Ljósmæðrablaðið - 01.09.1997, Blaðsíða 32

truflana. Hormóna lykkjan dregur
verulega úr blæðingum og er mjög
örugg getnaðarvörn. Hentar vel fjöl-
byrjum eftir mitt frjósemisskeið.
Koparlykkjur
Fyrir konur sem eiga börn og eru í
föstu sambandi er þetta þægileg
“áhyggjulaus” og nokkuð örugg
getnaðarvörn. Helstu vandamálin eru
miklar blæðingar og stundum
blóðleysi. Aðal áhættan eru sýkingar
og konur með lykkju fá stundum
utanlegsfóstur.
Ófrjósemisaðgerðir
Góður og “áhættulítill kostur” íyrir
bæði kyn eftir 35 ára aldur. Þetta á
að vera óafturkræf getnaðarvörn og
ber að leggja á það þunga áherslu
áður en aðgerð er framkvæmd.
Nokkur munur er á afstöðu kynj-
anna til þessarar getnaðarvarnar þar
sem frjósemi kvenna lýkur um
fimmtugt en karlarnir eru frjóir til
hinstu stundar !! ??
Getnaðarvörnin gleymdist eða
skírlífið brást!
Það má beita tvenns konar neyðar-
getnaðarvörn:
1) Gefa stóran pilluskammt innan
72 klst. frá samförum eða
2) Setja upp koparlykkju innan 5
daga frá samförum, ef ekkert
mælir gegn því svo sem sýkingar-
hætta osfrv.
32 --------------------------------
Kynlíf á meðgöngu
Margar konur eru hræddar við kynlíf
(SAMFARIR) á meðgöngu og óttast
að það geti skaðað meðgönguna eða
leitt til fósturláts og eða fyrir-
burafæðingar .
Staðreynd málsins er hins vegar þessi.
Kynlíf (samfarir) á meðgöngu er
áhættulaust. Flest bendir til að
eðlilegt og gott kynlíf á meðgöngu sé
nauðsynlegt og styrkjandi sálarheill
og “góðri uppskeru”.
Að sjálfsögðu verður að taka tillit til
breyttra aðstæðna og tæknilegra
vandamála sem upp koma er líður á
meðgöngu og rétt að útskýra það
fyrir báðum aðilum og leggja þá
jafnframt mikla áherslu á tilfmningar,
nærveru og snertingu sem hluta af
eðlilegu kynlífi.
Það sem helst kemur í veg fyrir
samfarir á meðgöngu eru sýkingar í
leggöngunum, sveppir, vörtur og
slæm grindargliðnun. Einnig er
konum með hótandi fyrirbura-
fæðingu vegna leghálsskemmda
(cervix insufficiency) ráðið frá
samförum meðan ástandið varir.
Kynlíf eftir fæðingu
Það er mjög einstaklingsbundið hversu
fljótt konur jafna sig eftir fæðingu og
ræðst það fyrst og fremst af því,
hvernig meðgangan og fæðingin gekk.
Þrjú atriði virðast þó skipta
höfuðmáli hvenær eðlilegt kynlíf
byrjar eftir fæðingu.
__________________ LJÓSMÆÐRABLAÐIÐ