Ljósmæðrablaðið - 01.09.1997, Blaðsíða 13

geti átt sér stað og koma í veg fyrir
eða minnka afleiðingar áfengis og
vímuefnaneyslu á hinn ófædda ein-
stakling. Hins vegar finnst mörgum
heilbrigðisstarfsmönnum óþægilegt
að spyrja út í neyslu viðkomandi og
finnst jafnvel að ekki sé tími fyrir svo
ýtarlegar spurningar vegna anna, en
það ætti eltki að taka lengri tíma en
ca. 2-3 mínútur í það heila.
Árið 1989 tók hópur heilbrigðis-
starfsmanna sig saman í Pittsburgh
Bandaríkjunum og stofnuðu samtök er
nefnd voru Maternal Infant Recovery
Consortium (MIRC). Eitt helsta mark-
mið þeirra er að fræða heilbrigðis-
starfsmenn og þjálfa þá í að greina eða
finna þær barnshafandi konur er neyta
áfengis og/eða annarra vímuefna á
meðgöngunni. Þar sem MIRC
aðferðin hefúr gefist vel og náðst hefur
góður árangur með henni tel ég rétt að
segja frá henni í megindráttum:
* Allar barnshafandi konur eru
spurðar um neyslu þeirra á áfengi
og/eða öðrum vímuefnum.
* Slíkar spurningar eiga ekki að
trufla eða setja úr skorðum venju-
lega mæðraskoðun eða vera of
tímafrekar.
* Fordómalaus framkoma og virðing
fyrir skjólstæðingum eykur líkur á
trausti og réttri svörun.
* Sérstakar spurningar um áfengis
og vímuefnaneyslu eru lagðar fyrir
konuna með öðrum spurningum
um almenna heilsufarssögu.
LJÓSMÆÐRABLAÐIÐ __________________
* Sumar konur þarf að spyrja oftar
en einu sinni um neyslu áður en
heiðarlegt svar fæst.
* Sumum konum þarf að benda á
að þær eigi við vandamál að stríða
og þær þurfi á aðstoð að halda
(Hinderliter ogZelenak 1993).
Spumingar um áfengis- og vímu-
efnaneyslu er jafn nauðsynlegar og
sjálfsagðar og spurningar um síðustu
blæðingar, sjúkdóma í ættinni,
núverandi heilsufar o.s.frv. Þessar
spurningar á að leggja fyrir konuna
jafn eðlilega og óþvingað og aðrar
spurningar. Eðlilegast væri að þessum
spurningum væri smeygt inn á milli
þess sem hún er spurð t.d. um
almennt heilsufar, en alls ekki að búa
til sérstakan lið undir yfirskriftinni
„áfengis og vímuefnaneysla“. Hætt er
við því að slíkt yrði þvingað bæði fyrir
spyrjandann og þann sem spurður er
og ekki fengist heiðarlegt svar ef
viðkomandi er í einhverri neyslu.
Ekki er rétt að spyrja „Drekkurðu
áfengi?“, því slík spurning virkar
fremur ásakandi og að viðkomandi
hafi þá gert eitthvað af sér sem hann
ekki mátti. Eðlilegast er að byrja
með eftirfarandi spurningum:
„Hefurðu einhvern tímann drukkið
áfengi?"
„Hefurðu einhvern tímann reykt
hass?“ og/eða
„Hefurðu einhvern tímann neytt
annarra vímuefna en áfengis?"
---------------------------------- 13