Litli Bergþór - 01.03.1994, Qupperneq 20

Ný heilsugæslustöð
S
I Laugarási
Nú er verið að leggja síðustu hönd á teikningar að
nýrri heilsugæslustöð í Laugarási og verður
byggingin væntanlega boðin út á þessu ári.
Með þessu sér fyrir endann á langri baráttu
stjórnar og starfsfólks heilsugæslustöðvarinnar. Allt
frá 1984 hefur verið farið framá það við
heilbrigðismálaráðuneytið og fjárveitinganefnd
Alþingis að veita fé til nýbyggingar. Rökin hafa verið
að með aukinni aðsókn að stöðinni og meiri
starfsemi sé húsnæðið allt of lítið. Auk þess sem
innrétting stöðvarinnar er óhöndug og stafsaðstaða
léleg.
Fyrsta fjárveiting fékkst 1987 til frumhönnunar og
teikninga. Síðan fékkst ekki fé fyrr en árið 1993 og
nú er svo komið að fyrir liggur ráðherrabréf um að
hér skuli byggja og fjárveiting uppá 10 milljónir er á
þessu ári.
1987 var Geirharður Þorsteinsson arkitekt ráðinn
til að teikna en sonur hans Þorsteinn tók við
teikningum sumarið 1993. Til gamans geta má þess
að Geirharður er sonur Þorsteins Loftssonar sem
bjó um tíma á Stóra-Fljóti.
Nýja stöðin er 580 m2 og kostnaðaráætlun er 70
milljónir.
í byggingarnefnd stöðvarinnar eru Jón Eiríksson,
Loftur Þorsteinsson og Pétur Skarphéðinsson.
Er við hæfi að lokið verði við byggingu nýrrar
stöðvar áður en læknishéraðið verður 100 ára en
fyrst var settur læknir til að þjóna uppsveitum
Árnessýslu 1897 og hafa læknar setið þar síðan.
P.S.
heilsugæslustöðin
lóóartcikning 1/200
dags: jan. 199H
í laugarási
arkitcktar fai
gcirharður þorsteinsson
þorstcinn gcirharðsson
lindargótu 25. 101 rvk
simi 621699 fax 613H4
V--
Litli - Bergþór 20