Ljósmæðrablaðið - 01.09.1997, Blaðsíða 5

Dreifikréf
Landlæknisemkættisins nr. 8/199?
Landlæknir vill vekja athygli allra
lækna og ljósmæðra á að fyrir
nokkrum árum var settur staðall um
hvað þeir ættu að kunna sem fást við
ómskoðanir á þunguðum konum á
Islandi. Þessi staðall var samþykktur
af stjórnum Félags íslenskra fæðinga-
og kvensjúkdómalækna, Ljósmæðra-
félagi Islands og Félagi íslenskra
heimilislækna. Staðallinn gerir ráð
fyrir að minnsta kosti 2ja vikna
fræðilegu námi og 6 vikna verklegri
þjálfun sem tekin væri á 2 árum og
haldið reglulega við. Um viður-
kenningu á náminu má sækja til
stjórnar Félags íslenskra fæðinga- og
kvensjúkdómalækna sem staðfestir
viðurkenningu á námi í samráði við
Ljósmæðrafélagið eða Félag íslenskra
heimilislækna eftir atvikum. Lýsingu
á staðlinum og námskröfum má fá á
sónardeild Kvennadeildar Land-
spítalans, sími 560-1158.
Vakin er athygli á því að íslenski
staðallinn gerir aðeins minni kröfur
til þekkingar en almennt er nú farið
að gera í nágrannalöndunum. Þetta
var gert vegna landfræðilegra stað-
hátta hér á landi en þýðir þó ekki að
menn eigi að hafa í reynd minni
kröfur til þekkingar og reynslu en
LJÓSMÆÐRABLAÐIÐ ________________
gert er annars staðar. Framkvæmd og
túlkun ómskoðana er vandasöm. Á
Islandi á að bjóða öllum konum góða
og vandaða skoðun sem gerð er af
þjálfuðu starfsfólki sem vinnur á
skipulagðan hátt.
Landlœknir
ATH:
Stjóm LMFI fjallaði um þennan
staðal og samþykkti hann að því
undanskildu að þar sem segir að
„ljósmóðir eigi að skoða á ábyrgð og í
samvinnu við lækna á hverjum stað“.
Okkur finnst undarlegt að ein stétt
skuli bera ábyrgð á störfum annarrar
og komum við því á framfæri.
Stjórn LMFÍ
LVSTADLIN
■• SNÆLANÐ ehf
Skútuvogi 11 sími 568 5588
5