Birtingur - 01.06.1968, Page 79

GUNNLAUGUR SVEINSSON: ÆVINTÝRI A F MÖLINNI
Margir hafa skrifað bækur um íslenzka ættfræði.
Ég veit ekkert, hvað stendur í alfræðiorðabókunum
á Landsbókasafninu.
Ég les hvorki Hagtíðindi né Frjálsa verzlun
og finnst hvort tveggja leiðinlegt á tannlækningastofum.
Mölin í Skerjafirðinum er hluti af barnssál minni
ég lék mér undir borðinu
og sleit vængi og lappir af flugum.
Móðir mín sagði mér oft frá dáðum feðra minna
og ættmenna
og þegar hún fletti í fornsögunum
lýstu augu hennar móðurlegu stolti
eins og þegar hún fékk bréf frá systur minni
sem var í útlöndum.
Þá daga sagði hún mér engar scigur
og ég hímdi ráðlaus undir borðinu.
Það var um svipað leyti, sem ég las Flróa Hött,
en ég held nærri því,
að Gunnar á Hlíðarenda hafi haft meiri áhrif á æsku mína.
Á sjöunda ári var mér gefin bók í afmælisgjöf
með alls konar teikningum.
Þar sá ég öndvegissúlur
í fyrsta skipti
upphlut
hval
atgeir
taðkláf
og Glám og Gretti í fangbrögðum.