Litli Bergþór - 01.04.2006, Side 5
Hvað segirðu til?
Helstu tíðindi úr sveitinni frá desember til mars.
Umhleypingar lýsa best tíðarfarinu hér í svartasta
skammdeginu og raunar alveg fram á útmánuði. Oft
var margskonar veður á sama sólarhringnum, skiptust
á skammvinir blotar, éljagangur og frost. Stundum
rigndi allmikið og frost fór allt að -20°C og hiti um
og yfir 10°C. Snjór tafði aldrei umferð að ráði, en
stundum varð dálítið hált á vegum. Seint í janúar
hlýnaði verulega og rigndi mikið öðru hvoru. Flóð
varð þó ekki mikið í ám, þar sem snjór var ekki mikill
á jörð. í febrúar skiptust á kælur með nokkru frosti
og hlýindi og rigndi stundum mikið. 011 það ekki
teljandi skemmdum á vegum í byggð, en víða rann
nokkuð úr Kjalvegi og varð hann mjög holóttur.
Gamli vegurinn í Fremstaver varð alveg ófær
ökutækjum í Brunnalækjum vegna úrrennslis. Fært
mun vera eftir braut, sem lögð var í haust austan
Grjótár og á veginn að Fremstaveri milli Grjótár og
Litlu-Grjótár. Skammvinnar kælur megnuðu ekki að
koma klaka í jörð svo neinu næmi, og víða er hún
alveg þýð. í mars var tíðarfar áfram gott, dálítið um-
hleypingasamt en einkenndist sérstaklega af snjóleysi.
Karlakór Hreppamanna bauð til tónleika í
Skálholtskirkju síðast í nóvember. Edit Molnár
stjómaði kórnum, Miklós Dalmay lék á orgel og
Magnea Gunnarsdóttir söng einsöng.
Fjórar messur vom í Skálhotskirkju á aðventunni
og tveir aðventutónleikar að auki. Skálholtskórinn og
Bama- og kammerkór Biskupstungna sungu ásamt
einsöngvurunum Sigrúnu Hjálmýsdóttur og Páli
Óskari Hjálmtýssyni, Monika Abendroth lék á hörpu
og strengjasveit spilaði undir stjórn Hjörleifs
Valssonar. Kári Þormar lék á orgel, en stjómandi var
Hilmar Örn Agnarsson. Á tónleikunum var jólalag
Skálholts frumflutt, sem er eftir Hreiðar Inga
Þorsteinsson úr Laugarási. Aðventukvöld vom í
Bræðratungukirkju, og var ræðumaður þar Bjöm
Sigurðsson í Uthlíð, en á samskonar samkomu í
Haukdalskirkju talaði Sigríður Jónsdóttir í Arnarholti.
í Torfastaðakirkju var kvöldmessa á aðventu og þar
var messað á nýársdag. Þrjár messur voru í
Skálholtskirkju á tæpum sólarhring frá að-
fangadagskvöldi til miðs jóladags, og messað var
bæði í Bræðratungu og Haukadal á annan í jólum.
Egill Hallgrímsson, sóknarprestur, og Sigurður
Sigurðarson, vígslubiskup, önnuðust prestþjónustu,
Hilmar Örn Agnarsson lék á orgel, og félagar úr
Skálholtskórnum sungu í flestum messunum.
I desember var lögregluna í Ámessýslu farið að
grana að ólögleg starfsemi færi fram í Iðufelli í
Laugarási. Við húsleit fannst töluvert af kannabis-
plöntum í fyrram gærukjallara þar. Voru þær gerðar
upptækar.
Síðdegis á gamlársdag voru tónleikar í Skálholts-
kirkju. Þar komu m. a. fram Jóhann I. Stefánsson,
trompetleikari, Hilmar Öm Agnarsson, organisti,
Halla Margrét Ámadóttir, sópransöngkona og Egill
Ámi Pálsson, tenórsöngvari.
Seint í janúar var Brynjólfsvaka í Skálholtsskóla.
Þar talaði Kári Bjarnason, handritafræðingur, erindi
um skáld, sem voru með Brynjólfi biskupi Sveinssyni
í Skálholti, og Skúli Sæland, sagnfræðingur, ræddi
um áhrif Brynjólfs í þjóðlendumálinu. Einnig söng
Kammerkór Biskupstungna ljóð frá tímum Brynjólfs
undir stjórn Hilmars Arnar Agnarssonar. Að þessu
loknu var opnuð sögusýning um Brynjólf biskup og
samtíð hans, og kynnti hönnuður hennar, Ólafur
Engilbertsson, hana, en hún verður opin fram á sumar.
Oft eru svonefndir „kyrrðardagar“ í Skálholti, þar
sem fólk fær næði til hugleiðinga og hlýðir á fróðleik.
Messað er í Skálholtskirkju hvern sunnudagsmorgun
kl. 11.
Þorrablót var í Aratungu annað kvöld þorra í umsjá
Torfastaðasóknar. Þar var flutt minni karla og
kvenna, og hópur fólks lék og söng frumsamið efni.
Sem fyrr komu gestir með matinn að heiman, og að
loknu borðhaldi var dansað við undirleik tveggja
hljófæraleikara.
Sex kvöldum seinna var á sama stað þorrablót
Félags aldraðra í Biskuptungum. Þar var snæddur
matur, sem starsfólk Aratungu reiddi fram, og fluttur
var meginhluti dagskrár frá hinu fyrra blóti.
Á vegum þessa félags var farið í þriggja daga ferð
til Vestfjarða í vor. Ekið var vestur yfir Gilsfjörð, gist
fyrri nóttina í Flókalundi en þá síðari á Núpi í
Dýrafirði og siglt yfir Breiðafjörð á heimleiðinni. I
haust var haldið til strandar og m. a. skoðuð söfn og
draugasetur á Stokkseyri. Ferð þessi var í boði
Kvenfélags Biskupstungna og Bláskógabyggðar.
Vetrarstarf Félags aldraðra hófst í október, og felst
það í að fyrsta fimmtudag í hverjum mánuði er
samkoma, þar sem flutt er ýmiskonar efni, upplestur,
erindi, söngur og myndasýningar. Aðra fimmtudaga
kemur fólk einnig saman í Bergholti, dundar sér við
ýmislegt; sker út gripi úr timbri, spilar á spil og fleira.
Á hverjum þriðjudegi fer dálítill hópur aldraðra í
íþróttamiðstöðina, liðkar sig og styrkir undir stjórn
Áslaugar Kristinsdóttur en syndir í lauginni og sullar í
heitum potti á eftir.
í byrjun hvers mánuðar er haldin „Létt-menningar-
vaka“ á veitingastaðnum Kletti. Þar hafa ýmsir
miðlað fróðleik og skemmtan í vetur. Má þar nefna
Kristínu Einarsdóttur, þjóðfræðing, félaga úr
Leikdeild Ungmennafélagsins, tónlistamennina Rip,
Rap og Garfunkel og Ljótu hálfvitana.
í byrjun febrúar var svonefnt Japanskvöld í
Aratungu. Þar kynntu þeir sem fóru til Japan sl.
sumar og greint var frá í síðasta blaði, það helsta, sem
--------------------------------- 5 Litli Bergþór