Ljósmæðrablaðið - 15.07.1999, Qupperneq 21

Fréttir af Félagi áhugafölks um heimaf«ðingar
Félag áhugafólks um heimafæðingar, sem stofnað var 11. nóvember 1998, er komið með heimasíðu þar sem
m.a. er listi yfir ljósmæður sem eru tilbúnar að sinna heimafæðingum. Þar eru einnig greinar á íslensku og
bent á áhugaverðar heimasíður á öðrum tungumálum. Félagið er nýbyrjað með umræðulista og er hægt að
skrá sig á hann á heimasíðunni. Þar gefst öllum, sem hafa áhuga á meðgöngu og fæðingu, kostur á að tjá sig
við þann hóp sem tengdur er við listann. Slóð heimasíðunnar er: www.hi.is/~jonsdotr/heimabest/
Félagið er nú að fara í fjáröflun til að geta útbúið kynningarbækling og keypt fæðingarlaug til útleigu.
Ef óskað er eftir nánari upplýsingum er hægt að hafa samband við stjórn félagsins.
Eyrún Ingadóttir, formaður Sími: 562 2426. Netfang: evruni@isholf.is
Edda Arinbjarnar, gjaldkeri Sími: 565 2636
Halla Hersteinsdóttir, ritari Sími: 561 7048
oooo oooo oooo
Bceklingxir um sýkursýki á meðgöngu
Út er kominn bæklingur, á vegum Kvennadeildar Landspítalans, um sykursýki á meðgöngu. Þetta er 18 blað-
síðna fræðslu- og upplýsingabæklingur sem ætlaður er konum með sykursýki og einnig handa þeim konum
sem fá sykursýki á meðgöngu þ.e.a.s. meðgöngusykursýki.
I bæklingum er fjallað um þær breytingar sem verða í
kjölfar þungunar m.a. hvað varðar mataræði og lyfjagjöf. ít-
arlega er sagt frá því eftirliti og þeim rannsóknum sem nauð-
synlegar eru á meðgöngutímanum, í fæðingunni og eftir að
barnið er fætt. Greint er frá þeim hættum sem geta orðið
vegna slægrar sykurstjórnunar. Á sama hátt er meðgöngu-
sykursýki gerð góð skil þ.e. ástæður, einkenni og hverjir eru
í sérstakri áhættu.
Mjög mikilvægt er að sykursjúkar konur á kynþroskaaldri
afli sér upplýsinga um gildi góðrar sykurstjórnunar áður en
þær huga að barneignum og hafa sem besta stjórnun á sjúk-
dómnum meðan á meðgöngunni stendur.
Hægt er að nálgast bæklinginn á Göngudeild Kvenna-
deildar, Göngudeild sykursjúkra, Samtökum sykursjúkra og
væntanlega á flestum heilsugæslusstöðvum. N
Bæklinginn unnu:
Guðlaug Pálsdóttir, ljósmóðir / hjúkrunarfræðingur
Sigrún E. Valdimarsdóttir, ljósmóðir/ hjúkrunarfræðingur
Aðstoð og ráðgjöf:
Prófessor Reynir Tómas Geirsson, fæðingalæknir
Sykursýki
ámeðgöngu
LJÓSMÆÐRABLAÐIÐ
21