Vera - 01.04.1983, Síða 24

Að leiðrétta mistök
Fulltrúi kvennaframboðsins í umferðanefnd,
Edda Björgvinsdóttir, leysir frá skjóðunni:
Sp: Hvert er hlutverk urnferðanefndar borgarinnar?
E: Henni er ætlað að vinna að bættu skipulagi í umferöa-
málum fyrst og fremst. Starfið fer helst í að sinna óskum
sem berast frá íbúum víðs vegar um borgina, það er t.d.
ekki óalgengt að fundir fari fram í rútubíl á meðan við
förum í skoðunarferðir til að kanna aðstæður!
Sp: Eftir nœrri ár í þessari nefnd - hefur eitthvað komið
þér sérstaklega á óvart?
E: Já - það sem svo sannarlega hefur komið mér mikið á
óvart er hversu margar beiðnir berast um hraðahindr-
andi aðgerðir, einkum og sérílagi frá nýju hverfunum.
Mér finnst sem viðhorfin séu mikið að breytast frá því að
bíllinn sé heilög kýr, sem skuli hafa algjöran forgang. Að
alltaf sé séð fyrir að hann hafi greiða leið, að umferð sé
fyrst og fremst umferð bíla. Þessi viðhorf eru að breytast
til miklu manneskjulegri viðhorfa, til aukins tillits til
gangandi og hjólandi fólks. Nú er fólk að átta sig á því að
göturnar eru of beinar og of langar, þær bjóða beinlínis
upp á hraðaakstur og varla nokkuð öryggi. Auðvitað er
ég hér að tala um húsagötur inni í íbúöahverfum en ekki
tengibrautirnar eða stofnbrautir, þ.e. götur á milli
hverfa. En sem sagt - starf okkar í umferðarnefndinni
felst einkum í að leiðrétta mistök, skipulag sem síðar
kemur í ljós að þarf að laga og það er bað sem kemur á
óvart7hversu mikið af þeim beiðnum kemur frá nviu
hyerfunum.
Sp: Svo umferðarnefnd er sá aðili sem best er að snúa sér
til með kvartanir og þess hátlar?
E: Einmitt. Og ég vil hvetja fólk til að láta vita, hika ekki
við að koma með beiðnir og kvartanir, því auðvitað eru
það íbúarnir í hverju hverfi sem vita best hverju er
ábótavant. Um að gera að líta gagnrýnum augum í kring
um sig og benda á það sem betur þyrfti að fara.
Sp: Og þú persónulega, hefur þú lagt áherslu á eitthvað
sérstakt í nefndinni?
E: Ég hef verið að samþykkja óskir um hraðahindranir,
og útbúa tillögur í þá átt. Núna hef ég og við í nefndinni
einnig verið að vinna að tillögum um það, hvernig best
væri að haga áróðri vegna Norræna umferðaröryggisárs-
ins, þú hefur heyrt um það já - mér finnst alltof fáir vita
um að það stendur yfir!
Sem dæmi um tillögugerð vildi ég nefna samvinnu
okkar Katrínar Fjeldsted varðandi breyttan hámarks-
hraða í íbúðarhverfum, þ.e. að hámarkshraði þar verði
_3() km í stað 50 km sem nú er. Við höfum lagt heilmikla
vinnu í þessa tillögu og erum raunar enn að vinna hana
þannig úr garði, að það verði beinlínis ekki verjandi að
fella hana. Það er nefnilega erfiðara en margan grunar
að sannfæra rétta aðila um að það sé hægt að ferðast á
svolítið minni hraða og að það muni verða til aukins
öryggis og færri slysa.
Sp: ,SVo þið eruð að hlaða góðum rökum undir þessa
tillögu!
E: Já. Fyrir það fyrsta má benda á að slysatíöni fer alls
staöar lækkandi nema hér á Islandi og erlendis þakka
menn þessu ekki hvað síst harðari ákvæðum um hraða-
akstur og auknum hraðahindrunum. Þess eru dæmi, t.d.
frá Bandaríkjunum og Vestur-Þýskalandi, að þegar
leyföur ökuhraði var lækkaður í orkusparnaðarskyni,
fækkaði slysum svo að ákveðið var að hækka leyfðan
hraða ekki á nýjan leik eins og þó hafði staðið til fyrst.
Þá vekjum við athygli á reynslunni frá árinu 1968,
þegar skipt var yfir í hægri umferð með miklum áróðri
og ærnum kostnaði. Það ár ber hreinlega af hvað varðar
slysatíðni, sem var mun lægri en árið áður og ekki að effy
að þar sagði áróðurinn sitt. Það vill vera svo, að kostnað-
arhliðinni er boriö við^þegar stungið er upp á auknum
áróðri og auknum aðgerðum til að draga úr hraða. En
reynslan sýnir, að sá kostnaður marg borgar sig. Allt of
fáir szera sér fulla ttrein fvrir bví. hvað umferðin kostar
samfélamö. Fleiri umferðarljós, hindranir, upphækkanir,
hlið og hvað það nú allt er, sem gera má, er kostnaðar-
samt, en guð minn góður hvað kostar bílaumferðin okk-
ur í mannslífum og beinhörðum peningum!
En eins og ég sagði áðan, viðhorfin eru að breytast,
flestir eru að vakna upp af værum blundi hvað varðar
bílinn. Það er reglulega spennandi að fylgjast með til-
raunum í þessum málum, mér dettur í hug það sem er
veriö að gera t.d. í Hollandi og Danmörku - alveg nýjar
tegundir af götum: götur fyrir alla og ekki bara bíla,
götur með trjám og gönguleiðum og hjólabrautum. Um-
ferðaræð í orðsins fyllstu merkingu, hugsaður þér það!
Sp: Nokkur orð að lokum?
E: Ósk um að allir verði virkilega meðvitaöir um um-
hverfiö - hiki ekki við að hafa samband við rétta aðila til
að koma skoðunum sínum á framfæri og svofað skipulag
nvrra hverfa verði borið undir Umferðanefnd til um-
sagnar.
Ms/EB