Freyr - 01.02.1991, Blaðsíða 10

90 FREYR
3.’91
„Þetta er atvinnunám“
Við drögum úr kennslu í grunngreinum en aukum hana í starfsnámi.
Jón Bjarnason skólastjóri Bœndaskólans á Hólum í viðtali við Frey.
„ Grunnur námsins hér íBœndaskólanum á Hólum er hefðbundinn, en við leggjum áherslu
á að þróa námið í takt við breytingarnar í landbúnaðinum, þessum aðalatvinnuvegi
strjálbýlisins. Þetta er atvinnunám. Við drögum úr kennsiu í grunngreinum en aukum
kennsluna í því sem snertir beint atvinnuveginn, það er í starfsnámi. “ Þetta sagði Jón
Bjarnason, skólastjóri á Hólum þegar fréttamaður Freys lagði leið sína á fund hans á sl.
sumri.
Séð heim að Hólum áður en útliti dómkirkjunnar var breytt.
„Kennsla í tölvunotkun hefur
mjög verið aukin og kennt er að
nota hana við hvers konar vinnu,
bæði í verkefna- og ritvinnslugerð
og að gera áætlanir. Við lítum á
það sem mikilvægt atriði að nem-
endur sem fara héðan séu færir um
eða a.m.k. óragir við að nota nýj-
ustu tækni. Tölvan er orðin lykil-
atriði í hvers konar samskiptum
manna. Það eru þrjú ár síðan farið
var að kenna á tölvur hér í skólan-
um.
I starfsnáminu reynum við að
búa fólk undir atvinnuveg sem er
að falla æ meira að lögmálum iðn-
aðarins en auðvitað verður líka að
líta á hinar hliðarnar, þ.e.a.s. þá
lífsfyllingu sem fólk fær í starfi
sínu. En án bærilegrar fjárhagsaf-
komu og samkeppnisstöðu verður
lífsfyllingin lítil af öðru.“
Jón Bjarnason var, þegar við-
talið var tekið, nýkominn af ráð-
stefnu eða námskeiði sem lönd í
norðanverðri Evrópu halda sam-
eiginlega á tveggja til þriggja ára
fresti.
„Hér er um að ræða samstarf
þessara landa um skipan í landbún-
aðarmenntun, einkum starfsnámi í
landbúnaði, þó ekki háskóla-
menntun, heldur endurmenntun í
atvinnuveginum. Að þessum nám-
skeiðum standa, auk Norður-
landa, Bretar, írar og Hollending-
ar. Þarna koma saman skólastjórar
og kennarar í búnaðarskólum og
yfirmenn menntamála í landbún-
aði og bera rækilega saman bækur
sínar um búnaðarmenntun í þess-
um löndum. Námskeiðin eru hald-
in til skiptis í áðurnefndum löndum
og segja má að það land þar sem
þau eru haldin hverju sinni gefi
grunntóninn."
Jón er búinn að fara á þrjár
slíkar ráðstefnur, nú síðast í
Skotlandi og hann telur það með
afbrigðum lærdómsríkt. Ráðstefn-
ur þessar eru yfirleitt haldnar á
búnaðarskólum í viðkomandi
landi og næsta ráðstefna verður
haldin hér á landi árið 1992. Jón
segir að stjórn fræðslumála í land-
búnaði í nágrannalöndum okkar,
leggi mikla áherslu á að menn geti
nýtt sér nýjustu tækni í atvinnuveg-
inum. Og óneitanlega hafi þetta
skipulag haft sín áhrif á mótun í
búfræðikennslu hér á landi.
Búfrœðinám á Hólum
Spurningu um búfræðinám á
Hólum og skipulag þess svaraði
Jón: