Almanak Hins íslenska þjóðvinafélags - 01.01.1968, Blaðsíða 95

Geimskipid Gemini 7 með þá Borman og Lovell innanborðs. Myndin
er tekin frá Gemini 6 med þeim Schirra og Stafford. Geimskipin eru
þarna í 260 km hœó frá jörðu og ferðast saman á 27 þús. km hraða.
var skotið á braut um jörðu 16. marz. Höfðu þeir stefnumót
við Agena flaug, sem einnig var á umferðarbraut og endur-
tóku þannig afrek Gemini 6 og 7, sem framkvæmdu fyrsta
stefnumót þessarar tegundar í árslok 1965. Nú var gengið
skrefi lengra og geimskipið tengt Agena flauginni, og var það
í fyrsta sinn, sem geimskip voru tengd saman úti í geimnum.
Vegna bilunar á einni stjórnflaug Gemini 8 nauðlentu geim-
fararnir á Kyrrahafi skömmu eftir tenginguna, en það tókst
með ágætum. Þóttu geimfararnir hafa sýnt mikið snarræði
og leikni við neyðaraðgerðirnar. Eftir að gengið hafði verið
svo frá, að slíkt endurtæki sig ekki, var Gemini 9 skotið á
loft 3. júní. Geimfarar voru þeir Thomas Stafford og Eugene
Cernan. Áttu þeir stefnumót við svonefnda ADTA flaug, en
gátu ekki tengt geimskipið við flaugina, þar sem hlíf yfir
tengibúnaði flaugarinnar hafði ekki fallið burt eins og til var
ætlazt. Cernan fór út úr geimskipinu í rúmar tvær klukku-
stundir og varð þá manna fyrstur var við mikla þreytu, sem
(93)