Tímarit Verkfræðingafélags Íslands - 01.02.1960, Blaðsíða 29

TÍMARIT VFl 1960
23
Að þessu athuguðu er eðlilegt, að ferskvatnsáhrifa
gæti allverulega á stöðum eins og Innri Njarðvík og við
Gufunes. Við Garðskaga og Reykjanes hlýtur sjórinn
hins vegar að blandast mjög ört og úthafssjávarins að
gæta i rikum mæli. Eru niðurstöðurnar í aðalatriðum í
samræmi við þetta. Athyglisvert er þó, að seltan skuli
vera hærri við Garðskaga en Reykjanes, enda þótt
Reykjanes liggi mun meira fyrir opnu hafi og sjógang-
ur og brim óvíða meira við ísland en þar. Hér koma
vafalaust til greina ferskvatnsáhrifin austan að. Hins
vegar ná þau sýnilega ekki til Garðskaga. Gæti þetta
bent til þess, að straumar liggi aðallega til hafs við
Reykjanestá út með Reykjaneshryggnum austanverðum.
Er það raunar í samræmi við niðurstöður af rannsókn-
um Þjóðverja á straumkerfinu suðvestur af Islandi
(Dietrich 1957).
Vindátt og veðurhæð er gefin til kynna á linuritun-
um frá þeim stöðum, þar sem seltusveiflurnar voru
mestar, þ. e. Akranesi, Gufunesi, Hafnarfirði, Innri-
Njarðvík og Þorlákshöfn.
Við Akranes virðist mega ætla, að austan og norð-
austanvindar auki aðstreymi af fersku vatni frá Borg-
arfirði og Leirái'vogi. Þetta kemur líka fram á línuritinu.
Dagana 8. og 9. nóvember 1956 lækkaði seltan allveru-
lega við Akranes eftir að vindur hafði snúizt til aust-
urs og norðausturs. Þá var einnig lág selta hinn 19. nóv.
í austanátt, og loks hinn 29. nóv. eftir norðanátt.
Við Gufunes mældist hæst selta í austanátt, en lækk-
aði, þegar vindur snerist til suðurs. Er hér sjálfsagt um
að ræða áhrif frá Elliðaánum. Þess var áður getið, að
seltusveiflurnar við Helgasker við Hafnarfjörð kynnu
að stafa frá framburði ferskvatns í Straumsvík. Virð-
ist þá eðlilegt, að seltan lækkaði i sunnan- og vestanátt,
en hækkaði í austan- og norðaustanátt. Af línuritinu
verður hins vegar ekki séð neitt samræmi milli vind-
áttar og seltu. Sama rnáli gegnir urn Innri Njarðvík.
1 Þorlákshöfn hlýtur áhrifa frá Ölfusá einkurn að
gæta i austanátt. Þetta kemur líka frarn á línuritinu.
Lægsta seltan mældist dagana 3. og 4. marz 1957 eftir
allhvassa norðaustanátt og aftur 14. og 15. sama mán-
aðar eftir allhvassa austanátt.
Seltumælingar við Krísuvíkurbjarg.
Árin 1954—1955 voru gerðar nokkrar seltumælingar
í Hælsvík, sem er við vestari enda Krisuvíkurbjargs.
Mælingar þessar sýndu mjög mismunandi seltu, sem
Solinity %o S-3 22.- 23. SEPT. 1959
6. mynd. Sólarhrings sveiflur í seltumagninu við Krlsuvfkurbjarg. Merkingarnar S-l. S-2 og S-3 vísa til llnuritsins á 5. mynd.