Litli Bergþór - 01.03.2000, Síða 21

Leikdeildarfréttir
Kæru Tungnamenn
í lok nóvember 1999 kom stjórn leikdeildar U.M.F.Bisk. saman eftir langt hlé. Umrœðuefnið „ eigum við að setja
upp leiksýningu í vetur“?
Auðvitað gerum við það, annað vœri ekki sœmandi dugmiklum leikurum Biskupstungna og þarna á fundinum
ákváðum við hvaða leikrit skyldi sýna og leikstjóri ráðinn.
Leikritið sem varð ofaná varr Spanskflugan eftir Amold og Back. Leikstjóri var Björn Gunnlaugsson, kornungur
leikstjóri á uppleið. Hann hefur getið sér gott orð erlendis og er nú aðstoðarleikstjóri í Þjóðleikhúsinu.
Æfingar hófust 10. janúar 2000. Æft var stíft öll kvöld og
um miðjan dag á laugardögum og sunnudögum, enda stóðst
áætlun um frumsýningardag. Um 25 manns komu að þessari
uppfærslu og eru þá allir upptaldir. Æfingar gengu mjög vel
og svo einn góðan veðurdag nánar tiltekið þann 18. feb.
frumsýndum við verkið. Sýningunni var afskaplega vel tekið
og allir skemmtu sér alveg konunglega „auðvitað í öllu
skikkelsi “
Fyrir hönd leikdeildar vil ég þakka öllum sem að þessu
komu og sérstaklega þeim sem heima sátu á meðan á œfingum
stóð. Ekki vil ég halla á neinn en sérstakar þakkir vil égfœra
reddaranum okkar og gjaldkera, henni Guðnýju Rósu, en það
er hún sem er driffjöðrin í þessu öllu.
„ Takk Gudda“
Að lokum óska ég öllum
Tungnamönnum, ungum sem öldnum,
nœr ogfjœr, gleðilegra páska og
komandi vors.
Egill Jónasson, ritari leikdeildar.
Guðný á Tjörn og Egill í
hlutverkum húsráðenda.
Olafur og Asrún í Víðigerði í hlutverkum
verðandi kærustupars.
Berglind á Espiflöt og
Brynjar á Heiði í hlutverki
ástfangins ungsfólks.
Guðný og Camilla í Asakoti í hlutverkum glaðra kvenna.
Sigurjón í Kistuholti, Bjarni á Brautarhóli
Egill í hlutverkum virðulegra manna.
Brynjar og Berglind túlka ástaratlot afinnlifun.
Litli - Bergþór 21