Símablaðið - 01.12.1964, Blaðsíða 15

Ritstjóri: A. G. Þormar - Meðritstjóri: Ingólfur Einarsson - Auglýsingastjóri: Júlíus Pálsson - Félagsprentsmiðjan.
í kapphlaupi við tímann
„Ég hef engan tíma.“ „Ég er svo fjandi upptekinn.“
„Ég sé ekki fram úr því, sem ég þarf aS gera.“
Skyldi það vera rétt, að þessi svör og þessar sjálfs-
meðaumkunarstunur séu að verða einkennandi í þjóðlífi
okkar. Að minnsta kosti er það vist, að í símastofnun-
inni eru þau orðin einkennandi í daglegri umgengni
manna. Á þetta er minnzt hér af alveg sérstöku tilefni,
og þó seinna en ástæða hefði verið til.
Símablaðið á nú á næstunni 50 ára feril að baki sér.
Fyrstu árin kom blaðið út mánaðarlega og birti frœð-
andi greinar um tæknileg efni og dagskrármál félags-
samtakanna. Á þeim árum var fjöldi félagsmanna að-
eins brot af því, sem nú er. Þó var jafnan stór hópur,
sem alltaf var reiðubúinn að skrifa í blaðið, — hafði
yfir þekkingu að ráða, sem fúslega var miðlað öðrum
af, átti hugkvœmni til að brydda á nýjum viðfangs-
efnum, og áhuga til að fylgja þeim eftir hér í blaðinu.
Þannig varð til hugmyndin um greiðslu fyrir auka-
vinnu, — um sumarleyfi, — um styrktarsjóð, — um
bókasafn, — sem nýlega geispaði golunni, — um sumarbú-
staði, — um lánasjóð, — um starfsmannareglurnar og
m. m. fleira.
„Ég hef engan tíma.“ „Ég skal sjá til, hvort ég má
vera að því.“ „Ég er svo fjandi upptekinn.“ Þessi svör
þekktust ekki þá, — og ritstjóri blaðsins þurfti þá ekki
að ganga fyrir hvers manns dyr og betla út greinar.
Þær voru sendar blaðinu af sjálfsdáðum.
Eldmóðurinn er horfinn. Nöldrið og óánœgjan ríkj-
andi, hvar sem borið er niður í þjóðfélaginu.
Um það hefur mikið verið rætt og ritað, hver sé or-