Vera - 01.06.1999, Side 36

hefur mikið velt fyrir sér úrræðum og í vet-
ur var komið á aðfararnámi f leikskólaskor-
ina, í samstarfi við KHÍ. Námið er ætlað
starfsfólki á leikskólum sem hefur lokið 100
stunda námi á vegum Sóknar og í vetur
stunduðu 30 starfsmenn þetta nám, að
hluta til meðfram starfi á leikskólunum. Mér
þykir ánægjulegt að fulltrúaráð Félags ís-
lenskra leikskólakennara skyldi í vor sam-
þykkja ályktun um að unnið skuli að því að
bjóða reyndum starfsmönnum möguleika á
framhaldsnámi í faginu.“
Þegar rætt er um starfsemi leikskóla berst
talið fljótt að launamálunum. Kristín bendir á
að launum kvenna hafi verið haldið niðri
árum saman, því þurfi meiriháttar átak til að
koma þeim málum í lag.
„Ég vil kalla þetta fortíðarvanda," segir
hún. „Með launafrystingu þessara stétta á
sínum tíma var góðærið búið til og um leið
er talað um að ekki megi hreyfa við lægstu
laununum því þá muni undirstöður góðæris-
ins bresta. Laun leikskólakennara hjá
Reykjavíkurborg eru ákvörðuð í almennum
kjarasamningum sem eru í gildi um allt land
fram á árið 2000.“
Sér Reykjavíkurborg ekki möguleika á
viðbótargreiðslum ofan á þá kjarasamninga,
eins og samið hefur verið um í mörgum
sveitarfélögum?
„Við höfum ekki eins mikið svigrúm og
sveitarfélög sem reka nokkra leikskóla. í
Reykjavík eru 70 leikskólar og starfsmenn
um 1700. Ef laun eru hækkuð hjá einni stétt
borgarinnar kemur öll skriðan á eftir og því
er svigrúmið ekki mikið. Eins er erfitt fyrir
okkur að hreyfa við samningum innan leik-
skólanna, því þá riðlast bilið á milli launa-
flokka. Þó er reynt að koma til móts við leik-
skólakennara vegna viðbótarverkefna. Það
hefur t.d. verið gífurlegt álag á þá vegna erf-
iðs starfsmannahalds sem tengist atvinnu-
ástandinu í þjóðfélaginu. Þegar nóga atvinnu
er að fá er mikil hreyfing á almennu starfs-
fólki á leikskólum og hefur þar verið um að
ræða 300 til 400 manns. Leikskólakennar-
arnir hafa hins vegar verið mjög stöðugir í
starfi, og það sama má segja um stóran hóp
leiðbeinenda sem hefur unnið árum saman á
leikskólum og er mjög gott starfsfólk. Skipt-
ingin er þannig að um 40% eru leikskóla-
kennarar og 60% leikskólaleiðbeinendur.
Hlutfall leikskólakennara hefur ekki minnkað
þessi ár þó að bætt hafi verið við svo mörg-
um plássum sem raun ber vitni. En þetta er
togstreitan sem við stöndum frammi fyrir -
að byggja fleiri leikskóla til að uppfylla þarfir
foreldranna en hafa ekki nógu margt fagfólk
til að vinna í þeim.“
Annað stóra verkefni Kristínar er for-
mennska ( Jafnréttisnefnd Reykja-
víkur. Hún tók við því starfi eftir
kosningar 1998 og segir það vera drauma-
verkefni sem tengist áhugasviði sínu. Hún
segir meirihluta borgarstjórnar Reykjavíkur
sýna áhuga sinn á jafnréttismálum í verki,
m.a. með því að samþykkja jafnréttisáætlun
og marka þá stefnu að fjölga konum í stjórn-
unarstöðum.
„Við höfum frábæra konu sem starfmann
nefndarinnar - Hildi Jónsdóttur," segir Krist-
ín. „Allt sem við kemur jafnrétti og jafnri
stöðu kynjanna heyrir undir nefndina og
henni berast margs konar erindi því viðvíkj-
andi. Nefndin hefur einnig frumkvæði að
mörgum verkefnum, eitt af því er að öllum
stofnunum þorgarinnar er gert að þúa til
jafnréttisáætlanir og er því fylgt eftir að þeim
sé skilað inn og árangurinn metinn. Bara
þetta verður til þess að mikil umræða hefur
skapast um jafnréttismál innan borgarkerfis-
ins. Margir stjórnendur stofnana hafa talið
að allt hafi verið í lagi hjá þeim en síðan hef-
ur annað komið í Ijós þegar nánar er að
gætt.
