort fólk
svelti og þá hve oft. En 19%
svara að þeir eigi erfitt með
að öngla saman fyrir mat.
Þetta er huglægt mat þeirra
en segir fátt um það hvort
þeir verði raunverulega að
neita sér um mat.
Ljóst að nær enginn
Bandaríkjamaður sveltur
En margir segjast eiga erfitt með að kaupa sér mat
Þjóðveldis-
flokkur Høgna
Hoydals í Fær-
eyjum galt af-
hroð í kosn-
ingum á laugar-
dag, tapaði
tveimur sætum.
Konur skipa nú
fjögur af sex sæt-
um flokksins, ein
þeirra er Gunnvör Balle, fyrrver-
andi sendiherra á Íslandi. Sam-
bandsflokkur Kajs Leos Johann-
esens lögmanns bætti við sig, var
með um 25% og átta sæti.
Vinstrimenn tapa
miklu fylgi í kosn-
ingum í Færeyjum
Høgni Hoydal
Klukkunni var breytt yfir í vetr-
artíma í Bretlandi um helgina en
svo getur farið að það verði í síð-
asta sinn. Rússar ákváðu nýlega að
nota sumartíma allt árið og hreyfa
því að þessu sinni ekkert við klukk-
unni, frekar en Íslendingar.
Breskur íhaldsþingmaður lagði í
fyrra fram tillögu um að kannaðir
yrðu kostir og gallar við að sam-
ræma klukkuna meginlandstíma.
Samþykki Skotar, Walesbúar og
N-Írar hugmyndina gæti breski
sértíminn verið fyrir bí á næsta ári.
Taka Bretar loks upp
Evróputíma?
Bandaríkjamenn hyggjast styrkja
herafla landsins í ríkjum við Persa-
flóa eftir að síðustu bandarísku
hermennirnir yfirgefa Írak í árs-
lok, að sögn The New York Times.
Yfirmönnum hersins tókst ekki að
fá Barack Obama Bandaríkjafor-
seta og ráðamenn í Bagdad til að
samþykkja að allt að 20 þúsund
manna liðsafli yrði áfram í Írak
eftir 2011.
Babaker Zebari, hershöfðingi í
her Íraks, álítur að herinn verði
ekki reiðubúinn að verja loftrými
landsins fyrr en 2020. „Landher án
aðstoðar flughers er mjög ber-
skjaldaður,“ segir Zebari. Íraks-
stjórn hefur pantað 18 bandarískar
F-16-orrustuþotur en nokkur ár
munu líða áður en þær verða tekn-
ar í notkun.
Bandaríkjamenn óttast að við
taki tími óstöðugleika, Íranar gætu
t.d. ráðist á Írak. Verður því reynt
að styrkja varnartengsl Bandaríkj-
anna við Sádi-Arabíu, Kúveit, Bar-
ein, Katar, Sameinuðu arabísku
furstadæmin og Óman. kjon@mbl.is
AP
Vígreifir Íraskir hermenn og lögreglumenn eru margir lítt þjálfaðir.
Efla samstarf við
Persaflóaríki
Bloggarar vestra hafa margir
tjáð sig um „hungurfréttina“ og
deila hart. Sumir segja hana
stórundarlega í landi þar sem
stjórnvöld tryggi öllum mat-
arseðla (food stamps) ef þeir
eiga ekki fyrir mat. (En þá mega
árstekjur að vísu ekki
vera miklar.) Fullyrt er
að Gallup spyrji ekki
lengur hvort fólk svelti
vegna þess að langt sé
síðan nokkur hafi svar-
að já.
„... 19% Bandaríkja-
manna hafa áhyggjur af
því að þeir og fjölskyldan
geti ekki étið yfir sig,“
segir bloggari háðslega.
Verið að ýkja
vesöldina?
„HUNGURFRÉTTIN“