Freyr - 15.06.1992, Blaðsíða 33

Skóbursti við
innganginn
Til ab hreinsa aur og snjó af
skófatnaði áður en komið er inn í
hús er málið leyst á einfaldan hátt
með þremur kústhausum á járn-
grind við innganginn. Eins og
myndin sýnir eru kústhausar til
beggja hliða og einn undir.
Hvernig væri ab einhver laghent-
ur tæki sig til og framleiddi þetta
þarfaþing til sölu hér á landi.
Myndina tók Auður Sveinsdótt-
ir fyrir utan skóla einn í Svíþjóð.
Kirkjugarðarnir
Auður Sveinsdóttir
Á ráðstefnu Landverndar sem
haldinn var sl. haust í Munaðar-
nesi og bar heitið „Ásýnd íslands,
fortíð, nútíð, framtíð," flutti
Gubmundur P. Ólafsson erindi er
hann nefndi „Byggð og landslag?
— og fuglasöngur". Guðmundur
er vel þekktur náttúrufræðingur
og hefur m.a. ritað bækurnar
Fuglar íslands og Perlur íslands.
Eftirfarandi kafli um kirkju-
garða er úr erindi Gubmundar og
hér tekið meb til ab vekja menn til
umhugsunar um þennan hluta
íslenskrar menningar.
„Kirkjugarðarem hluti afsögu og
menningarlandslagi íslands. Þeir
eru helgir reitir. Samt eyðileggur
kirkjan hvern garðinn á fætur
öðrum. Hún lætur moka yfir, jafn-
vel rústa leiði barna og foreldra,
ættingja og vina með tætara.
Einhvern tímann hefðu þetta
verið talin helgispjöll, skemmdar-
verk guðlausra manna.
Ennþá setjast menn á leiði, þar
sem þau eru, og láta hugann reika.
Hugleiðsla er notalegri þar og þab
dásamlega við hlaðin leiði er að
þau hafa töfra eins og landslagið.
Þau eru persónuleg. Þar hvílir
ástin og sorgin og lífsblómið í
eilífðinni. Gamall kirkjugarður
sem er sléttaður er vanvirtur og
tapar andlegum krafti sínum.
Krukk og kák í kirkjugörðum
þarf ab banna tafarlaust. Almenn-
ingur ætlast til þess að kirkjan sýni
umburöarlyndi, skilning og gott
fordæmi. Það er dýrt að slétta
kirkjugarða og ósmekklegt, bæði
frá sjónarmiði augans og gagnvart
látnum og lifandi. Nær væri að
kirkjan héldi námskeið í því að
hlaða leiði og í meðferð sláttu-
amboða en að kynda undir dýrk-
un vélguðsins."
21