Stærsta verkefni á síðasta kjörtímabili,
þegar Steinunn V. Óskarsdóttir var formað-
ur, var sam-evrópskt verkefni um fæðingar-
orlof feðra en um niðurstöðu þess hefur
verið búin til sjónvarpsmynd og skrifuð
greinargerð af Þorgerði Einarsdóttur félags-
fræðingi. Þetta verkefni hefur sannfært mig
um að það sé eitt brýnasta jafnréttisverk-
efnið nú um stundir að feður fari inn á heim-
ilin, axli ábyrgð og fái skilning á þeim störf-
um sem þar eru unnin, auk þess að mynda
tengsl við börn sín. Það skiptir líka miklu
fyrir stöðu kvenna á vinnumarkaði að at-
vinnurekendur upplifi að það séu ekki ein-
ungis konur sem fari í fæðingarorlof, heldur
líka karlar."
Kristín segir að þetta verkefni hafi vakið
mikla eftirtekt í jafnréttisheiminum í Evrópu
og í framhaldi af því hafi verið leitað eftir
samstarfi við Jafnréttisnefnd Reykajvíkur
vegna annarra verkefna, t.d. um samþætt-
ingu eða mainstreaming. Nefndin er svo
byrjuð í samstarfi við þýskar og spænskar
konur um að efla konur í stjórnmálum en
þar er verið að fást við margt af því sem
fram kemur í bókinni Gegnum glerþakið
sem Kvenréttindafélagið gaf út nýlega.
„Það virðist ekki nóg að koma konum að
á þingum og í sveitarstjórnum því þessi
heimur hentar mörgum konum illa og þær
hætta. Það þarf því að breyta stjórnmála-
heiminum og laga hann að þörfum kvenna.
Við höfum hitt konurnar og unnið í vinnu-
hópum með þeim á Spáni og í Þýskalandi
og þær munu koma hingað. Við buðum
konum í Nefnd um aukinn hlut kvenna í
stjórnmálum að taka þátt í þessu með okk-
ur og ætlum að ná sambandi við konur í
sveitarstjórnum á landsbyggðinni.“
Að lokum nefnir Kristín verkefni sem er
henni mjög hugleikið en það tengist jafn-
réttisstarfi með börnum. Fulltrúi
Rotaryklúbbs kom að máli við hana og
bauð að gefa 40 til 50 tölvur á leikskólana
sem fyrirtæki voru að losa sig við, en þar er
oft um að ræða aðeins 2 til 3 ára gamlar
tölvur. í stað þess að skella tölvunum inn á
leikskólana og láta strákana fara að leika
sér, ákvað hún að búa til úr þessu jafnréttis-
verkefni og skipaði ráðgjafahóp. Tilgangur-
inn er að athuga hvort hægt sé að efla
áhuga stúlkna á tölvum ef þær fá að spreyta
sig á verðugri verkefnum í tölvunum heldur
en leikjum sem oft á tíðum eru ofbeldisfullir.
„Tölvuheimurinn er karlaheimur. Karl-
menn búa til tölvuleikina og þeir höfða frek-
ar til drengja en stúlkna. Að ná jafnvægi á
þessu sviði getur orðið eitt af stærstu jafn-
réttismálum framtíðarinnar. Það verður að
kenna börnum að nota tölvur á jákvæðan
og uppbyggjandi hátt, í stað þess að þar
séu bara stríðsleikir sem strákarnir hafa
gaman af,“ sagði Kristín að lokum.
EÞ
Gleðilegt sumar og takk fyrir að kaupa Veru!
Þau leiðu mistök áttu sér stað við útprentun síðustu gíróseðla að villa læddist inn í
tölvurákina. Þar stendur að bankanúmer sé 515, en þar átti að standa 513. Var send
út tilkynning til gjaldkera bankanna en hún virðist hafa skilað sér misvel. Ef þú,
greiðandi góður, hefur lent í vandræðum vegna þessa biðjumst við velvirðingar. Til
að sleppa við vanskilagjöld og dráttarvexti er hægt að greiða seðilinn í pósthúsi.
Hægt er að fá endurgreidda dráttarvexti hjá okkur, síminn er 552-2188, opið 9-13,
faxið er 552-7560 og netfangið er: vera@wortex.is Ódýrari og handhægari kostur er
að greiða áskriftina með greiðslukorti. Hvernig væri það?
VERA FLUTT í HLAÐVARPANN
Þann 1. júli flutti Vera í Hlaðvarpann, Vesturgötu 3. Nú er ætlunin að efla kvenna-
starfsemi í Hlaðvarpanum og er flutningur Veru þangað liður í því. Áskrifendur eru
velkomnir í heimsókn og við minnum á bókasafn um kvenfrelsismál sem Vera á, en
bækurnar eru til útláns, endurgjaldslaust.