Almanak Hins íslenska þjóðvinafélags - 01.01.1936, Side 32

ef hann hefði verið bundinn af þingi og þingræði.
Það sýndi sig að minnsta lcosti þann stutta tíma, sem
hann var hermálaráðherra heima í Frakklandi á
stríðsárunum, að honum var einmitt erfiðast um sam-
vinnu við þingið og' flokkana og' sagði af sér í fússi,
af því að hann þoldi ekki þjarkið, málæðið og hrossa-
kauþin á þingi og þótti orðagjálfrið haft á athöfnunum.
Hvernig var svo og er þetta land, sem Lyautey starf-
aði í og hvað gerði hann þar? Nafnið þekkja allir,—
Marokko í Norður-Afríku. Franska landið þar er um
415 þús. ferkílómetrar, eða kringum fjórum sinnum
stærra en ísland, og ibúarnir um hálf fimmta miljón,
flestir Berbar af ýmsum greinum, en einnig nokkuð
af Hamitum og ljósu fólki, nokkuð norrænu á sviþ, og
loks er í landinu talsvert af Gyðingum og Blámönnum,
sem uþþhaflega voru seldir þangað mansali. Talaðar
eru ýmsar Berba-mállýzkur og svo arabiska. Innflutn-
ingur Evrópumanna hefir stórum aukizt síðan Frakk-
ar fengu yfirráð yfir landinu og Lyautey hóf þar
starfsemi sína og reisti stóra nýtízkubæi fyrir land-
námsmennina, en innfætt fólk hefir sitt eigið húsalag
og bæjarbrag. Aðflutta fólkið býr mest í bæjum, en
annars er Marokko aðallega búnaðarland. Um fimmt-
ungur landsins er talinn ræktanlegur, en ekki er nema
um fjórðungur af því landi enn komið í rækt. Fólkið
stundar aðallega kornrækt og trjárækt, en rekureinnig
allmikla kvikfjárrækt, hefir nautgriþi og' einkum sauð-
fé (ca. 9 milj.) og geitfé (3 milj.), og svo eru þar orð-
lagðir hestamenn (ca. 200,000 hross), en úlfaldar eru
notaðir i Saharahéruðunum.
í Marokko hefir verið mannabygð frá því í íorneskju.
Þar áttu Karþagómenn nýlendu og seinna Rómverj-
ar (Mauretania) og svo komu Serkir og Marokko varð
hluti af liinu mikla Múhameðsmannaríki. Seinna gekk
þar á sifelldum róstum og ófriði og innanlandserjum,
þótt landið væri sjálfstætt og stundum öflugt ríki. Af
stjórnöndum þar þekkja margir Abu Bakr ogYakub II.,
(28)