Almanak Hins íslenska þjóðvinafélags - 01.01.1947, Side 53

skipulögð skíðakennsla á vegum skólanna. Á vegum
U. M. F. í. fóru 26 íþróttakennarar um landiS, og
var kennslutími þeirra samtals 474 vikur. Tveir þess-
ara kennara voru sérkennarar í glímu og knatt-
spyrnu. Þeir kenndu einnig i skólum og voru að
hálfu leyti á vegum fræðslumálaskrifstofunnar.
Tveir umferðakennarar kenndu fimleika á vegum
fræðstumálaskrifstofunnar. Störfuðu þeir á 4 stöð-
um, og var kennslutími þeirra 24 vikur. LandsfundT
ur íþróttakennara var haldinn í Reykjavík í septem-
berlok og stóð í fjóra daga. Allsherjar skólasýningar
voru ekki haldnar, en einstakir skólar efndu til sýn-
inga i Reykjavík, á Akureyri og víðar.
Hinn 26. maí minntust íþróttamenn þjóðskáldsins
Jónasar Hallgrímssonar. Komu þeir saman við
minnisvarða hans i Rvík og minntust hans einnig
í útvarpi. Þeir gengust og fyrir sundmótum til
minningar um Jónas viða um land.
Ársþing í. S. í. var haldið á Akureyri. Mættu þar
50 fulltrúar. Sambandsfélög voru 205 og tala fé-
lagsmanna um 21 000. Á þinginu var rætt um
sameiningu í. S. í. og U. M. F. í., skipulagsmál,
17. grein íþróttalaganna, bókaútgáfu og kosningu
forseta. Fjárvelta sambandsins nam 91 000 kr.
Stjórn U. M. F. í. kvaddi formenn héraðssamband-
anna til fundar í Rvík i september. Yar þar ákveðið
að fela Héraðssambandi Þingeyinga að annast 5.
landsmót U. M. F. í., sem ákveðið var að halda á
Laugum sumarið 1946. Innan vébanda U. M. F. í.
eru 14 héraðssambönd með 182 félögum og 10 000 fé-
lagsmönnum. Kjartan G. Bergmann var ráðinn
framkvæmdastjóri í. S. í., en Jóhann Bernharð út-
gáfustjóri bókasjóðs í. S. í. Ný iþróttabandalög tóku
til starfa í tveimur kaupstöðum og ný héraðssam-
bönd í tveimur sýslum.
íþróttanefnd ríkisins úthlutaði á árinu 620 000 kr.
(51)