Freyr - 15.12.1989, Side 37

Félagslegar framkvæmdir í Eyjafirði
Þrír hreppar framan Akureyrar,
þ.e. Hrafnagils-, Saurbæjar- og
Öngulsstaðahreppar, hafa samein-
ast um að reisa elliheimili hjá
Kristnesi í landi Reykhúsa.
Eyfirðingar vígðu nýtt og veg-
legt íþróttahús við heimavistar-
skólann á Hrafnagili í október sl.
Aðild að skólanum eiga ofan-
greindir hreppar og Svalbarðs-
strandarhreppur. Um 700 manns
voru viðstaddir vígslu íþróttahúss-
ins og má það teljast góð þátttaka
þar sem íbúar skólahéraðsins eru
alls 12-1300.
Hjálparsveit Saurbæjarhrepps
girti í haust tveggja km langa skóg-
ræktargirðingu í Melgerðislandi
sem hreppurinn á. Var þetta liður í
fj áröflunarstarfi hj álparsveitarinn-
ar.
Haustmynd úr Eyjafirði. Nœst er Stóri-Hamar. Handan ár Grund, Hólshús
o.fl. bœir. Pað er vestanátt og kastar skúrum úr Skjóldalnum. (Freysmynd).
J.J.D.
Flutningskostnaðurvegna ábyrgðarskilmála
Á undanförnum árum hefur átt sér
stað veruleg aukning í innflutningi
alls kyns tækjabúnaðar til landbún-
aðar. í þeim tilvikum þegar slíkur
tækjabúnaður hefur bilað, á gildis-
tíma ábyrgðarskilmála innflytj-
anda, hefur oft komið upp ágrein-
ingur um greiðslu flutningskostn-
aðar á hinum bilaða hlut. í mars sl.
var kveðinn upp dómur í Hæsta-
rétti þar sem innflytjandi var
dæmdur til greiðslu flutnings-
kostnaðar á dráttarvél, sem galli
hafði komið fram í.
í ársbyrjun 1984 keypti stefn-
andi, Hörður Harðarson bóndi í
Laxárdal 2 í Gnúpverjahreppi
dráttarvél af búvélaverslun í
Reykjavík. Þegar heyskapur stóð
sem hæst þá um sumarið bilaði
dráttarvélin. Var þegar haft sam-
band við umboðið, sem sendi full-
trúa sinn til að kanna ástand vélar-
innar. Taldi hann að um svo um-
fangsmikla viðgerð yrði að ræða að
nauðsynlegt væri að senda dráttar-
vélina til umboðsins í Reykjavík.
Var þess þá óskað af kaupanda að
látin yrði í té önnur ógölluð
dráttarvél, en því var hafnað. Við
skoðun kom í ljós að brotnað hafði
úr tannhjóli. Nauðsynlegir vara-
hlutir voru þá ekki til hjá umboð-
inu en gert var við vélina til bráða-
birgða. Var hún síðan notuð á
ábyrgð umboðsins fram í október,
þegar varahlutir höfðu borist. Þá
var vélin send í annað sinn til
Reykjavíkur og fullnaðarviðgerð
framkvæmd. Fór þá kaupandi
fram á að umboðið greiddi flutn-
ingskostnað á dráttarvélinni, sem
var algerlega hafnað af hálfu þess.
Var þá fyrirtækinu stefnt fyrir Bæj-
arþingi Reykjavíkur til greiðslu
flutningskostnaðar.
í árslok 1987 féll dómur í undir-
rétti þar sem seljandi var sýknaður
af öllum kröfum kaupanda. Var
málinu þá áfrýjað til Hæstaréttar.
Þar féll dómur í mars sl. og var
seljandi þar dæmdur til að greiða
Herði Harðarsyni þann flutnings-
kostnað sem hann krafðist. Ekki er
að efa að þessi dómur mun hafa
fordæmisgildi í framtíðinni.