Almanak Hins íslenska þjóðvinafélags - 01.01.1947, Side 74

við Seljaveg handa vitamálaskrifstofunum. Hafin var
bygging björgunarstöðvar í Örfirisey. Lokið var að
mestu smið mjólkurstöðvarhúss í Rvík. Reist var kap-
ella og bálstofa við kirkjugarðinn í Fossvogi. Byggt
var stórhýsi handa starfsfólki Elliheimilisins i Rvík.
Byggingu húss Sjálfstæðisfiokksins við Austurvöll
var að mestu lokið. Ýmsar endurbætur voru gerðar
á Hitaveitu Rvíkur, og hitavatnsgeymunum fjölgað úr
fjórum í sjö. Mikið var unnið að gatnagerð i Rvik.
Þar var og unnið að fjölmörgum öðrum bygginga-
framkvæmdum, bæði af hálfu hins opinbera og ein-
staklinga.
Mikið var unnið að ýmiss konar byggingum og
öðrum framkvæmdum við vinnuheimili berkla-
sjúklinga í Reykjalundi i Mosfellssveit.
Unnið var að sjúkrahússbyggingu á Akranesi.
Hafin var virkjun Andakílsárfossa í Borgarfirði, og
vann margt manna að henni um sumarið og haustið.
Unnið var að byggingu húsmæðraskóla við Staf-
holtsveggjalaug í Mýrasýslu. Á Patreksfirði var
unnið að byggingu sjúkrahúss. Þar var og fullgerð
sundlaug. Á ísafirði var unnið að byggingu hús-
mæðraskólahúss og stækkun gagnfræðaskólahússins.
Þar var og hafin bygging stórhýsis, þar sem vera
skal bókasafn, íþróttahús og sundlaug. í Höfðakaup-
stað á Skagaströnd var af hálfu rikisins (Nýbygg-
ingarráðs) hafinn undirbúningur margvislegra fram-
kvæmda. Er ætlunin að koma þar upp útvegsbæ með
nýtízku sniði. Rafstöðin við Skeiðfoss i Stíflu var
tekin til afnota í marzlok. í Ólafsfirði var fullgerð
útisundlaug. Húsmæðraskólinn á Akureyri var full-
gerður og hafinn þar undirbúningur að byggingu
sjúkrahúss. Vatnsveita var gerð i Þórshöfn á Langa-
nesi og þorpið raflýst. Unnið var að sundhallarbygg-
ingum á Seyðisfirði og Fáskrúðsfirði. í Vestmanna-
eyjum var hafin gerð flugvallar. Einnig var unnið
(72)