Ljósmæðrablaðið - 01.09.1997, Blaðsíða 23

sem stelling, snerting og árangursríkt
sog eftir fæðingu.
I einni athugun var hópur kvenna,
sem fengu stutta en persónulega
leiðbeiningu um brjóstagjöf meðan
þær voru enn á fæðingarstofnun,
borinn saman við tvo aðra hópa.
Annar hópurinn fékk aðeins nafn-
spjald með símanúmeri ráðgjafa um
mjólkurgjöf en hinn hópurinn fékk
auk þess bækling sem innhélt sömu
upplýsingar og gefnar voru með
hinni persónulegu leiðbeiningu. Tals-
vert fleiri konur, sem notið höfðu
persónulegrar leiðbeiningar voru með
barn sitt á brjósti einum mánuði
lengur en konurnar í hinum hópun-
um (Johnson o. fl., 1984).
I annarri könnun kom í ljós að áhrif
barns og föður á mjólkurgjöf móður-
innar voru örvandi. Hins vegar hafði
móðuramman afgerandi neikvæð
áhrif ef hún hafði sjálf ekki haft börn
sín á brjósti (Beske og Garvis, 1982).
Niðurstöður beggja þessara athugana
benda til þess að æskilegt er að veita
persónulega og faglega ráðgjöf þegar
móðirinn gefur barninu brjóst í
fyrsta skipti rétt eftir fæðinguna og
helst meðan faðirinn en enn
viðstaddur.
Sólarhringssamvera móður og barns
meðan á sængurlegu stendur hefur
mikla þýðingu fyrir vel heppnaða
brjóstagjöf. Þá getur móðirin annast
barnið eftir þörfum og lagt það á
brjóst ef það vill. Talið er gott og gilt
LJÓSMÆÐRABLAÐIÐ ___________________
að móðirin hafi ungbarnið uppi í
rúmi hjá sér, enda ekkert sem bendir
til þess að slíkt auki á líkur á vöggu-
dauða (Royal College of
Midwives,1991). Á ráðstefnu, sem
WHO stóð fyrir árið 1985 (Robak,
1992), var eftirfarandi ráðlegging
samþykkt:
„Heilbrigt nýfætt barn á alltaf að vera
með móður sinni, leyfi heilsa hennar
og barnsins það. Það er ekkert sem
réttlætir það að hið heilbrigða ný-
fædda barn sé aðskilið frá móður
sinni“.
Svefn hefur mikla þýðingu fyrir
móðurina. Talið er að hún slaki betur
á eftir fæðinguna við það að hafa
barnið hjá sér og mjólkurframleiðslan
aukist við næturgjafir. Prolaktin
hormónin er mestur þá. Einnig er
auðveldara fyrir móðurina að annast
barnið ef hún slakar vel á og þá sefur
hún líka betur (Robak, 1992).
Þættir sem hafa hindrandi áhrif
Á BRJÓSTAGJÖF
Marga Thome (1993a) hefur rann-
sakað marga þá þætti sem draga úr
líkum brjóstagjafar á fyrstu þremur
mánuðunum eftir fæðinguna og
lengur. Meðal niðurstaðna hennar er
að félagslegir þættir hafi áhrif á
brjóstagjöf, eins og aldur, menntun
og hjúskaparstaða. Hinir félagslegu
þættir geta virkað neikvætt á þrjá
vegu:
------------------------------ 23