Freyr - 15.06.1992, Side 39

12.’92
FREYR 511
mergð, og vöruúrvalið ekkert út
yfir allra nauðsynlegustu grunn-
matvæli. kjöt, fisk, grænmeti og
brauð að ógleymdu spikinu, sem
var þarna til sölu. Niðursuðudós-
um og niðursoðnum matvælum var
raðað upp í hillur. að því er virtist á
þann veg að fyrirferðin virtist vera
sem mest. Öllum dósum og krukk-
um með niðursoðnum tómötum
var raðað hverri upp á aðra í ein-
földum röðum. Úti fyrir sátu gaml-
ar konur og reyndu að selja ber úr
glerkrukkum og gulrótarknippi.
Vöruskorturinn var svo áber-
andi að maður kunni fyrsta kastið
ekki við að taka myndir inni í
verslunum, okkur fannst það liggja
um of í augum uppi að við værum
að mynda fátæktina. Pað viðhorf
breyttist svo þegar líða tók á ferð-
ina og maður varð ónæmari fyrir
þessu.
Eftir nokkra hríð komurn við að
vegslóða, þar sem Volgan var skil-
in eftir, og fólkið selflutt á rússan-
um (gazinum) það sem eftir var.
Brátt komum við að svæði þar sem
greinilega var nokkurs konar sam-
komustaður (pickniksvæði). Sum-
ir kölluðu það reyndar einfaldlega
ruslahaug, þar sem rússum virtist
margt annað eiginlegra en að þrífa
eftir sig. Því var þarna ekki sér-
staklega þrifalegt um að lítast þar
sem minjar um fyrri ferðir voru
þarna um allt.
Eitt þótti okkur dálítið merki-
legt, en það var að við fengum
yfirleitt engar ráðleggingar um
hvers konar fatnað eða skófatnað
væri heppilegt að taka með sér.
Þegar spurt var hvort væri gott að
taka stígvél eða annan hlífðarfatn-
að með, þá var svarið yfirleitt
„maybe” og við það sat. Því þurft-
um við yfirleitt að taka allan tiltæk-
an skófatnað með og láta síðan
ráðast þegar á hólminn var komið
hvað passaði í það og það skiptið.
Alexis fór með okkur í langan
göngutúr, þar sem flóran var skoð-
uð. Meðal annars sáum við þarna í
fyrsta sinn hina eftirtektarverðu
„blátoppu", sem er allhár runni
(u.þ.b. einn metri) sem ber sæt
bláber. Hann væri hið mesta þing
sem garðaplanta, en gallinn er sá
að ekki hefur enn tekist að rækta
hann hérlendis þannig að hann
beri æt ber.
Þarna sáum við greinilega
hvernig klettafuran breiðir úr sér
um fjöll og firnindi, og virðist hún
vera mjög áhugaverð sem land-
græðsluplanta. Á hinn bóginn er
þess að geta að hún gerir alla um-
ferð um landið mjög erfiða eða því
sem næst ómögulega. Því er kapp
best með forsjá þegar hún er gróð-
ursett.
Eftir ágæta gönguferð sem tók
um tvo tíma, komum aftur í rjóðrið
þar sem reykur steig nú til himins,
enda verið að steikja svínakjöt af
miklum móð. Þarna sátum við nú
drykklanga stund og nutum matar
og drykkjar í ágætis veðri. Við
vorum svolítið áhyggjufullir yfir
hvort kjötið væri nægjanlega vel
steikt, það ku vera hollara fyrir
viðkvæma maga aðkomumanna.
Að lokum var farið að búast til
heimferðar, dálítið af rusli skilið
eftir eins og gengur og síðan ekið af
stað. Á leiðinni heim var stansað
við og við og litið á áhugaverð tré,
m.a. annars víðitegund eina sem
ég man ekki lengur hvað heitir.
Gerð hefur verið tilraun til að
flytja hana heim, en það mistekist.
Við komum heim til Magadan
um 5 leytið. Við notuðum tímann
til að ganga um bæinn og skoða
mannlífið. Margt fólk var á ferli
með börn sín. Fólkið var yfirleitt
mjög þokkalega til fara, ólíkt um-
hverfinu. Hvergi sást grasblettur
sem hafði verið sleginn, en órækt-
argras víða. Húsin voru víða í sýni-
legri niðurníðslu, og yfirbragð
borgarinnar allt heldur hrörlegt.
Loftmengun var veruleg og kom
hún vel í Ijós við veðurfarslegar
aðstæður eins og voru fyrir hendi
þennan dag, sólfar, logn og hlýtt.
Á einum stað sáum við skemmti-
garð með hefðbundnu sniði, leik-
tæki, hringekja o.fl. í þeim dúr.
Það vakti athygli okkar að
hringekjan var knúin áfram með
flugvélamótorum, en ekki á þann
hátt sem maður er vanur að sjá.
Það var greinilegt að við vöktum
nokkra athygli almennings þegar
við gengum um úti á götum. Ekki
held ég að það hafi verið klæða-
burðurinn, því heimamenn klædd-
ust ekki óáþekkum fötum og við.
Líklega voru það myndavélarnar,
svo og það að útlendingar eru
sjaldséðir þarna. Ég get helst
ímyndað mér að samsvörun hér-
lendis megi finna frá því fyrir
seinna stríð, áður en allt fylltist af
bretum og könum.
Frá Makadan. Kona býðurfram grœnmeti til sölu.